32 Lolotoga te temi ʼaia, neʼe sio ia te hahaʼi kua tuai te hifo mai ʼa Moisese mai te moʼuga.+ Neʼe natou fakatahitahi ai kia Alone ʼo natou ui age ki ai: “Faʼu maʼa tatou he ʼatua ke ina takitaki ia tatou,+ koteʼuhi ʼe mole tou iloʼi pe kotea ʼae kua hoko kia Moisese, te tagata ʼae neʼe ina fakamavae ia tatou mai te fenua ʼo Esipito.”

4 Pea neʼe ina toʼo te ʼu meʼa aulo ʼaia pea neʼe ina gaueʼi te aulo ke liliu ko he fakatata* ʼo he ʼuhiʼi pipi.+ Pea neʼe natou ui leva: “Iselaele, koʼeni tou ʼAtua, ʼae neʼe ina fakamavae ia koe mai te fenua ʼo Esipito.”+

25 ʼI te nofo ʼa Iselaele ʼi Sitime,+ neʼe fai e te hahaʼi tagata ni felaveʼi fakasino heʼe ʼaoga mo te ʼu fafine ʼo Moape.+ 2 Neʼe fakaafe e te ʼu fafine te hahaʼi ki ʼanatou faisakilifisio ki ʼonatou ʼatua,+ pea neʼe kakai te hahaʼi mo tulolo ia muʼa ʼo ʼonatou ʼatua.+

42 Koia, neʼe mavae te ʼAtua mai ia natou pea mo ina tuku ke natou fai he tauhi taputapu ki te kautau ʼo te lagi,+ ohage pe ko tona tuʼu ʼi te tohi ʼo te kau Polofeta: ‘Hahaʼi ʼo Iselaele, ʼe mahino ia neʼe mole kotou momoli mai kia te au ni molaga mo ni sakilifisio lolotoga te ʼu taʼu ʼe 40 ʼi te toafa.