Pesalemo

Pesalemo.

98 Kotou hiva kia Sehova he katiko foʼou,+

He neʼe ina fai ni gaue fakaofoofo.+

Neʼe ina haofaki tatou* ʼaki tona nima mataʼu, tona nima maʼoniʼoni.+

2 Neʼe fakaha e Sehova tana haofaki,+

ʼEi, neʼe ina fakaha tana faitotonu ki te ʼu puleʼaga.+

3 Neʼe ina manatuʼi tana agalelei* mo tana agatonu ki te fale ʼo Iselaele.+

Neʼe sisio te hahaʼi fuli ʼo te ʼu potu taupotu ʼo te kele ki totatou haofaki e* totatou ʼAtua.+

4 Hahaʼi fuli ʼo te kele, kotou kalaga fakafiafia kia Sehova!

ʼEi, kotou fakafiafia mo hiva fakavikiviki* kia te ia!+

5 Kotou hiva fakavikiviki* kia Sehova ʼo ta te alepa,

ʼEi, ʼaki te alepa mo he hiva mālie.

6 Kotou kalaga fakafiafia ia muʼa ʼo te Hau ko Sehova,

Pea mo kotou pupuhi te ʼu fakatagi pupuhi.+

7 Ke ʼuʼulu te tai mo te ʼu meʼa fuli ʼae ʼe maʼuʼuli ʼi ai,

Mo te kele pea mo natou ʼae ʼe nonofo ai.

8 Ke pasipasi te ʼu vai tafe,

Ke kalaga fakafiafia fakatahi te ʼu moʼuga+

9 Ia muʼa ʼo Sehova, he ʼe* haʼu ʼo fakamauʼi te kele.

ʼE ina fakamauʼi anai te kele ʼi te faitotonu,+

Pea mo te hahaʼi ʼaki te aga fakahagatonu.+