Tetelonome
32 “ ʼAtu lagi, fakalogo mai, pea ʼe au palalau anai,
Pea ke logo te kele ki ʼaku folafola.
2 ʼE hifo anai taku akonaki ohage ko te to ʼo te ʼua.
ʼE hifo anai ʼaku folafola ohage ko te hahau,
Ohage ko te to ʼo te ʼu mosiʼi ʼua ki te luna
Pea mo te to ʼo te ʼua lalahi ki te ʼu fuʼu ʼakau.
3 Koteʼuhi ʼe au tala anai te huafa ʼo Sehova.+
Kotou palalau ʼo ʼuhiga mo te maʼoluga ʼo totatou ʼAtua!+
5 Ko koutou ʼae neʼe agakovi.+
Ko koutou ʼe mole ko hana ʼu fanau, ʼe maʼu ia koutou te hala.+
Ko koutou ko he taʼiake aga fakapikopiko mo aga fakalialia!+
6 Hahaʼi vavale mo heʼe fakapotopoto,+
ʼE tonu koa ke feia takotou fakaha takotou lotofakafetaʼi kia Sehova?+
ʼE mole koa la ko ia takotou Tamai, ʼae neʼe ina fakatupu koutou,+
Ia Ia ʼae neʼe ina faʼu koutou pea mo fakaliliu koutou ko he puleʼaga?
7 Kotou manatuʼi te temi muʼa,
Mo fakakaukauʼi te ʼu taʼu ki muʼa atu.
Kotou fehuʼi ki ʼakotou tamai, pea ʼe natou fakamatala atu anai,+
Kotou toe fehuʼi ki te hahaʼi matuʼa, pea ʼe natou fakaha atu anai.
8 ʼI te temi ʼae neʼe foaki ai e te Maʼoluga ki te ʼu puleʼaga tonatou tofiʼa,+
ʼI te temi ʼae neʼe ina fakamavetevete ai te ʼu foha ʼo Atama,*+
Neʼe ina fakatuʼu te ʼu tuʼakoi maʼa te hahaʼi+
ʼO mulimuli ki te kaugamalie ʼo te kau Iselaele.+
10 Neʼe ina maʼu ia ia ʼi he fenua kele kaka,+
ʼI he toafa ʼe logo ai ki te tagi ʼo te ʼu manu ʼo te vao.+
Neʼe ina puipui ia ia, mo tokaga ki ai,+
Pea mo taupau he neʼe maʼuhiga kia ia ohage ko tona kanoʼi mata.+
11 Ohage pe ko te akoako e he akuila ʼona ʼuhi ke lele,
Mo tana lele ʼi ʼoluga ʼo natou,
Mo tana folahi ʼona pakakau, ʼo ʼave natou
ʼI ʼona pakakau,+
12 Neʼe ko Sehova tokotahi pe ʼae neʼe ina taki ia ia,*+
Neʼe mole nofo he ʼatua matapule mo ia.+
13 Neʼe ina taki ia ia ke fakalaka ʼi te ʼu koga meʼa maʼoluga ʼo te kele,+
Ke ina kai ai te ʼu fua ʼo te ʼu gaueʼaga.+
Neʼe ina fafaga ia ia ʼaki te meli ʼae neʼe hali mai te mata maka,
Pea mo te lolo ʼae neʼe hali mai te fuʼu maka fefeka,
14 Mo te potilo ʼae neʼe fai ʼaki te huʼa pipi, mo te huʼa pipi ʼo te ʼu tao,
Mo te ʼu ovi ʼae neʼe lelei tukupau,*
Mo te ʼu ovi tagata ʼo Pasani, pea mo te ʼu tao tagata,
Pea mo te fulumeto ʼae neʼe lelei tukupau.+
Pea neʼe ina foaki age te vino ʼae neʼe fai ʼaki te huʼa vite* ke ina inu.
15 ʼI te liliu ʼa Sesulune* ʼo sino, neʼe agatuʼu ki tona pule.
Neʼe liliu ʼo sino pea mo matakitaki.+
Neʼe ina liʼaki ai te ʼAtua, ʼae neʼe ina faʼu ia ia,+
Pea neʼe fehiʼa kia ia ʼae ko tona Maka Malohi, ʼae neʼe ina haofaki ia ia.
16 Neʼe natou fakatupu tona hauhau ʼuhi ko tanatou tauhi ki he ʼu ʼatua matapule,+
Neʼe natou fakalotomamahiʼi ia ia ʼaki he ʼu meʼa fakalialia.+
17 Neʼe natou momoli he ʼu sakilifisio ki te kau temonio kae mole ki te ʼAtua,+
Neʼe natou momoli ki he ʼu ʼatua neʼe mole natou iloʼi,
Ko he ʼu ʼatua foʼou neʼe hoki ha age pe,
ʼEi, ko he ʼu ʼatua neʼe mole iloʼi e ʼanatou kui.
