Pesalemo
Ki te pule ʼo te kau faimaholo. Masikile* ʼa te ʼu foha ʼo Kole, ʼo mulimuli ki te fasi ʼo te hiva
“Te ʼu Lilio.”+ Ko he hiva fakalaukau.
45 ʼE fiafia toku loto ʼo ʼuhiga mo he meʼa ʼe matalelei.
ʼE au ui: “ ʼE au hiva ʼo ʼuhiga mo he hau.”+
Ke hage toku ʼalelo ko he peni*+ ʼa he tagata hiki tohi* faiva.+
2 ʼE ke talavou tokotahi ʼi te ʼu foha ʼo te tagata,
Pea ʼe ke fai ni palalau mālie.+
Koia ʼae ʼe tapuakiʼi ai koe e te ʼAtua ʼo talu ai.+
4 Pea ʼi tou taulekaleka alu ʼo malo ʼi te tau.+
Heka ki tau hosi ʼo tau maʼa te hahaʼi agavaivai, mo te moʼoni, mo te faitotonu,+
Pea ʼe fakahoko* anai e tou nima mataʼu ni meʼa fakamataku.
5 ʼE masila ʼau kauʼi nahau pea ʼe fetoki ai te hahaʼi ʼi ʼou muʼa.+
ʼE ulu loloto te ʼu kauʼi nahau ki te ʼu mafu ʼo te ʼu fili ʼo te hau.+
6 ʼE foaki atu e te ʼAtua te pule fakahau ʼo talu ai.+
Ko tou tokotoko fakahau ʼe ko te tokotoko ʼo te faitotonu.+
7 Neʼe ke ʼofa ki te faitotonu+ kae neʼe ke fehiʼa ki te agakovi.+
Koia, ko te ʼAtua, tou ʼAtua, neʼe ina fakanofo koe+ ʼaki te lolo mo ina foaki atu he fiafia+ ʼe lahi age ʼi te tahi ʼu hau.
8 ʼE magoni ʼou teu fuli ko te mila,* mo te aloese, pea mo te kasia.*
ʼE ke fakafiafia ʼi te ta ʼo te ʼu meʼa faimaholo kauʼi uka ʼae ʼe logo mai mai te fale hau ivuale* matalelei.
9 ʼE kau te ʼu ʼofafine ʼo ni hau ʼi te ʼu fineʼaliki ʼo te fale hau.
ʼE nofo te fineʼaliki ʼi tou toʼomataʼu, ʼe teuteu ʼaki te aulo mai Ofile.+
10 Taʼahine, tokaga ʼo fagono mai.
Galoʼi tau hahaʼi mo te ʼapi ʼo tau tamai.
13 ʼE taulekaleka te ʼofafine ʼo te hau ʼi te fale hau.
ʼE tui fakailoga ʼona teu ʼaki te aulo.
14 ʼE taki mai anai ia ia ki te hau ʼi ni teu taulekaleka.*
ʼE muli fagona anai ia ia te ʼu taʼahine taupoʼou, ʼona kaumeʼa, pea ʼe natou tutuʼu anai ia muʼa ʼo te hau.
15 ʼE taki anai natou ʼi te fakafiafia.
ʼE natou feulufi anai ki te fale hau.
16 ʼE fetogi anai e ʼou foha ʼau kui.
ʼE ke fakanofo anai ia natou ko ni tama ʼaliki ʼi te kele katoa.+
17 ʼE au fakaha anai tou huafa ki te ʼu taʼiake fuli ʼae ka hoa mai.+
Koia ʼae ʼe vikiʼi ai anai koe e te hahaʼi ʼo talu ai.