Pesalemo
Ko he katiko. Pesalemo ʼa te ʼu foha ʼo Kole.+
48 ʼE maʼoluga ia Sehova pea ʼe tuha ia mo te fakavikiviki
ʼI te kolo ʼo totatou ʼAtua, ʼi tona moʼuga taputapu.
2 ʼE tuʼu te Moʼuga ʼo Sione ʼi te ʼu potu taupotu ʼo te noleto,
ʼE taulekaleka ʼi tona maʼoluga, ʼe ko te fiafiaʼaga ʼo te kele katoa,+
Te kolo ʼo te Hau Lahi.+
3 ʼI ʼona tule malohi,
Neʼe fakaha e te ʼAtua ko ia te nonoʼaga moʼoni.+
4 Koʼeni kua fakatahitahi te ʼu hau,
Neʼe natou olo fakatahi.
5 Neʼe natou punamaʼuli ʼi tanatou sisio ki te kolo.
Neʼe natou matataku pea neʼe natou feholaki ai.
6 Neʼe natou tekelili,
ʼO natou mamahi ai ohage ko he fafine ʼe fanau.
7 ʼE ke fakamou te ʼu vaka ʼo Talesisi ʼaki te matagi ʼo te potu esite.
8 ʼI te temi nei, kua matou sio tonu ki te ʼu meʼa ʼae neʼe matou logo ki ai,
ʼI te kolo ʼo Sehova ʼo te ʼatu kautau, te kolo ʼo tomatou ʼAtua.
ʼE fakatuʼu malohi anai e te ʼAtua te kolo ʼo talu ai.+ (Sela)
10 ʼAtua e, ʼe vikiʼi koe mo tou huafa
ʼO kaku ki te ʼu potu taupotu ʼo te kele.+
ʼE ke fakaʼaogaʼi tuʼumaʼu tou nima mataʼu moʼo fai te meʼa ʼae ʼe totonu.+
13 Kotou tokagaʼi lelei ʼona kaupa.+
Kotou vakavakaʼi ʼona tule malohi,
Ke feala ai hakotou fakamatala ki te ʼu taʼiake ʼae ka hoa mai.
14 Koteʼuhi ko te ʼAtua ʼaia ʼe ko totatou ʼAtua+ ʼo talu ai.