Lua Samuele
22 ʼI te ʼaho ʼae neʼe haofaki ai e Sehova ia Tavite mai te ʼu nima ʼo ʼona fili fuli+ pea mo Saulo,+ neʼe hiva fenei ia Tavite kia Sehova:+
2 “Ko Sehova ʼe ko toku maka malohi pea mo toku kolo tau.+ ʼE ko Ia ʼae ʼe ina haofaki au.+
3 Ko toku ʼAtua ʼe ko toku ʼutu,+ pea ʼe au hola ki ai,
Ko taku meʼa tali tau+ pea mo toku fakamaʼuli malohi,* mo toku nonoʼaga,*+
Pea mo toku holaʼaga,+ mo toku haofakiʼaga.+ ʼE ke haofaki au mai te agamalohi.
4 ʼE au pauʼi kia Sehova, ʼae ʼe tuha mo te fakavikiviki,
Pea ʼe ina haofaki anai au mai ʼoku fili.
5 Neʼe fasi mai te ʼu peau ʼo te mate ki ʼoku tafaʼaki.+
Neʼe fakamatakuʼi au e ni tagata ʼe mole honatou ʼuhiga, ʼe natou hage ko he vai tafe ʼe tafe malohi.+
7 ʼI toku mamahi, neʼe au pauʼi kia Sehova,+
Neʼe au pauʼi tuʼumaʼu ki toku ʼAtua.
Neʼe logo ki toku leʼo mai tona fale lotu,
Pea mo taku kalaga ʼae ke tokoni mai.+
8 Pea neʼe kamata galulu te kele.+
Neʼe gaugaue te ʼu fakatafito ʼo te lagi+
Mo galulu ʼuhi ko tona hauhau.+
9 Neʼe haʼu mai ʼona poga ihu he kohu,
Pea neʼe haʼu mai tona gutu he afi kakaha.+
Neʼe mapuna mai ia ia he ʼu mamala kua ulo.
11 Neʼe heka ʼi he kelupimi+ pea neʼe lele.
Neʼe ha lelei ia ia ʼi te ʼu pakakau ʼo he laumalie.*+
12 Neʼe ʼa takai leva ia ia ʼaki te fakapoʼuli ohage ko he fale la,+
Neʼe toe ʼa takai ia ia e ni vai kua ʼepu pea mo ni ʼao matolu.
13 Neʼe mafisi mai te malama ʼae ʼi ʼona muʼa ni mamala kakaha.
15 Neʼe ina fana ʼana kauʼi nahau+ pea neʼe mavete ai ʼoku fili.
Neʼe ina fakamaveuveu natou ʼaki te tapa ʼo te hila.+
16 Neʼe ha te takele ʼo te tai,+
Pea neʼe ha te ʼu fakatafito ʼo te fenua
ʼUhi ko te fakatonutonu ʼa Sehova,
Pea mo te manava malohi ʼae ʼe haʼu mai ʼona poga ihu.+
17 Neʼe ina faoʼi tona nima mai ʼoluga,
Pea neʼe ina puke au ʼo tohoʼi ake mai te ʼu vai loloto.+
18 Neʼe ina haofaki au mai toku fili malohi,+
Mai ia natou ʼae ʼe fehihiʼa mo malolohi age ia au.
19 Neʼe natou fakafeagai mai kia au ʼi toku temi mamahi,+
Kae neʼe tokoni mai ia Sehova.
21 ʼE fakapale au e Sehova ʼo mulimuli ki taku faitotonu.+
ʼE ina fakapale au he neʼe mole ina maʼu he hala ʼi* ʼoku nima.+
22 Koteʼuhi neʼe au fakalogo tuʼumaʼu pe kia Sehova,
Pea neʼe mole au agahala ʼo liʼaki toku ʼAtua.
