Kia Tito
2 Kae ke alu tahi tau faʼahiga palalau mo te akonaki ʼae ʼe lelei.*+ 2 ʼE tonu ke lotololomi te kau matuʼa, mo natou tuha mo te fakaʼapaʼapa, mo natou fakapotopoto, mo natou malolohi ʼi te tui, mo te ʼofa, pea mo te faʼa kataki. 3 ʼO toe feia aipe, ʼe tonu ki te kau finematuʼa ke natou manavasiʼi ki te ʼAtua, ke mole natou faifasituʼu, ke mole natou popula ki te vino, kae ke natou akoʼi te meʼa ʼae ʼe lelei. 4 ʼE feala ai ke natou tokoniʼi* te ʼu fafine ʼae ʼe kei finemui ke natou ʼoʼofa ki ʼonatou ʼohoana, mo ʼoʼofa ki ʼanatou fanau, 5 mo fakapotopoto, mo agamaʼa, mo faʼa gaue ʼi* ʼonatou loto fale, mo agalelei, pea mo fakalogo ki ʼonatou ʼohoana totonu,+ ke mole laukoviʼi ai te folafola ʼa te ʼAtua.
6 ʼO toe feia aipe, ke ke haga uga te kau tupulaga ke natou fakapotopoto.+ 7 Pea ia faʼahi fuli, ʼe tonu ke ke liliu ko he faʼifaʼitakiʼaga ʼo te ʼu gaue lelei. Akoʼi te meʼa ʼae ʼe maʼa ʼaki* he fakamalotoloto.+ 8 Fai he ʼu palalau ʼe lelei* ʼe mole feala ke valokiʼi,+ ke ufiufi ai ia natou ʼae ʼe fakafeagai mai, pea ke mole fai ai he ʼu palalau kovi ʼo ʼuhiga mo tatou.+ 9 ʼE tonu ki te kau kaugana ke natou fakalogo ki ʼonatou pule ia meʼa fuli,+ ʼo natou faiga ke leleiʼia natou e ʼonatou pule, pea ke mole natou tali palalau, 10 ke mole natou kaihaʼa,+ kae ke natou tuha mo te falala, ke vikiʼi ai te akonaki ʼa te ʼAtua, totatou Fakamaʼuli, ia meʼa fuli.+
11 Koteʼuhi kua ha te ʼofa makehe ʼo te ʼAtua, ʼo feala ai ke haofaki te faʼahiga tagata fuli pe.+ 12 Ko te ʼofa ʼaia ʼe ina akoʼi tatou ke tou liʼaki te heʼe fakaʼapaʼapa ki te ʼAtua mo te ʼu holi ʼo te malama,+ pea ke tou maʼuʼuli fakapotopoto, mo faitotonu, mo pipiki ki te ʼAtua ʼi te lotolotoiga ʼo te malama* ʼaeni.+ 13 ʼE tonu ke tou maʼuʼuli feia ʼo fakatalitali ki te ʼamanaki fakafiafia+ pea mo te ha fakakololia ʼo te ʼAtua lahi pea mo totatou Fakamaʼuli, ia Sesu Kilisito,* 14 ʼae neʼe ina foaki ia ia totonu moʼo haofaki* tatou+ mai he maʼuli neʼe tou fai ai he ʼu faʼahiga aga ʼe kovi, pea mo ina fakamaʼa he hahaʼi maʼa ia totonu ko hona koloa makehe, ʼe natou faʼafai ʼi te ʼu gaue lelei.+
15 Ke ke haga akoʼi te ʼu meʼa ʼaia, mo fakalotomalohiʼi, pea mo fakatonutonuʼi ʼihi he ʼe ke maʼu te pule.+ ʼAua naʼa ke tuku he tahi ke ina meʼa noaʼi koe.