Pesalemo
78 Siʼaku hahaʼi, fakalogo mai ki taku lao.*
Falele ʼo fagono mai ki ʼaku palalau.
2 ʼE au fia tala he taʼaga lea.
ʼE au fia fai ni matetea ʼo te temi muʼa.+
3 Ko te ʼu meʼa ʼae neʼe tou logo ki ai mo iloʼi,
Neʼe ko te ʼu meʼa ʼaia neʼe fakamatala mai e ʼatatou tamai,+
4 ʼE mole tou fufu anai ki ʼonatou hologa.
ʼE tou fakamatala anai ki te taʼiake ka hoa mai+
Tona mafimafi pea mo te ʼu gaue ʼa Sehova ʼae ʼe tuha ke vikiʼi,+
Te ʼu gaue fakaofoofo ʼae neʼe ina fai.+
5 Neʼe ina fakatuʼu he fakamanatu ki te hakoga ʼo Sakopo,
Neʼe ina fai he lao ʼi Iselaele.
Neʼe ina fakatotonu ki ʼatatou kui
Ke natou fakamatalatala te ʼu meʼa ʼaia ki ʼanatou fanau,+
6 Ke iloʼi e te ʼu fanau ʼae ka tutupu ake,+
Te taʼiake ʼae ka hoa mai.
Koia ʼe toe feala anai mo natou ke natou fakamatala ki ʼanatou fanau.+
7 Pea ʼe natou falala anai ki te ʼAtua.
8 ʼE mole natou hage anai ko ʼanatou kui,
He taʼiake uigataʼa mo agatuʼu,+
He taʼiake neʼe fetofetogi ʼanatou manatu+
Pea neʼe mole agatonu ki te ʼAtua.
9 Neʼe maʼu e te kau Efalaimi ni nahau,
Kae neʼe natou holomuli ʼi te tau.
10 Neʼe mole natou fakaʼapaʼapa ki te fuakava ʼa te ʼAtua,+
Pea neʼe mole natou fia fakalogo ki tana lao.+
11 Neʼe natou toe galoʼi mo te meʼa ʼae neʼe ina fai,+
ʼAna gaue fakaofoofo ʼae neʼe ina fakaha age kia natou.+
12 Neʼe ina fai ni meʼa fakaofoofo ia muʼa ʼo ʼanatou kui,+
13 Neʼe ina vaelua te tai ke feala ai hanatou fakalaka,
Neʼe tutuʼu ai te ʼu vai ohage ko he kaupa.+
14 Neʼe ina takitaki natou ʼi te ʼaho ʼaki he ʼao,
Pea ʼi te po katoa ʼaki he afi.+
15 Neʼe ina fahiʼi ni fuʼu maka ʼi te toafa,
ʼO natou malilie ai ohage neʼe natou iinu ki he moana.+
16 Neʼe ina fakahali ni liuʼa mai he fuʼu maka,
Mo ni vai ohage ko he ʼu vai tafe.+
17 Kae neʼe hoko atu pe tanatou agahala kia te ia
ʼI tanatou agatuʼu ki te Maʼoluga ʼi te toafa.+
18 Neʼe natou ʼahiʼahiʼi ʼi ʼonatou loto te ʼAtua,+
ʼI tanatou kole te meʼa kai ʼae ʼe natou ʼuakai ki ai.
19 Koia neʼe natou muhumuhu ai ki te ʼAtua,
ʼI tanatou ui ʼae: “ ʼE feala koa ki te ʼAtua ke ina teuteuʼi he laupapa meʼa kai ʼi te toafa?”+
20 Neʼe ina taʼi he fuʼu maka
Ke mapuna mai ai ni vai mo ni vai tafe.+
“ ʼE toe feala koa ke ina foaki mai he pane,
Peʼe ko he kanoʼi manu ki tana hahaʼi?”+
21 Neʼe ita ia Sehova ʼi tana logo ki ʼanatou palalau.+
Neʼe mu ai he afi+ kia Sakopo,
Pea neʼe to ai tona hauhau ki Iselaele,+
22 He neʼe mole natou tui ki te ʼAtua,+
Pea neʼe mole natou falala ʼe feala ke ina haofaki natou.