18 Neʼe kotou galoʼi ia ia ʼae ko tokotou Maka Malohi,+ ʼae ko takotou tamai,
Pea neʼe mole kotou manatuʼi te ʼAtua, ʼae neʼe ina fakatupu koutou.+
19 ʼI te sio ʼa Sehova ki te ʼu meʼa ʼae neʼe fai e ʼona foha mo ʼona ʼofafine, neʼe ina liʼaki natou+
He neʼe natou fakalotomamahiʼi ia ia.
20 Koia neʼe ina ui: ‘ ʼE au maliu kehe anai mai ia natou,+
Pea ʼe au sio anai ki te meʼa ʼae ka hoko kia natou.
21 Neʼe natou fakatupu toku hauhau* ʼi tanatou tauhi ki he meʼa ʼe mole ko he ʼatua,+
Neʼe natou fakalotomamahiʼi au ʼi tanatou tauhi ki te ʼu fakatata vaʼiganoa.+
Koia ʼe au fakatupu anai tonatou maheka ʼaki he hahaʼi ʼe mole honatou ʼuhiga,+
ʼE au fakalotomamahiʼi anai natou ʼaki he puleʼaga ʼe vale.+
22 Neʼe mu he afi ʼuhi ko toku hauhau+
Pea ʼe vela anai ʼo kaku ki te ʼu koga meʼa loloto ʼo te Faitoka,*+
Pea ʼe tutu anai te kele mo ʼona fua
Pea ʼe tutu anai te ʼu tafito ʼo te ʼu moʼuga.
23 ʼE au fakatuputupu anai ʼonatou malaʼia,
ʼE ʼosi fuli anai ʼaku kauʼi nahau ʼi taku fana ʼaki ia natou.
24 ʼE natou gaʼegagaʼe anai ʼuhi ko tonatou fia kakai+
Pea ʼe tauteaʼi anai natou ʼaki he fiva pea mo he fakaʼauha fakamataku.+
ʼE au ʼaumai anai he ʼu manu fekai kia natou+
Pea mo he ʼu gata kafokona.
25 ʼE matehi anai ʼanatou fanau ʼaki te heleta ʼi tuʼa ʼo ʼonatou ʼapi,+
Pea ʼi ʼonatou loto fale, ʼe matataku anai+
Te tama tupulaga pea mo te taʼahine,
Mo te toe ʼae kei meamea pea mo te tagata ʼae kua ʼulu hina.+
26 Neʼe feala pe ke au ui: “ ʼE au fakamavetevete anai natou
Ke mole toe manatuʼi natou e te hahaʼi,”
27 Kae neʼe au tuʼania ʼo ʼuhiga mo te ʼu palalau ka fai e te ʼu fili,+
He neʼe feala pe ke natou mahino hala ki ai,+
ʼO natou ui: “Kua tou malo he ʼe tou malolohi age tatou,+
Neʼe mole ko Sehova ʼae neʼe ina fai te ʼu meʼa fuli ʼaia.”
28 Koteʼuhi ko Iselaele ʼe ko he puleʼaga ʼe mole fakapotopoto,*
ʼE mole maʼu he tahi ia natou ʼe ʼatamai.+
29 Ka na pau la neʼe natou popoto,+ ʼe natou metitasio* anai ki te faʼahi ʼaia.+
ʼE natou fakakaukauʼi anai te meʼa ʼae ka hoko kia natou.+
30 ʼE lava tuli feafeaʼi e he foʼi tokotahi he toko 1 000?
Pea ʼe lava kapu feafeaʼi e he foʼi toko lua he toko 10 000?+
ʼE lava hoko te faʼahi ʼaia mo kapau ʼe liʼaki natou e tonatou Maka Malohi+
Pea kapau ʼe tuku natou e Sehova ki te ʼu nima ʼo ʼonatou fili.
31 Koteʼuhi ʼe mole hage tonatou fuʼu maka ko totatou Maka Malohi,+
Pea kua mahino ki ai ʼotatou fili.+
32 ʼE haʼu tonatou fuʼu vite mai te fuʼu vite ʼo Sotoma
Pea mai te ʼu gaueʼaga vite ʼo Komola.+
ʼE kona ʼonatou fuaʼi vite,
Pea mo ʼonatou fuhiga vite.+
33 Ko tanatou vino ʼe ko te kafokona ʼo te ʼu gata,
ʼEi, te kafokona ʼae ʼe fakatupu mate.
34 Kua au tanaki fakalelei ʼanatou aga fuli ʼi toku fale tanakiʼaga meʼa,
Pea kua au fakamaʼu.+
35 ʼAʼaku te lagavaka mo te tautea:+
ʼE heke anai ʼonatou vaʼe ʼi tona temi totonu,+
Koteʼuhi kua ovi mai te ʼaho ʼo tonatou malaʼia,
Pea kua vave hoko mai te meʼa ʼae ʼe tonu ke fai kia natou.’
