Pesalemo
LUA TOHI
(Pesalemo 42-72)
Ki te pule ʼo te kau faimaholo. Masikile* ʼa te ʼu foha ʼo Kole.+
42 ʼAtua e, ʼe au fakaʼamu kia te koe,
Ohage ko he tia fafine ʼe fakaʼamu ki ni vai tafe.
2 ʼEi, ʼe au fakaʼamu ki te ʼAtua maʼuli ohage ko he tagata ʼe fia inu.+
Ko ʼafea anai ʼe au alu ai ʼo tuʼu ia muʼa ʼo te ʼAtua?+
3 ʼE mole feala ke au kai, ʼe au tagi ʼi te ʼaho mo te po.
ʼI te ʼaho katoa, ʼe ui mai e te kau vava: “ ʼE ʼifea tou ʼAtua?”+
4 ʼE au manatuʼi te ʼu aluʼaga ʼaia pea ʼe au fakaha te ʼu meʼa ʼae ʼe au logoʼi,
He ʼe ʼi te temi muʼa neʼe au haʼele fakatahi mo te hahaʼi.
Neʼe au taki mamalie ia natou ki te fale ʼo te ʼAtua,
Pea neʼe natou kalaga fakafiafia mo lotofakafetaʼi
Ohage ko ni hahaʼi ʼe natou fai he ʼaho lahi.+
He koʼe ʼe au lotohoha?
6 Siʼoku ʼAtua, ʼe au lotovaivai.+
Koia ʼae ʼe au manatuʼi ai ia koe,+
Mai te fenua ʼo Solotane mo te ʼu tumutumu ʼo Helemoni,
Mai te Moʼuga ʼo Misale.*
7 ʼE pauʼi te vai loloto ki te tahi vai loloto
ʼI te logoaʼa ʼo ʼou toʼaga vai.
ʼE au taʼomia ʼi ʼou peau malohi.+
8 Lolotoga te ʼaho ʼe foaki mai anai e Sehova tona ʼofa agatonu,
Pea ʼi te poʼuli ʼe au hiva anai ʼo ʼuhiga mo ia, ko he faikole ki te ʼAtua ʼo toku maʼuli.+
9 ʼE au fia ui ki toku ʼAtua, toku ʼutu:
“He koʼe neʼe ke galoʼi au?+
He koʼe ʼe tonu ke au fealuʼaki lotomamahi ʼuhi ko toku gaohi koviʼi e toku fili?”+
10 ʼE vaʼi au e ʼoku fili pea mo fia faifakapo.*
ʼE natou vaʼi au ʼi te ʼaho katoa ʼo ui: “ ʼE ʼifea tou ʼAtua?”+
11 He koʼe ʼe au lotovaivai?
He koʼe ʼe au lotohoha?