Pesalemo
Ki te pule ʼo te kau faimaholo. Pesalemo ʼa Tavite.
2 Neʼe ina fakahake ake au mai he luo ʼe gugulu ai te vai,
Mai he luo pelapela.
Neʼe ina fakatuʼu au ʼi he fuga ʼutu.
Neʼe ina fakamalohiʼi ʼoku lakaʼaga.
3 Neʼe ina foaki mai he hiva foʼou,+
He fakavikiviki ki totatou ʼAtua.
ʼE sio fakaʼapaʼapa anai te tokolahi ki te meʼa ʼae neʼe fai e te ʼAtua,
Pea ʼe natou falala anai kia Sehova.
4 Manuʼia te tagata ʼae ʼe falala kia Sehova,
ʼE mole fakatahi ia mo te kau agatuʼu peʼe ko te hahaʼi kaka.*
5 Sehova e, siʼoku ʼAtua,
ʼE ke manatuʼi tuʼumaʼu ia matou,
Pea ʼe lahi te ʼu meʼa fakaofoofo neʼe ke fai maʼa matou.+
ʼE mole he tahi ʼe tatau mo koe.+
Kapau ʼe au faigaʼi ke au fakaha te ʼu meʼa ʼaia,
ʼE mole feala anai ke au fakamatala he ʼe lahi fau.+
Neʼe mole ke kole mai ke momoli atu he ʼu holokoseta pea mo he ʼu molaga ʼo te agahala.+
7 Pea neʼe au ui: “Koʼeni, kua au haʼu.
Neʼe tohi ʼi te takaiga tohi te ʼu palalau ʼo ʼuhiga mo au.+
9 ʼE au fakaha te logo lelei ʼo te faitotonu ʼi te kaugamalie.+
Sio, ʼe mole au fakalogologo,+
Sehova e, ʼe ke iloʼi lelei pe.
10 ʼE mole au fufu tau faitotonu ʼi toku loto.
ʼE au kalagaʼi tau agatonu mo tau haofaki.
ʼE au fakaha tou ʼofa agatonu mo tau moʼoni ʼi te kaugamalie.”+
11 Sehova e, ʼaua naʼa ke fakafisi mai kia au tou manavaʼofa.
ʼOfa pe ke puipui tuʼumaʼu au e tou ʼofa agatonu mo tau moʼoni.+
12 ʼE mole malau te ʼu malaʼia ʼae ʼe natou ʼa takai au.+
Kua au taʼomia ʼi te lahi ʼo ʼaku hala pea mole kei au iloʼi pe ʼe au alu kifea.+
Kua tapuke age ia ʼi ʼoku fuluʼi ʼulu,
Pea kua au lotovaivai.
13 Sehova e, fakalelei siʼou loto, haofaki au.+
Sehova e, haʼu fakavilivili ʼo haofaki au.+
14 Ke ufiufi mo fakalainoaʼi
Ia natou fuli ʼae ʼe natou fia matehi au.
Ia natou ʼae ʼe fakafiafia ʼi toku malaʼia
Ke natou holomuli ʼuhi ko tonatou ufiufi.
15 Ko natou ʼae ʼe natou vaʼi au pea mo ui: “Ko tau pe hala!”
Ke natou lotomamahi ʼuhi ko tonatou ufiufi.
Ko natou ʼae ʼe natou fiafia ʼi tau haofaki ke natou ui tuʼumaʼu:
“Ke fakakololiaʼi ia Sehova!”+
17 Kae ko au, ʼe mole hoku tokoni pea ʼe au masiva.
ʼOfa pe ke tokagaʼi au e Sehova.