ʼUluaki Kolonito
16 Ka fai leva he tanaki meʼa ʼofa maʼa te kau maʼoniʼoni,+ kotou mulimuli ki te ʼu tokoni ʼae neʼe au fai ki te ʼu kokelekasio ʼo Kalate. 2 ʼI te ʼuluaki ʼaho ʼo te vahaʼa fuli, ke kotou tahi tuku keheʼi he foʼi falā ʼo mulimuli ki ʼona fealagia, ke ʼaua naʼa tanaki te ʼu meʼa ʼofa moka au tau atu. 3 Kae ka au tau atu, ʼe au fekauʼi anai te ʼu tagata ʼae ʼe kotou ui ʼi ʼakotou tohi ʼe natou tuha mo te falala,+ ke natou ʼave te ʼu meʼa ʼofa ki Selusalemi. 4 Kae kapau ʼe lelei age ke au alu mo au ki ai, ʼe au alu anai mo natou.
5 ʼE au alu atu anai ʼi taku ʼosi fakalaka ʼi Masetonia, koteʼuhi ʼe au fakalaka anai ʼi Masetonia.+ 6 Pea ʼe lagi au nofo anai mo koutou ʼi he kiʼi temi peʼe lolotoga te temi momoko, ke feala ke kotou kaugā olo mo au ʼi he kiʼi temi ʼi he faʼahi pe ʼe au alu anai ki ai. 7 ʼE mole au fia alu atu nei, he ʼe mole fualoa anai, kae ʼe au fakaʼamu ke au nofo fualoa mo koutou,+ mo kapau ʼe fakagafua mai e Sehova.* 8 Kae ʼe au nofo nei ʼi Efeso+ ʼo kaku ki te ʼAho Lahi ʼo Te Penikosite, 9 he ʼe kua foaki mai he faigamalie lahi* ke au fakahoko ai taku minisitelio,+ kae ʼe kaugamalie te kau fakafeagai.
10 Ka tau atu ia Timoteo,+ kotou faiga ke ʼaua naʼa nofo tuʼania ia koutou, koteʼuhi ʼe ina fakahoko ia te gaue ʼa Sehova,*+ ohage pe ko au. 11 Koia ke ʼaua naʼa meʼa noaʼi ia ia e he tahi. Ke kotou tokoni kia ia ke folau mai kia au ʼi te tokalelei, he ʼe au fakatalitali ki ai fakatahi mo te ʼu tehina.
12 ʼO ʼuhiga leva mo totatou tehina ko Apolose,+ neʼe au fakalotomalohiʼi lahi ia ia ke alu atu mo te ʼu tehina. Neʼe mole ina fakatuʼutuʼu ke alu atu nei, kae ʼe hoki alu atu anai moka ina maʼu hona faigamalie.
13 Kotou nonofo ʼalaʼala,+ mo kotou tutuʼu malohi ʼi te tui,+ mo kotou lototoʼa+ pea mo kotou liliu ʼo malolohi.+ 14 Ke kotou fai ia meʼa fuli ʼaki te ʼofa.+
15 ʼU tehina, ʼe kotou iloʼi ʼe ko te loto fale ʼo Setefanasi ʼae neʼe liliu ko te ʼu ʼuluaki tisipulo ʼi Akaia pea neʼe natou tauhi fakamalotoloto te kau maʼoniʼoni. Koia koʼeni te kole ʼe au fai atu: 16 Ke kotou fakalogo mo koutou ki te faʼahiga hahaʼi feia pea mo natou fuli ʼae ʼe tokoni mai kia matou pea mo gaue kinakina.+ 17 Kae ʼe au fiafia ʼi te ʼomai ʼa Setefanasi,+ mo Folotunatusi pea mo Akaikusi, he ʼe natou tokoni lahi mai kia au ʼi takotou mole ʼi heni mo au. 18 Koteʼuhi neʼe natou fakalotofimalieʼi au pea mo koutou. Koia kotou fakaʼapaʼapaʼi te faʼahiga tagata ʼaia.
19 ʼE ʼoʼofa atu te ʼu kokelekasio ʼo Asia. ʼE ʼofa mamahi atu ia Akila mo Pilisika pea mo te kokelekasio ʼae ʼe fakatahitahi ʼi tonā ʼapi,+ kia koutou ʼae ʼe ko he kau tisipulo ʼa te ʼAliki. 20 ʼE ʼofa atu te ʼu tehina fuli. Kotou feʼalofaʼaki ʼaki he fekita.*
21 Ko au Paulo, ʼe au ʼofa atu.*
22 Ke malaʼia ia ia ʼae ʼe mole ʼofa ki te ʼAliki. Siʼomatou ʼAliki, ke ke haʼu! 23 Ke nofo mo koutou te ʼofa makehe ʼo te ʼAliki ko Sesu. 24 Ke nofo mo koutou fuli toku ʼofa, ia koutou ʼae ʼe ko he kau tisipulo ʼa Kilisito* Sesu.