36 Koteʼuhi ʼe fakamauʼi anai e Sehova tana hahaʼi,+
Pea ʼe lotomanavaʼofa anai ki ʼana hahaʼi faifekau+
Moka sio ʼe mole kei ʼi ai honatou malohi,
Pea ʼe kei maʼuʼuli pe ia natou ʼae ʼe mole honatou ʼuhiga pea mo natou ʼae ʼe vaivavai.
37 Pea ʼe ina ui anai: ‘ ʼE ʼifea ʼonatou ʼatua,+
Tonatou fuʼu maka ʼae neʼe natou kumi nonoʼaga ki ai,
38 ʼAe neʼe natou kai te gako ʼo ʼanatou sakilifisio,*
Mo inu te vino ʼo ʼanatou molaga meʼa inu?+
Ke natou tutuʼu ake ʼo tokoni atu kia koutou.
Ke natou liliu ko tokotou nonoʼaga.
ʼE au matehi, pea ʼe au fakamaʼuli.+
ʼE au fakalavea,+ pea ʼe au fakamalolo,+
Pea ʼe mole he tahi ʼe feala ke ina haofaki te hahaʼi mai toku nima.+
40 Koteʼuhi ʼe au hiki toku nima ki te lagi,
Pea ʼe au ui: “ ʼE au tala moʼoni atu,”+
41 Kapau ʼe au fakamasila taku heleta gigila,
Pea mo au teuteu ke au fakahoko te fakamau,+
ʼE au lagavaka anai ki ʼoku fili+
Pea mo tauteaʼi ia natou ʼae ʼe fehihiʼa mai kia te au.
42 ʼE au fakainu anai ʼaku kauʼi nahau ke konahihia ʼi te toto,
ʼEi, te toto ʼo natou ʼae neʼe matehi pea mo natou ʼae neʼe ʼave popula,
Pea ʼe kai anai e taku heleta te kakano,
ʼEi, te ʼu ʼulu ʼo te kau takitaki ʼo te ʼu fili.’
43 ʼU puleʼaga, kotou fakafiafia fakatahi mo tana hahaʼi,+
Koteʼuhi ʼe ina fai anai he lagavaka ʼo ʼuhiga mo te toto ʼo ʼana hahaʼi faifekau,+
Pea ʼe lagavaka anai ki ʼona fili+
Pea ʼe fakamolemole anai ki* te fenua ʼo tana hahaʼi.”
44 Neʼe alu ai ia Moisese ʼo fakaha te ʼu folafola fuli ʼo te hiva ʼaia ke logo ki ai te hahaʼi.+ Neʼe ko ia mo Oseo,*+ te foha ʼo Nune. 45 ʼI te ʼosi fakaha age e Moisese te ʼu folafola fuli ʼaia ki Iselaele katoa, 46 neʼe ina ui kia natou: “Kotou toʼo fakamalotoloto te ʼu fakatokaga ʼae ʼe au fakaha atu ʼi te ʼaho nei,+ ke feala ai hakotou fakatotonu ki ʼokotou foha ke natou tokakaga ʼo mulimuli ki te ʼu folafola fuli ʼo te Lao ʼaeni.+ 47 Koteʼuhi ʼe mole ko he ʼu palalau fakafua noa ʼaeni, kae ʼe kotou maʼuʼuli anai+ mo kapau ʼe kotou fakalogo ki te ʼu folafola ʼaia. ʼEi, ʼe feala ai anai hakotou maʼuʼuli fualoa ʼi te fenua ʼae ka kotou maʼu, ʼi takotou fakalaka ʼi te Solotane.”
48 ʼI te ʼaho pe ʼaia, neʼe ui e Sehova kia Moisese: 49 “Hake ki te moʼuga ʼaeni ʼo Apalimi,+ te Moʼuga ko Nepo,+ ʼi te fenua ʼo Moape, ʼae ʼe haga ki Seliko pea ke sio ki te fenua ʼo Kanaane ʼae ʼe au foaki ki te kau Iselaele ko honatou tofiʼa.+ 50 Pea ʼe ke mate anai ʼi te moʼuga ʼae ka ke hake ki ai, pea ʼe tuku fakatahi anai ia koe mo ʼau kui,* ohage pe ko tou tehina ko Alone ʼae neʼe mate ʼi te Moʼuga ʼo Hole+ pea neʼe tuku fakatahi ia ia mo ʼana kui, 51 koteʼuhi neʼe mole kolua agatonu kia te au ʼi te lotolotoiga ʼo te kau Iselaele, ʼi te ʼu vai ʼo Melipa+ ʼi Katesi, ʼi te toafa ʼo Tesine, he neʼe mole kolua fakaha toku maʼoniʼoni ia muʼa ʼo te hahaʼi ʼo Iselaele.+ 52 ʼE ke sio anai ki te fenua mai mamaʼo, kae ʼe mole ke hu anai ki te fenua ʼae ʼe au foaki ki te hahaʼi ʼo Iselaele.”+