Pesalemo
Pesalemo ʼa Asafe.+
79 ʼAtua e, neʼe ʼohofi e te ʼu puleʼaga ia tou tofiʼa,+
Neʼe natou ʼulihi ia tou fale lotu taputapu,+
Neʼe natou maumauʼi ia Selusalemi.+
2 Neʼe natou tuku ke kai e te ʼu manulele ʼo te ʼatu lagi te ʼu sino ʼo tau hahaʼi faifekau
Pea ke kai e te ʼu manu fekai ʼo te kele te kakano ʼo tau kau agatonu.+
3 Neʼe natou liligi tonatou toto ohage ko he vai ʼi te takafoli ʼo Selusalemi,
Pea ʼe mole kei ʼi ai he tahi ke ina tanu natou.+
4 Kua fehiʼaʼinaʼi matou e te ʼu puleʼaga ʼae ʼi ʼomatou tafaʼaki,+
ʼE natou vaʼi mo manukiʼi matou.
5 Sehova e, ʼe kaku anai ki ʼafea tou ita? ʼE ke ita anai koa ʼo talu ai?+
ʼE fualoa anai koa te vela ʼo tou hauhau ohage ko he afi?+
6 Fakato tou hauhau ki te hahaʼi ʼae ʼe mole natou iloʼi ia koe
Pea mo te ʼu puleʼaga ʼae ʼe mole natou fetapa ki tou huafa,+
7 He neʼe natou matehi ia Sakopo
Pea neʼe natou maumauʼi tona fenua.+
8 ʼAua tau tauteaʼi matou ʼuhi ko te ʼu hala ʼo ʼamatou kui.+
ʼAua naʼa ke tuai ʼi te fakaha mai ʼo tou manavaʼofa,+
He ʼe kua matou lotovaivai ʼaupito.
9 ʼAtua e, siʼomatou haofakiʼaga, tokoni mai+
ʼUhi ko tou huafa ʼae ʼe fonu ʼi te kololia.
ʼEi, haofaki matou pea mo fakamolemole* ʼamatou agahala ʼuhi ko tou huafa.+
10 He koʼe ʼe ui anai e te ʼu puleʼaga: “ ʼE ʼifea tonatou ʼAtua?”+
ʼE matou fia sio ki te temi ʼae ka natou iloʼi ai
Kua fai he lagavaka ki te ligi toto ʼae neʼe hoko ki ʼau kaugana.+
11 ʼOfa pe ke ke logo ki te lauga ʼa te tagata pilisoni.+
Fakaʼaogaʼi tou mafimafi moʼo puipui* ia natou ʼae kua fakatuʼā ki te mate.+