Pesalemo
Masikile* ʼa Tavite.
32 Manuʼia te tagata ʼae ʼe fakamolemole tana talagataʼa, pea kua molehi* tana agahala.+
3 ʼI taku nofo fakalogologo, neʼe vaivai ʼoku hui he neʼe au lauga ʼi te ʼaho katoa.+
4 Neʼe au logoʼi te mamafa ʼo tou ita ʼi te ʼaho mo te po.+
Neʼe puli ai toku malohi ohage ko te mao ʼo te vai ʼi te temi vela. (Sela)
Neʼe au ui: “ ʼE au fakaha anai ʼaku talagataʼa kia Sehova.”+
Pea neʼe ke fakamolemole ai ʼaku agahala.+ (Sela)
6 Koia ʼae ʼe faikole atu anai te kau agatonu fuli kia te koe,+
ʼI te temi ʼae ʼe kei feala ke natou fakaovi atu ai.+
Tatau aipe pe ʼe hake he vai ʼe mole natou lofia anai.
ʼE ke tuku anai au ki ni hahaʼi ʼe kalaga fakafiafia ʼuhi ko tau haofaki.+ (Sela)
8 “ ʼE au foaki atu anai te fakasiosio poto pea mo akoʼi koe ʼi te ala ʼae ʼe tonu ke ke haʼele ai.+
ʼE au fia tokoniʼi koe mo tokaga kia koe.+
9 ʼAua naʼa ke* hage ko he hosi peʼe ko he asino, ko he ʼu manu ʼe hala ʼatamai,+
He ʼe tonu ke lolomi tonā malohi ʼaki he fakagutu peʼe ko he maea,
Ia muʼa ʼo tanā fakaovi atu kia koe.”
10 ʼE lahi te ʼu mamahi ʼo te tagata agakovi.
Kae ko ʼae ʼe falala kia Sehova ʼe puipui anai e Tona ʼofa agatonu.+
11 Ke liliu ia Sehova ko te matapuna ʼo tokotou fiafia! Ke kotou fakafiafia ia koutou ʼae ʼe faitotonu!
Kotou kalaga fakafiafia ia koutou fuli ʼae ʼe lelei ʼokotou loto!