Pesalemo

149 Kotou vikiʼi ia Sehova!*

Kotou hiva kia Sehova he katiko foʼou,+

Kotou vikiʼi ia ia ʼi te fakatahi ʼa te kau agatonu.+

2 Ke fakafiafia ia Iselaele ʼo ʼuhiga mo tona Tupuʼaga Lahi,+

Ke fiafia te ʼu foha ʼo Sione ʼo ʼuhiga mo tonatou Hau.

3 Ke natou vikiʼi tona huafa ʼaki ni meʼe,+

Ke natou hiva ni fakavikiviki,* ʼo ta te nafa mo te alepa.+

4 ʼE ʼofa ia Sehova ʼi tana hahaʼi.+

ʼE ina fakamataleleiʼi te kau agavaivai ʼo haofaki natou.+

5 Ke fakafiafia te kau agatonu ʼi tonatou kololia,

Ke natou kalaga fakafiafia ʼi ʼonatou moeʼaga.+

6 Ke natou hiva fakavikiviki ki tonatou ʼAtua,

Ke natou toʼo ʼi ʼonatou nima he heleta matalua,

7 Ke natou fakahoko te lagavaka ki te ʼu puleʼaga,

Pea mo tauteaʼi te hahaʼi,

8 Ke seiniʼi ʼonatou hau,

Pea mo haʼi ʼonatou ʼaliki ʼaki ni ukamea,

9 Ke fakahoko ai te fakamau ʼae neʼe tohi kia natou.+

ʼE maʼu te fakapale ʼaia e tana kau agatonu fuli.

Kotou vikiʼi ia Sehova!*