Sopo
33 “Fakalelei siʼou loto Sopo, kae ʼi te lakaga nei, fagono ki ʼaku palalau,
Fakalogo kia meʼa fuli ʼe au fakaha atu.
2 Fakalelei siʼou loto, fagono mai! ʼE tonu ke au avahi toku gutu,
Ke au palalau.
3 ʼE ha ʼi ʼaku palalau te faitotonu ʼo toku loto,+
Pea ʼe fakaha fakamalotoloto e toku gutu te meʼa ʼae ʼe au iloʼi.
4 ʼE ko te laumalie ʼo te ʼAtua ʼae neʼe ina faʼu au,+
Pea ʼe ko te tuku manava ʼa te Mafimafi ʼae neʼe ina foaki mai te maʼuli.+
5 Tali mai mo kapau ʼe ke lavaʼi.
Fakaha mai ʼau manatu. Ke ke tokalelei.
6 Koʼeni, ʼe au hage pe ko koe ia muʼa ʼo te ʼAtua moʼoni,
Mo au foki la, neʼe faʼu au ʼaki te kele.+
7 Koia ʼaua naʼa ke mataku ʼuhi ko au,
Pea ʼaua naʼa mamafa kia koe ʼaku palalau.
8 Kae neʼe ke fai te ʼu palalau ʼaeni ʼi ʼoku muʼa,
ʼEi, neʼe au logo tuʼumaʼu ki ai:
9 ‘ ʼE au maʼa, ʼe mole au lakahala,+
ʼE au haohaoa, neʼe mole au fai he hala.+
10 Kae ʼe maʼu e te ʼAtua ni tupuʼaga ke fakafeagai mai kia au,
ʼE au hage kia ia ko hona fili.+
11 ʼE ina fakamaʼu ʼoku vaʼe ʼaki ni papa,
ʼE ina sivisivi ʼoku ala fuli.’+
12 Kae ʼi tau ui te faʼahi ʼaia, ʼe ke faihala. Koia ʼe au tali atu anai:
ʼE maʼoluga age te ʼAtua ʼi te tagata.+
13 He koʼe ʼe ke meo ʼo ʼuhiga mo Ia?+
Ko tona tupuʼaga koa he neʼe mole tali atu ki hau palalau?+
14 He ʼe palalau liuliuga te ʼAtua,
Kae ʼe mole tokagaʼi ia e he tahi.
15 ʼE palalau ʼi he moemisi, ʼi he meʼa ʼe ha ʼi te poʼuli,+
Moka mate moe te hahaʼi,
Moka natou momoe ʼi ʼonatou palepale.
16 ʼE palalau ia ki ʼonatou taliga,+
Mo tohi ʼana fakatotonu ʼi ʼonatou ʼatamai,
17 Ke situʼa ai he tahi ki te meʼa ʼae ʼe kovi,+
Mo puipui he tagata mai te fiameʼameʼa.+
19 ʼE toe fakatonutonuʼi foki mo he tagata moka mamahi ʼi tona palepale,
Moka mamahi tuʼumaʼu ʼona hui,
20 Ke fakalialia ai ki te foʼi pane,
Mo toe fakafisi ki te meʼa kai ʼae ʼe kano lelei.+
21 ʼE hifo tona sino ʼo pakoko,
ʼO ha lelei ai ʼona hui.
22 ʼE fakaovi ki te luo,*
Kua ovi tona maʼuli kia natou ʼae ʼe natou fakatupu te mate.
23 Kapau ʼe ʼi ai hana tagata ʼave logo,*
He tagata haofaki ʼi he toko afe,
Ke ina fakaha age te meʼa ʼae ʼe totonu,
24 ʼE fakaha anai e te ʼAtua tona ʼofa kia ia, ʼo ina ui:
26 ʼE kole mamahi anai ki te ʼAtua,+ ʼae ka ina fakaha age tona manavaʼofa.
ʼE sio anai ki te fofoga ʼo te ʼAtua pea mo kalaga fakafiafia,
Pea ʼe liufaki anai e te ʼAtua Tana faitotonu ki te tagata.
27 ʼE fakaha anai e* te tagata ʼaia ki ʼona tatau:
‘Neʼe au agahala+ ʼo fai te meʼa ʼae ʼe mole totonu,
Kae neʼe mole au maʼu te meʼa ʼae ʼe tuha mo au.*
29 Koia, ʼe fai liuliuga e te ʼAtua
Te ʼu meʼa fuli ʼaia maʼa he tagata,
30 Ke toe liliu mai mai te luo,*
Ke fakamalamaʼi ia ia e te malama ʼo te maʼuli.+
31 Sopo, tokaga mai! Fagono mai!
Fakalogologo pea ʼe hoko atu anai taku palalau.
32 Kapau ʼe ʼi ai hau manatu, fakaha mai.
Palalau mai, he ʼe au fia fakamoʼoni ʼe ke tonu.
33 Kapau ʼe mole hau manatu, ʼe tonu ke ke fakalogo mai.
Fakalogologo pea ʼe au akoʼi atu anai te poto.”