18 “ ‘ ʼE mole tonu anai ke ke lagavaka+ peʼe ke lotokovi ki tau hahaʼi. ʼE tonu anai ke ke ʼofa ki tou tatau ohage pe ko koe totonu.+ Ko au ia Sehova.

12 Koʼeni taku fakatotonu, ke kotou feʼofaʼaki ohage pe ko taku ʼofa ʼae ia koutou.+

9 Pea ʼo ʼuhiga mo te ʼofa fakatautehina,+ ʼe mole ʼaoga ke matou faitohi atu, koteʼuhi ʼe akoʼi totonu koutou e te ʼAtua ke kotou feʼofaʼaki.+

8 Kapau leva ʼe kotou fakahoko te lao fakahau ʼo mulimuli ki te vaega ʼaeni ʼo te ʼu Tohi Taputapu: “ ʼE tonu ke ke ʼofa ki tou tatau ohage pe ko koe totonu,”+ pea ʼe lelei.

22 ʼI takotou kua fakamaʼa ia koutou* ʼaki takotou fakalogo ki te moʼoni ʼo iku ai ki he ʼofa fakatautehina ʼe mole malualoi,+ ke kotou feʼofamamahiʼaki mo he loto katoa.+

14 ʼE tou iloʼi neʼe tou fakalaka mai te mate ki te maʼuli,+ koteʼuhi ʼe tou ʼoʼofa ki te ʼu tehina.+ Ko ia ʼae ʼe mole ʼofa ʼe nofo ia ʼi te mate.+