Pesalemo

Ki te pule ʼo te kau faimaholo. Pesalemo ʼa Tavite.

13 Sehova e, ʼe kaku anai ki ʼafea tau galoʼi au? ʼE ke galoʼi anai koa au ʼo talu ai?

ʼE kaku anai ki ʼafea tau mole tokagaʼi au?+

2 ʼE kaku anai ki ʼafea taku lotohoha,

Mo toku lotomamahi ʼi te ʼaho fuli?

ʼE kaku anai ki ʼafea te malo ʼo toku fili ia au?+

3 Sehova e, siʼoku ʼAtua, sio mai mo tali mai!

Fakamalamaʼi ʼoku mata ke mole au moe ʼi te mate,

4 Ke mole ui e toku fili: “Neʼe au malo ia ia!”

ʼAua naʼa ke tuku ʼoku fili ke natou fakafiafia ʼi taku toka.+

5 Kae kia au ʼe au falala ki tou ʼofa agatonu.+

ʼE fiafia anai toku loto ʼi tau haofaki.+

6 ʼE au fia hiva kia Sehova, he neʼe lahi tana fakapale au.+