Pesalemo

43 ʼAtua e, fakamauʼi au,+

Haofaki au+ mai te puleʼaga heʼe agatonu.

Haofaki au mai te tagata kaka mo heʼe faitotonu.

2 He ʼe ko koe toku ʼAtua, toku kolo tau.+

He koʼe neʼe ke liʼaki au?

He koʼe ʼe tonu ke au fealuʼaki lotomamahi ʼuhi ko toku gaohi koviʼi e toku fili?+

3 Fakaha mai tou malama mo tau moʼoni.+

Ke nā takitaki au.+

ʼEi, ke nā takitaki au ki tou moʼuga taputapu mo tou tapenakulo taulekaleka.+

4 Pea ʼe au alu anai ki te ʼaletale ʼo te ʼAtua,+

Ki te ʼAtua, toku fiafiaʼaga lahi.

ʼAtua e, siʼoku ʼAtua, ʼe au vikiʼi anai koe ʼaki te alepa.+

5 He koʼe ʼe au lotovaivai?

He koʼe ʼe au lotohoha?

ʼE au talitali anai ki te ʼAtua,+

ʼE au toe vikiʼi anai ia ia he ʼe ko toku Haofakiʼaga Lahi pea mo toku ʼAtua.+