Pesalemo
95 Kotou ʼomai ke tou kalaga fakafiafia kia Sehova!
ʼEi, tou kalaga fakafiafia ki te ʼUtu ʼo totatou haofaki.+
2 Tou olo ki ʼona muʼa mo ni fakafetaʼi.+
Tou hiva mo kalaga fakafiafia kia te ia.
3 Ko Sehova ko he ʼAtua lahi,
He Hau lahi ʼe maʼoluga age ʼi te ʼu ʼatua fuli ʼae.+
4 ʼE pule ki te ʼu potu loloto ʼo te kele,
ʼAʼana te ʼu moʼuga maʼoluga,+
6 Kotou ʼomai ke tou atolasio kia te ia mo tulolo ʼi ʼona muʼa.
Ke tou tuʼutuli ia muʼa ʼo Sehova, ia Ia ʼae neʼe ina fakatupu tatou.+
7 Ko ia ko totatou ʼAtua,
Pea ko tatou ko te hahaʼi ʼae ʼe ina fafaga,
Te faga ovi ʼae ʼe tokaga ki ai.+
ʼI te ʼaho nei, kapau ʼe kotou fakalogo ki tona leʼo,+
8 ʼAua naʼa kotou lotofefeka ohage ko te meʼa ʼae neʼe hoko ʼi Melipa,*+
Pea mo te meʼa ʼae neʼe hoko ʼi Masea* ʼi te toafa,+
9 ʼI te temi ʼae neʼe ʼahiʼahiʼi ai au e ʼakotou kui.+
Neʼe natou fakatupu toku hauhau kae neʼe natou sisio ki ʼaku gaue.+
10 Lolotoga taʼu ʼe 40, neʼe au fakalialia ki te taʼiake ʼaia, pea neʼe au ui:
“ ʼE lotokaka tuʼumaʼu pe te hahaʼi,
Pea ʼe mole natou mahino ki ʼaku gaue.”
11 Koia neʼe au fakapapau ai ʼi toku ita:
“ ʼE mole natou hu anai ki toku maloloʼaga.”+