15 “Kae kapau ʼe mole kotou fakalogo ki te leʼo ʼo Sehova tokotou ʼAtua, ʼo kotou tokakaga fakalelei ʼo maʼuliʼi ʼana fakatotonu fuli pea mo ʼana lekula ʼae ʼe au foaki atu kia koutou ʼi te ʼaho nei, ʼe hoko anai kia koutou te ʼu malaʼia fuli ʼaeni pea ʼe lahi anai ʼokotou malaʼia:+

36 ʼE ʼave anai e Sehova ia te hau ʼae neʼe kotou fakanofo, ʼo feia mo koutou ki he puleʼaga neʼe mole kotou iloʼi mo ʼakotou kui,+ pea ʼe kotou tauhi ai anai ki he tahi ʼu ʼatua, ko he ʼu ʼatua neʼe fai ʼaki te ʼakau pea mo te maka.+

15 Neʼe ina ʼave popula ai ia Seoakini+ ki Papiloni,+ ʼo feia mo te faʼe ʼa te hau, mo te ʼu ʼohoana ʼo te hau, mo te ʼu tagata ʼae neʼe gaue ʼi tona fale hau pea mo te ʼu tagata maʼuhiga ʼo te fenua. Neʼe ina ʼave popula ia natou mai Selusalemi ki Papiloni.

7 Neʼe matehi te ʼu foha ʼo Setesiasi ʼi ʼona muʼa. Neʼe fakatotonu e Nepukanesa ke kapeʼi te ʼu mata ʼo Setesiasi pea ke haʼi ʼona nima mo ʼona vaʼe ʼaki he ʼu seini kapa, pea ke ʼave leva ki Papiloni.+

13 ʼE au li anai ki ai taku kupega pea ʼe maʼua ai.+ ʼE au ʼave anai ia ia ki Papiloni ki te fenua ʼo te kau Kaletea kae ʼe mole sio anai ki ai. Pea ʼe mate ai anai.+

3 Pea neʼe fakatotonu e te hau kia Asipenasi, te pule ʼo te hahaʼi ʼae ʼe gaue ʼi tona fale hau, ke ina ʼaumai he kau Iselaele. Neʼe tonu ke ʼaumai tafito ia natou ʼae ʼe kau ʼi te hologa hau peʼe ʼi te ʼu famili ʼaliki.+

6 Neʼe kau ʼihi ia natou ʼaia ʼi te telepi* ʼo Suta: ko Taniela,*+ mo Hanania,* mo Misaele* pea mo Asalia.*+