25 ʼOfa pe ke fakapale au e Sehova ʼo mulimuli ki taku faitotonu,+
He neʼe mole ina maʼu he hala ia au.+
26 ʼE ke agatonu ki ʼae ʼe agatonu.+
ʼE mole ke fai he meʼa ʼe kovi ki ʼae ʼe mole ina fai he meʼa ʼe kovi.+
27 ʼE ke aga fakahagatonu ki ʼae ʼe aga fakahagatonu,+
28 Koteʼuhi ʼe ke haofaki ia natou ʼae ʼe agavaivai,+
Kae ʼe ke sio kia natou ʼae ʼe fiameʼalahi pea ʼe mole ke leleiʼia natou, pea ʼe ke fakamalaloʼi natou.+
30 ʼAki tau tokoni, ʼe feala ai ke au tauʼi ni kau kaihaʼa,
Pea ʼaki te malohi ʼo te ʼAtua ʼe feala ai ke au kake ʼi he foʼi kaupa.+
Ko te ʼAtua ʼe ko he meʼa tali tau kia natou fuli ʼae ʼe fenonoʼi ia te ia.+
32 Sehova e, ʼe mole he tahi age ʼAtua, ko koe tokotahi pe.+
Ko tomatou ʼAtua tokotahi pe tomatou maka malohi.+
34 ʼE ina fakaliliu ʼoku vaʼe ke hage ko te ʼu vaʼe ʼo he tia fafine.
ʼE ina fakatuʼu au ʼi ni faʼahi maʼoluga.+
35 ʼE ina akoʼi ʼoku nima ki te tau,
ʼE au poto ʼi te fakaʼaogaʼi ʼo te nahau kapa.
37 ʼE ke fakalaulahi te ala ke au haʼele ai
Naʼa au heke.+
38 ʼE au tuli anai ʼoku fili pea mo matehi natou.
ʼE mole au toe liliu mai anai kae heʼeki au pulihi katoa natou.
39 Pea ʼe au pulihi katoa anai mo molomoloki natou, ke mole feala hanatou toe tutuʼu ake.+
ʼE natou fetoki anai ʼi ʼoku vaʼe.
41 ʼE feholaki anai ʼoku fili ʼi ʼoku muʼa ʼuhi ko koe.+
ʼE au matehi anai ia natou ʼae ʼe fehihiʼa kia au.+
42 ʼE natou kalaga ʼo kole tokoni, kae ʼe mole he tahi moʼonatou haofaki.
Pea ʼe natou pauʼi kia Sehova, kae ʼe mole ina tali age kia natou.+
43 ʼE au laliki anai natou ke natou hage ko te efu ʼo te kele,
ʼE au laliki mo molomoloki anai natou ohage ko te pela ʼo te ʼu ala.
44 ʼE ke haofaki anai au moka valoki au e taku hahaʼi.+
ʼE ke maluʼi anai au ke au liliu ko te pule ʼo te ʼu puleʼaga.+
ʼE tauhi mai anai ni hahaʼi neʼe mole au iloʼi.+
45 ʼE ʼomai anai he kau matapule ʼo fakaoloolo au.+
ʼE natou fakalogo mai anai kia au ʼuhi ko te ʼu meʼa ʼae ʼe natou logoʼi.
46 ʼE mole toe lototoʼa* anai te kau matapule,
ʼE natou tekelili anai ʼi tanatou mavae mai ʼonatou kolo tau.
47 ʼE maʼuli ia Sehova! Ke vikiʼi toku ʼUtu!+
Ke fakakololiaʼi toku ʼAtua, te ʼUtu ʼo toku haofaki.+
48 ʼE fakahoko e te ʼAtua moʼoni te lagavaka maʼaku.+
ʼE ina fakamaʼua te hahaʼi ke natou fakalogo mai kia au.+
49 ʼE ina haofaki au mai ʼoku fili.
ʼE ke hiki ake au+ ki ʼoluga mai ia natou ʼae ʼe natou ʼohofi au.
ʼE ke haofaki au mai te tagata agamalohi.+
50 Koia, Sehova e, ʼe au fakafetaʼi atu anai ʼi te lotolotoiga ʼo te ʼu puleʼaga,+