9 ʼAua naʼa kotou tanaki ni foʼi piesi aulo, peʼe siliva, peʼe kapa ki ʼakotou kiʼi kato falā,+ 10 mo kotou toʼo he kato faʼo meʼa kai ʼi takotou fagona, mo he ʼu mutuʼi meʼa fetogi,* mo he ʼu sulie, mo he toko,+ he ʼe tau mo te tagata gaue ke ina maʼu tana meʼa kai.+

11 Kapau neʼe matou nunusi ia koutou he ʼu koloa fakalaumalie, pea ʼe kovi koa mo kapau ʼe matou utu mai ia koutou he tokoni fakasino?+

14 ʼE toe feia aipe, neʼe fakatotonu e te ʼAliki kia natou ʼae ʼe natou tala te logo lelei ke natou maʼu mai ai hanatou meʼa kai.+

18 Koteʼuhi ʼe ui ʼi te ʼu Tohi Taputapu: “ ʼE mole tonu ke ke fakamaʼu te gutu ʼo te vitulo moka ina malamalaki te fulumeto”+ pea “Ko te tagata gaue ʼe tau mo tona totogi.”+