Pesalemo
Ki te pule ʼo te kau faimaholo. Masikile* ʼa Tavite, ke hiva mo he ʼu meʼa faimaholo kauʼi uka.
2 Tokaga mai pea mo tali mai kia au.+
ʼE au hoha ʼuhi ko taku tuʼania,+
Pea ʼe au mataku
3 ʼUhi ko te ʼu palalau ʼo ʼoku fili
Pea mo te fakafeagai mai ʼa te tagata agakovi.
ʼE natou fakahoko ni malaʼia,
Pea mo lotokovi kia au.+
5 ʼE au mataku mo tekelili,
Pea ʼe tete toku sino katoa.
6 ʼE au ui tuʼumaʼu: “Ka na pau la neʼe ʼi ai hoku ʼu pakakau ohage ko he lupe,
ʼE au lele anai ʼo nofo ʼi he koga meʼa ʼe mole ʼi ai he tokakovi.
7 ʼE au hola mamaʼo anai.+
ʼE au nofo anai ʼi te toafa.+ (Sela)
8 ʼE au lele anai ki he nonoʼaga
ʼE mamaʼo mai te tuʼani matagi mo te afā.”
9 Sehova e, fakamaveuveuʼi ia natou pea ke to noa ʼanatou fakatuʼutuʼu,*+
Koteʼuhi neʼe au sio ʼe hoko ʼi te kolo te agamalohi mo te fekēʼaki.
10 ʼEi, ʼi te ʼaho mo te po ʼe hoko ʼi ʼona kaupa.
ʼE maʼu te lotokovi mo te malaʼia ʼi te kolo.+
11 ʼE maumau te kolo,
ʼE mole puli te agamalohi mo te kaka ʼi te malaʼe lahi.+
ʼE mole ko he fili ʼae neʼe fakafeagai mai,
Ka na ʼaua la ʼe feala pe ke au hola mai ia ia.
14 Neʼe ma fiafia ʼi tamā fakakaumeʼa lelei.
Neʼe ma olo fakatahi mo te hahaʼi ki te fale ʼo te ʼAtua.
15 Ke hoko te malaʼia kia natou!+
Ke natou hifo maʼuli ki te Faitoka,*
He ʼe kua mafola te agakovi pea ʼe natou toe agakovi pe.
16 Kae ʼe au kalaga anai au ki te ʼAtua,
Pea ʼe haofaki anai au e Sehova.+
18 ʼE ina haofaki* anai au mai ia natou ʼae ʼe natou tauʼi au pea ʼe ina foaki mai anai te tokalelei,
He ʼe tauʼi au e he hahaʼi tokolahi.+
19 ʼE logo anai te ʼAtua pea ʼe ina tali anai kia natou,+
Ia ia ʼae ʼe ʼafio talu mai te temi muʼa.+ (Sela)
ʼE mole fia fetogi anai
Ia natou ʼae ʼe mole manavasiʼi ki te ʼAtua.+
21 ʼE malū age ʼana palalau ʼi te potilo,+
Kae ʼe lotokovi ia.
ʼE lave lelei age ʼana palalau ʼi te lolo,
Kae ʼe hage ia ko he ʼu heleta masila.+
ʼE mole ina tuku anai ʼi he temi ke higa te tagata faitotonu.+
23 ʼAtua e, ʼe ke fakahifo anai natou ki he luo ʼe loloto ʼosi.+
ʼE mamate tupulaga anai te kau faifakapo mo agakaka.+
Kae ko au ia, ʼe au tuku anai taku falala kia te koe.