Watchtower TANAKIʼAGA TOHI ʼI TE NETI

Watchtower TANAKIʼAGA TOHI ʼI TE NETI

TANAKIʼAGA TOHI ʼI TE NETI

Esaia 34:5

Tohi-Tapu Fakaliliu ʼo Te Malama Foʼou
- 5 “ ʼI te lagi, ʼe totototo anai taku heleta.+
  
  ʼE au fakaʼaogaʼi anai moʼo fakahoko te fakamau ki Etome,+
  Ki te hahaʼi ʼae kua au fakatotonu ke fakaʼauha.

Esekiele 25:13

Tohi-Tapu Fakaliliu ʼo Te Malama Foʼou
- 13 Koia koʼeni te folafola ʼa te Tuʼi ʼAliki ko Sehova: “ ʼE au toe faoʼi anai toku nima moʼo tauteaʼi ʼo Etome. ʼE au pulihi anai mai te fenua te tagata mo te manu pea ʼe au fakaliliu anai ko he koga meʼa ʼe tuʼu lavaki.+ ʼE matehi anai natou ʼaki te heleta mai Temane ʼo kaku ki Tetane.+

Esekiele 35:15

Tohi-Tapu Fakaliliu ʼo Te Malama Foʼou
- 15 Neʼe ke fakafiafia ʼi te maumauʼi ʼo te tofiʼa ʼo te hahaʼi ʼo Iselaele. ʼE au toe fai feia pe anai kia koe.+ ʼE ke tu’u maumau anai mo lavaki, potu moʼugaʼia ʼo Seili, ʼei, ia Etome katoa!+ Pea ʼe iloʼi moʼoni anai ko au ia Sehova.’ ”

Amosi 1:11

Tohi-Tapu Fakaliliu ʼo Te Malama Foʼou
- 11 Koʼeni te meʼa ʼae ʼe ui e Sehova:
  ‘ ʼE mole fetogi anai taku tonu, ʼuhi ko te ʼu agatuʼu ʼae neʼe fai tuʼa tolu peʼe tuʼa fa e Etome.+
  ʼEi, neʼe ina tuli tona tehina ʼaki te heleta,+
  Pea neʼe mole lotomanavaʼofa.
  Ohage ko he manu moka ita ʼe ina hae tuʼumaʼu ia natou,
  Pea ʼe kei kovi ʼosi pe tona ita kia natou.+

Apetiasi 13

Tohi-Tapu Fakaliliu ʼo Te Malama Foʼou
- 13 ʼAua naʼa ke ulu ki te kolo ʼo taku hahaʼi ʼi tonatou ʼaho malaʼia.+
  ʼAua naʼa ke sio ki tonatou mamahi ʼi tonatou ʼaho malaʼia, pea ke fiafia ai.
  Pea ʼaua naʼa ke kaihaʼa ʼonatou koloa ʼi tonatou ʼaho malaʼia.+