23 Neʼe ina fai leva he fakatotonu ki te lagi kauʼaoa ʼae ʼi ʼoluga,
Pea neʼe ina avahi te ʼu matapa ʼo te ʼatu lagi.
24 Neʼe ina fakato ifo te mane ke natou kakai ai.
Neʼe ina foaki age kia natou te fulumeto ʼo te lagi.+
25 Neʼe kai ai e te tagata te pane ʼa te kau malolohi.*+
Neʼe ina foaki he meʼa kai feʼauga ke natou makokona ai.+
26 Neʼe ina fakaagi he matagi ʼi te lagi mai te potu esite,
Neʼe ina fakaagi he matagi mai te potu saute ʼaki tona mafimafi.+
27 Neʼe ina fakato lahi ifo he kanoʼi manu ohage ko te efu,
Ni manulele ohage ko te ʼone ʼo te tai.
28 Neʼe ina fakato ifo ki te lotolotoiga ʼo tona nofoʼaga,
ʼI te ʼu tafaʼaki ʼo ʼona fale la.
29 Neʼe natou kakai ai ʼo kaku ki tanatou fiu.
Neʼe ina foaki age te meʼa ʼae neʼe natou holi ki ai.+
30 Kae ʼi muʼa ʼo tanatou fakafimalieʼi tonatou ʼuakai,
ʼI te kei maʼu pe ʼo te meʼa kai ʼi ʼonatou gutu,
31 Neʼe to ai te hauhau ʼo te ʼAtua kia natou.+
Neʼe ina matehi ai ʼanatou tagata malolohi.+
Neʼe ina tamateʼi te kau tama tupulaga ʼo Iselaele.
32 Logope la te faʼahi ʼaia, kae neʼe toe ʼaʼasili age tanatou agahala,+
Pea neʼe mole natou tui ki ʼana gaue fakaofoofo.+
33 Neʼe natou hage pe ko he manava pea neʼe ina pulihi natou,+
Pea neʼe ina fakagata ʼonatou taʼu ʼi te mamahi.
34 Kae ʼi te temi fuli pe ʼae neʼe ina kamata matehi ai ʼihi ia natou, neʼe natou kumi ia ia,+
Neʼe natou toe liliu mai, pea neʼe natou kumi te ʼAtua,
35 Neʼe natou manatuʼi ko te ʼAtua tonatou ʼUtu,+
36 Kae neʼe natou faigaʼi ke natou kakaʼi ia ia ʼaki ʼanatou palalau,
Pea neʼe natou loiʼi ia ia.
38 Kae neʼe manavaʼofa pe ia,+
Neʼe ina fakamolemole* ʼanatou agahala pea neʼe mole ina pulihi natou.+
Neʼe tuʼa lahi tana taʼofi tona hauhau,+
Neʼe mole ina tuku ke to tona hauhau.
40 Kua tuʼa lahi tanatou agatuʼu kia te ia ʼi te toafa,+
Pea mo fakamamahiʼi ia ia ʼi te ʼu kele toafa.+
42 Neʼe mole kei natou manatuʼi tona mafimafi,
Mo te ʼaho ʼae neʼe ina haofaki* ai natou mai tonatou fili.+
43 Neʼe mole kei natou manatuʼi neʼe ina fakahoko ni fakailoga ʼi Esipito,+
Mo ni milakulo ʼi te potu fenua ʼo Tesoane.
44 Neʼe ina fakaliliu te ʼu tafega vai ʼo te Nile ko he toto,+
ʼO mole kei feala ai ki he tahi ke inu ki te ʼu liuʼa.
45 Neʼe ina tuku ke ʼomai ni tuʼuga lago ʼo ʼusiʼusiʼi te kau Esipito,+
Mo ni kelenui ke natou fakamamahiʼi ia natou.+
46 Neʼe ina foaki ʼanatou taʼukai ki te ʼu heʼe maumau fenua,
Pea mo te fua ʼo ʼanatou gaue ki ni pupuga heʼe.+
47 Neʼe ina maumauʼi ʼanatou gaueʼaga vite ʼaki he ʼuamaka,+
ʼO toe feia pe mo ʼanatou fuʼu sikomole.
