Pesalemo
Masikile* ʼa Etane,+ te tagata Etesele.
89 ʼE au fia vikiʼi te ʼu fakamoʼoni ʼo te ʼofa agatonu ʼo Sehova ʼo talu ai.
ʼE au fakamatala anai tau agatonu ki te ʼu taʼiake fuli.
2 Neʼe au ui: “ ʼE tuʼu anai te ʼofa agatonu ʼo talu ai,+
Pea neʼe ke fakatuʼu malohi tau agatonu ʼi te lagi.”
4 ‘ ʼE au fakatuʼu malohi anai tou hakoga+ ʼo talu ai,
ʼE au fakamalohi anai tou hekaʼaga fakahau ʼi te ʼu taʼiake fuli.’ ”+ (Sela)
5 Sehova e, ʼe vikiʼi e te ʼatu lagi ʼau gaue fakaofoofo,
ʼEi, tau agatonu ʼi te fakatahi ʼa te kau maʼoniʼoni.
6 Ko ai ʼae ʼe tatau mo Sehova ʼi te lagi kauʼaoa?+
Ko ai ʼae ʼe hage ko Sehova ʼi te ʼu foha ʼo te ʼAtua?+
7 ʼE fakaʼapaʼapaʼi lahi te ʼAtua ʼi te fakatahi ʼa te kau maʼoniʼoni.+
ʼE lahi mo fakamanavahe kia natou fuli ʼae ʼi ʼona tafaʼaki.+
ʼE ke agatonu ia meʼa fuli.+
10 Neʼe ke laliki ia Laape,*+ ʼei, neʼe ke matehi.+
Neʼe ke fakamavetevete ʼou fili ʼaki tou nima malohi.+
12 Neʼe ke fakatupu te potu noleto mo te potu saute,
14 Ko te fakatafito ʼo tou hekaʼaga fakahau ʼe ko te faitotonu mo te aga fakahagatonu.+
15 Manuʼia te hahaʼi ʼae ʼe kalaga fakafiafia!+
Sehova e, ʼe natou haʼele ʼi te malama ʼo tou fofoga.
16 ʼE natou fakafiafia ʼo ʼuhiga mo tou huafa ʼi te ʼaho katoa,
ʼE fakaʼapaʼapaʼi natou ʼuhi ko tau faitotonu.
17 Ko koe tonatou kololia mo tonatou malohi,+
Pea ʼe tuputupu tomatou malohi* he ʼe matou fakafiafiaʼi tou loto.+
18 Neʼe foaki mai e Sehova tamatou meʼa tali tau,
ʼEi, neʼe foaki mai e te Maʼoniʼoni ʼo Iselaele tomatou hau.+
19 ʼI te temi ʼaia, neʼe ke ui ki tau kau agatonu ʼi he meʼa neʼe ha:
“Neʼe au toe fakamalohiʼi he tagata malohi,+
Neʼe au fakamaʼuhigaʼi he tahi neʼe filifili mai te hahaʼi.+
21 ʼE au lagolago anai ki ai,+
Pea ʼaki toku nima ʼe au fakamalohiʼi anai ia ia.
22 ʼE mole fakamaʼua anai e he fili ke ina totogi he tukuhau,
Pea ʼe mole gaohi koviʼi anai ia ia e he tagata heʼe faitotonu.+
23 ʼE au laliki anai ʼona fili ʼi ʼona muʼa,+
Pea ʼe au matehi anai ia natou ʼae ʼe fehihiʼa kia ia.+
25 ʼE au tuku anai ke ina puleʼi te tai,
ʼO toe feia ki te ʼu vai tafe.+
26 ʼE kalaga mai anai: ‘Ko koe taku Tamai,
Toku ʼAtua, mo te ʼUtu ʼo toku haofaki.’+
28 ʼE au taupau anai toku ʼofa agatonu kia ia ʼo talu ai,+
Pea ʼe mole maumauʼi anai ʼi he temi te fuakava ʼae neʼe au fai mo ia.+
29 ʼE au fakatuʼu anai tona hakoga ʼo talu ai,
Pea ʼe au fakatuʼu anai tona hekaʼaga fakahau ʼo talu ai, ohage ko te lagi.+
30 Kapau ʼe liʼaki e ʼona foha taku lao
ʼO mole natou muliʼi ʼaku fakamau,
31 Kapau ʼe natou talagataʼa ki ʼaku lekula
ʼO mole natou fakalogo ki ʼaku fakatotonu,
32 ʼE au tauteaʼi anai tanatou talagataʼa* ʼaki he ʼakau+
Pea mo ʼanatou hala ʼaki he huipi.
