Pesalemo
Ki te pule ʼo te kau faimaholo, ʼo mulimuli ki Mute-lapeni.* Pesalemo ʼa Tavite.
א [Alefa]
9 Sehova e, ʼe au fia vikiʼi koe ʼaki toku loto katoa,
ʼE au fia fakamatala ʼau gaue fakaofoofo fuli.+
2 ʼAtua Maʼoluga e, ʼe au fia fakafiafia ʼo ʼuhiga mo koe,
ב [Peta]
3 Ka holomuli anai ʼoku fili,+
ʼE natou tukia anai mo mamate ʼi ʼou muʼa.
4 ʼE ke haofaki au mo fakahoko te faitotonu,
ʼE ke ʼafio ʼi tou hekaʼaga fakahau mo fakamau ʼi te faitotonu.+
ג [Kimela]
5 Neʼe ke fakatonutonuʼi te ʼu puleʼaga+ mo matehi te kau agakovi,
Neʼe ke molehi ʼonatou higoa ʼo talu ai.
ה [He]
8 ʼE ina fakamauʼi anai te kele katoa ʼaki te faitotonu,+
ʼE ina fakahoko anai ni fakamau ʼe faitotonu ʼo ʼuhiga mo te ʼu puleʼaga.+
ו [Vave]
9 ʼE ko he nonoʼaga moʼoni anai ia Sehova kia ia ʼae ʼe gaohi koviʼi,+
He nonoʼaga moʼoni ʼi te temi ʼo te mamahi.+
10 ʼE falala anai kia te koe ia natou ʼae ʼe natou iloʼi tou huafa,+
Sehova e, ʼe mole ke liʼaki anai ʼi he temi ia natou ʼae ʼe natou kumi ia koe!+
ז [Saini]
11 Kotou hiva ni fakavikiviki kia Sehova, ʼae ʼe ʼafio ʼi Sione,
Kotou fakaha ʼana gaue ki te hahaʼi.+
12 ʼE ina manatuʼi anai ia natou ʼae neʼe gaohi koviʼi pea ʼe lagavaka anai ʼo ʼuhiga mo tonatou toto,+
ʼE mole ina galoʼi anai ʼanatou kalaga.+
ח [Heti]
13 Sehova e, fakaha mai tou ʼofa, sio ki te mamahi ʼae ʼe fakahoko e natou ʼae ʼe fehihiʼa mai kia au,
Ia koe ʼae ʼe ke fakahake ake au mai te ʼu matapa ʼo te mate.+
14 Pea ʼe au kalagaʼi anai ʼau gaue ʼae ʼe tuha mo ni fakavikiviki,
ʼI te ʼu matapa ʼo te taʼahine ʼo Sione,+
Pea ʼe au fiafia anai ʼi tau haofaki.+
ט [Teta]
15 Neʼe fetoki te ʼu puleʼaga ʼi te luo ʼae neʼe natou keli,
Neʼe ʼefihia ʼonatou vaʼe ʼi te kupega ʼae neʼe natou fufu.+
16 ʼE iloa ia Sehova ʼuhi ko te fakamau ʼae ʼe ina fakahoko.+
ʼE to te tagata agakovi ki te hele ʼuhi pe ko ʼana gaue.+
Ikaione.* (Sela)
י [Iota]
17 ʼE holomuli anai te kau agakovi ʼo kaku ki te Faitoka,*
Ko te potu ʼaia ʼe olo anai ki ai te ʼu puleʼaga fuli ʼae ʼe natou galoʼi te ʼAtua.
18 Kae ʼe mole galoʼi anai te kau masisiva ʼo talu ai,+
Pea ʼe mole pulihi anai ʼo talu ai te ʼamanaki ʼa te kau agavaivai.+
כ [Kafa]
19 Sehova e, tuʼu ake! Ke ʼaua naʼa malo te tagata.
Ke fakamauʼi te ʼu puleʼaga ʼi ʼou muʼa.+
20 Sehova e, fakamatakuʼi ia natou,+
Ke iloʼi e te ʼu puleʼaga ʼaia ko natou pe ko ni tagata. (Sela)