Watchtower TANAKIʼAGA TOHI ʼI TE NETI

Pesa 22:16-18

Tohi-Tapu Fakaliliu ʼo Te Malama Foʼou
- 16 Kua ʼa takai au e ni kuli,+
  ʼE natou fakaovi mai kia au ohage ko he kutuga agakovi,+
  ʼE natou hage ko he laione ʼe ina ʼohofi ʼoku nima mo ʼoku vaʼe.+
  
  17 ʼE au lava lau ʼoku hui fuli.+
  
  ʼE natou hahaga mai pea mo sioʼi fakamamaʼu au.
  
  18 ʼE natou vaevae ʼoku mutuʼi meʼa,
  Pea mo natou toho ke natou iloʼi pe ko ai ʼae ka ina maʼu toku kofu.+

Esaia 53:1-12

Tohi-Tapu Fakaliliu ʼo Te Malama Foʼou
- 53 Ko ai koa ʼae neʼe tui ki te logo ʼae neʼe matou tala?*+
  
  Pea neʼe fakaha koa kia ai te malohi* ʼo Sehova?+
  
  2 ʼE tupu anai ohage ko he huli+ ʼi ʼona muʼa,* ohage ko he aka ʼi he kele magemage.
  
  ʼE mole taulekaleka anai mo matalelei tona agaaga,+
  Pea ka kita sio ki ai ʼe mole kita fia fakaovi ki ai.
  
  3 Neʼe fehiʼaʼinaʼi pea neʼe fakamamaʼo te hahaʼi mai ia ia.+
  Neʼe mahino te tagata ʼaia ki te ʼu mamahi pea mo te mahaki.
  
  Neʼe hage ia neʼe ʼuʼufi tona fofoga.*
  
  Neʼe fehiʼaʼinaʼi pea neʼe mole maʼuhiga kia tatou.+
  
  4 Neʼe ina ʼamo ʼotatou mahaki+
  Pea mo ʼotatou mamahi.+
  
  Kae neʼe tou manatu tatou, neʼe tauteaʼi mo ta e te ʼAtua pea mo gaohi koviʼi.
  
  5 Kae neʼe hukiʼi ia ia+ ʼuhi ko ʼatatou talagataʼa,+
  Neʼe laliki ia ia ʼuhi ko ʼatatou hala.+
  
  Neʼe fakatuʼā ia ia ke tou maʼu ai te tokalelei,+
  Pea kua tou malolo ʼuhi ko ʼona lavea.+
  
  6 Neʼe tou hehe fuli ohage ko ni ovi,+
  Neʼe tou tahi mulimuli pe ʼi tona ala,
  Pea neʼe tuku e Sehova kia ia te hala ʼa te tagata fuli.+
  
  7 Neʼe fakamamahiʼi,+ neʼe ina tuku ke gaohi koviʼi ia ia,+
  Neʼe mole pe la fai hana palalau.
  
  Ohage ko he ovi ʼe ʼave ke tamateʼi,+
  ʼE nofo fakalogologo ia muʼa ʼo ʼana tagata faikosi,
  Neʼe mole pe la fai hana palalau.+
  
  8 Neʼe gaohi koviʼi ia ia pea neʼe ʼave ʼuhi he neʼe mole fakamauʼi ʼi te faitotonu.
  Koia ko ai ʼae ka tokaga ki te fakamatala ʼo tona taʼiake?*
  
  Neʼe toʼo* ia mai te fenua ʼo te kau maʼuli.+
  Neʼe ta* ia ʼuhi ko te talagataʼa ʼo taku hahaʼi.+
  
  9 Logo la neʼe mole ina fai he meʼa ʼe kovi,
  Pea neʼe mole ina fai he palalau kaka,+
  Neʼe ina maʼu he fale maka ʼi te kau agakovi.+
  ʼI tona mate, neʼe tanu ia mo te kau maʼu koloa.+
  
  10 Kae neʼe ko te finegalo ʼo Sehova ke laliki ia ia, pea neʼe ina fakagafua ke mamahi.
  
  Kapau ʼe ke momoli tona maʼuli ohage ko he sakilifisio fakatokatoka,*+
  ʼE sio anai ki tona hakoga, ʼe ina fakatologa anai ʼona ʼaho,+
  Pea ʼe hoko anai te finegalo ʼo Sehova ʼaki ia ia.+
  
  11 ʼI tana ʼosi mamahi ʼaia, ʼe fakafimalieʼi anai ʼi te meʼa ʼae ka sio ki ai.
  
  ʼAki taku tagata kaugana, ia ia ʼae ʼe faitotonu, ʼuhi ko tona ʼatamai malama,+
  ʼE tala anai ʼe faitotonu te tokolahi+
  Pea ʼe ina ʼamo anai ʼanatou hala.+
  
  12 Koia ʼae ʼe au foaki anai hona vahe ʼi te kaugamalie,
  Pea ʼe ina vaevae anai te koloa mo natou ʼae ʼe malolohi,
  Koteʼuhi neʼe ina foaki tona maʼuli ʼo kaku ki te mate+
  Pea neʼe lau ia ia ʼi te kau talagataʼa.+
  Neʼe ina ʼamo te ʼu agahala ʼo te tokolahi+
  Pea neʼe ina hufakiʼi te kau talagataʼa.+

Taniela 9:26

Tohi-Tapu Fakaliliu ʼo Te Malama Foʼou
- 26 “Pea ʼe matehi anai te Mesia+ moka ʼosi te ʼu vahaʼa ʼaia ʼe 62, pea ʼe mole he meʼa maʼa ia.+
  
  “Pea ʼe haʼu anai he takitaki mo tana foʼi kautau* ʼo natou maumauʼi te kolo pea mo te koga meʼa taputapu.+ ʼE maumauʼi anai ohage neʼe maumauʼi e he lomaki. Pea ʼe hoko atu anai te tau ʼo kaku ki te fakaʼosi. Neʼe kua fakatuʼutuʼu e te ʼAtua ke hoko ni maumau.+