33 Kae ʼe mole au fakafisi anai ʼi he temi toku ʼofa agatonu ʼae kia ia+
Pea ʼe mole au holoʼi anai taku fakapapau.
35 ʼI toku maʼoniʼoni, neʼe au fai tuʼa tahi pe taku fakapapau,
ʼE mole au loiʼi anai ia Tavite.+
36 ʼE tuʼu anai tona hakoga ʼo talu ai,+
ʼE tuʼu anai tona hekaʼaga fakahau ʼi ʼoku muʼa ʼo talu ai ohage ko te laʼa.+
37 ʼE tuʼu malohi anai ohage ko te mahina ʼo talu ai,
Ko he fakamoʼoni agatonu ʼaia ʼi te lagi kauʼaoa.” (Sela)
38 Kae ko koe, neʼe ke tekeʼi mo liʼaki ia ia,+
Neʼe ke ita ki tau fakanofo.
39 Neʼe ke meʼa noaʼi te fuakava ʼae neʼe ke fai mo tau kaugana,
Neʼe ke moamoagaʼi tona pale ʼo ke siʼaki ki te kele.
40 Neʼe ke holoʼi ʼona kaupa maka fuli,
ʼEi, neʼe ke maumauʼi ʼona kaupa.
41 Neʼe kaihaʼa ia ia e natou fuli ʼae neʼe fakalaka ovi ki ai,
ʼE manukiʼi ia ia e ʼona vahaʼa fale.+
42 Neʼe ke tuku ke malo ʼona fili ia ia,+
Neʼe ke fakafiafiaʼi ʼona fili fuli.
43 Neʼe mole ke fakagafua ke lava tau mo tana heleta,
Neʼe holomuli ʼi te tau.
44 Neʼe ke pulihi tona taulekaleka,
Neʼe ke fakahifo mai tona tuʼulaga hau.
45 Neʼe ke fakanounou tona temi tupulaga,
Neʼe ke fakalainoaʼi. (Sela)
46 Sehova e, ʼe ke nono anai ʼo kaku ki ʼafea? ʼO talu ai?+
ʼE fualoa anai koa te vela ʼo tou hauhau ohage ko he afi?
47 Ke ke manatuʼi ʼe nounou toku maʼuli.+
Neʼe mole koa la he ʼuhiga ʼo tau fakatupu te tagata?
48 Ko ai te tagata ʼae ʼe maʼuli kae ʼe mole mate anai?+
ʼE feala koa ke ina haofaki ia ia totonu mai te malohi ʼo te Faitoka?* (Sela)
49 Sehova e, kofea te ʼofa* ʼae neʼe ke fakaha ʼi te temi muʼa?
ʼI tau agatonu, neʼe ke fai he fakapapau kia Tavite ʼo ʼuhiga mo te ʼofa ʼaia.+
50 Sehova e, ke ke manatuʼi te ʼu laukovi ʼae neʼe fai ki ʼau kaugana.
Ke ke manatuʼi ʼe tonu ke au katakiʼi te ʼu laukovi ʼa te hahaʼi fuli,
51 Sehova e, te ʼu laukovi ʼae neʼe fai e ʼou fili,
Pea neʼe natou laukoviʼi te ʼu gaue fuli ʼo tau fakanofo.
52 Ke vikiʼi ia Sehova ʼo talu ai. Ameni, Ameni.+