Pesalemo
Ki te pule ʼo te kau faimaholo. Pesalemo ʼa Tavite.
19 ʼE fakaha e te ʼatu lagi te kololia ʼo te ʼAtua,+
ʼE kalagaʼi e te ʼatu lagi te gaue ʼo ʼona nima.+
2 ʼI te ʼaho fuli ʼe natou fai ni fakavikiviki,
Pea ʼi te po fuli ʼe natou fakaha te ʼatamai malama.
3 ʼE mole ʼaki he lea, pea ʼe mole ʼaki ni palalau,
ʼE mole logo ʼonatou leʼo.
4 Kae ʼi te kele katoa kua fakaha tanatou fakamoʼoni,*
Pea neʼe kaku tanatou logo ki te ʼu potu taupotu ʼo te kele.*+
ʼI te lagi, neʼe fakatuʼu e te ʼAtua he fale la maʼa te laʼa,
5 ʼE hage ia ia ko he tagata ʼohoana ʼe haʼu mai tona koga fale ki tuʼa,
ʼE fakafiafia ohage ko he tagata malohi ʼe lele ʼi te ala.
6 ʼE haʼu mai te tahi potu taupotu ʼo te ʼatu lagi,
Pea ʼe alu ki te tahi potu taupotu,+
ʼE ina fakamafana ia te potu fuli.
7 ʼE haohaoa te lao ʼa Sehova,+ ʼe ina foaki te malohi.+
ʼE tuha mo te falala te fakamanatu ʼa Sehova,+ ʼe ina fakaliliu ʼo poto ia ia ʼae ʼe vale.+
8 ʼE faitotonu te ʼu lekula ʼa Sehova, ʼe ina fakafiafiaʼi te loto.+
ʼE maʼa te fakatotonu ʼa Sehova, ʼe ina fakagigila te ʼu mata.+
9 ʼE lelei te manavasiʼi kia Sehova,+ pea ʼe tologa ia.
ʼE moʼoni te ʼu fakamau ʼa Sehova, pea ʼe faitotonu fuli ia.+
10 ʼE lelei age ia ʼi te aulo,
ʼI ni tuʼuga aulo neʼe fakamaʼa,+
Pea ʼe malie age ia ʼi te meli,+ te meli ʼae ʼe hali mai te ʼu nofoʼaga meli.
12 Ko ai ʼae ʼe ina lava iloʼi te ʼu hala?+
Fakamolemole mai ki te ʼu agahala ʼae ʼe mole au mahino ki ai.