49 Neʼe ina fakato kia natou tona hauhau,
Mo tona itaita, mo te mamahi.
Pea neʼe ina fekauʼi mai he kau ʼaselo ke natou fakahoko te malaʼia.
50 Neʼe ina tofa he ala ki tona hauhau.
Neʼe mole ina haofaki natou mai te mate.
Pea neʼe ina tuku ke to he taʼi mahaki kia natou.
51 Pea neʼe ina matehi leva te ʼu ʼuluaki tupu fuli ʼo Esipito,+
Te kamataʼaga ʼo tonatou malohi ʼi te ʼu fale la ʼo Kami.
52 Neʼe ina fakamavae ai tana hahaʼi ohage ko he faga ovi,+
Neʼe ina takitaki natou ohage ko he faga ovi ʼi te toafa.
53 Neʼe takitaki natou e te ʼAtua ʼi te fimalie,
Neʼe mole natou matataku ki he meʼa.+
Neʼe ʼaofi e te tai ʼonatou fili.+
54 Neʼe ina ʼave natou ki tona fenua taputapu,+
Te potu moʼugaʼia ʼae neʼe ina maʼu ʼaki tona mafimafi.+
55 Neʼe ina kapu te ʼu puleʼaga ʼi ʼonatou muʼa.+
Neʼe ina fakafuafua honatou tofiʼa ʼaki he maea.+
Neʼe ina foaki ki te ʼu telepi ʼo Iselaele ʼonatou ʼapi.+
56 Kae neʼe hoko atu pe tanatou ʼahiʼahiʼi te ʼAtua Maʼoluga pea mo agatuʼu kia te ia.+
Neʼe mole natou tokagaʼi ʼana fakamanatu.+
57 Neʼe natou lituʼa ki te ʼAtua mo agakaka ohage ko ʼanatou kui.+
Neʼe mole feala he falala kia natou he neʼe natou hage ko he nahau neʼe mole faoʼi.+
58 Neʼe natou fakamamahiʼi tuʼumaʼu ia ia ʼuhi ko te ʼu faʼahi maʼoluga* ʼae neʼe natou laga,+
Neʼe natou toe fakatupu tona hauhau* ʼuhi ko te ʼu fakatata ʼae neʼe natou togi.+
59 Neʼe logo te ʼAtua ki te ʼu aluʼaga ʼaia pea neʼe itaita leva,+
ʼO ina liʼaki ai ia Iselaele.
60 Neʼe mavae leva mai te tapenakulo ʼi Silo,+
Te fale la ʼae neʼe nofo ai ʼi te lotolotoiga ʼo te hahaʼi.+
61 Neʼe ina fakagafua ke ʼave te fakata ʼo tona mafimafi,
Neʼe ina tuku tona kololia ki te ʼu nima ʼo tona fili.+
62 Neʼe ina tuku ke matematehi tana hahaʼi ʼaki te heleta,+
Neʼe itaita lahi ki tona tofiʼa.
63 Neʼe tutu leva te kau tupulaga ʼi te afi,
Pea neʼe mole hiva he hiva ʼohoana ki te ʼu taʼahine taupoʼou.
65 Pea neʼe ʼala ake leva ia Sehova ohage pe neʼe moe,+
Ohage ko he tagata malohi+ ʼe ʼala ake ʼi tana ʼosi inu lahi te vino.
66 Neʼe ina teteke ʼona fili+
Pea neʼe ina fakalainoaʼi natou ʼo talu ai.
67 Neʼe ina liʼaki te fale la ʼo Sosefo,
Neʼe mole ina filifili te telepi ʼo Efalaimi.
69 Neʼe ina laga tona sagatualio ke tuʼu ʼo talu ai ohage ko te ʼatu lagi,+
Ohage pe ko te kele ʼae neʼe ina fakatuʼu ʼo talu ai.+