Pesalemo
TOLU TOHI
(Pesalemo 73-89)
Pesalemo ʼa Asafe.+
73 ʼE agalelei moʼoni te ʼAtua ki Iselaele, kia natou ʼae ʼe maʼa ʼonatou loto.+
2 Kae neʼe meʼa pe ke au hehe ʼi taku haʼele.
Neʼe meʼa pe ke heke ʼoku vaʼe.+
4 ʼE mole natou mamahi moka natou mamate.
ʼE natou maʼuli malolo lelei.+
6 Koia ko te fiameʼalahi ʼe hage ko honatou kahoa.+
Ko te agamalohi ʼe hage ko honatou kofu.
7 ʼE ha ʼi ʼonatou fofoga tonatou koloaʼia,
ʼAe ʼe laka age ʼi ʼanatou fakaʼamu.
8 ʼE natou nukinuki pea mo lau ni meʼa ʼe kovi.+
ʼI tonatou fiatuʼu ʼe natou fakamatakuʼi te hahaʼi.+
9 ʼE natou palalau ohage ʼe natou maʼoluga ʼo tatau mo te lagi,
Pea ʼe natou haʼele ʼi te kele ʼo palalau nekenekea.
10 Pea ʼe haga te hahaʼi ʼa te ʼAtua kia natou,
ʼO inu tanatou vai ʼae kua lahi maumau.
11 ʼE natou ui: “ ʼE iloʼi feafeaʼi e te ʼAtua te meʼa ʼae ʼe hoko?+
ʼE iloʼi moʼoni koa e te Maʼoluga?”
12 ʼE feia te kau agakovi ʼae ʼe maʼuli fimalie.+
ʼE tuputupu tuʼumaʼu pe ʼonatou koloa.+
13 ʼE mole he ʼuhiga ʼo taku taupau ke maʼa toku loto,
Pea mo taku ui ʼae ʼe mole haku hala.+
16 Neʼe au lotohoha
ʼI taku faigaʼi ʼae ke au mahino ki te faʼahi ʼaia,
17 ʼO kaku ki taku ulu ki te sagatualio taulekaleka ʼo te ʼAtua.
Pea neʼe au mahino ai ki te ka haʼu ʼo te kau agakovi.
18 ʼE ke tuku moʼoni natou ki he faʼahi ʼe hekeheke.+
ʼE ke taki natou ki tonatou pulinoa.+
19 ʼI fakapunamaʼuli leva tonatou pulihi!+
ʼI fakafokifa leva mo fakamataku tanatou mamate!
20 Sehova e, ʼe natou hage ko he moemisi ʼe puli moka kita ʼala ake,
Koia ʼi tau ʼala ake ʼe ke meʼa noaʼi anai natou.
22 Neʼe au agavale pea mo hala ʼatamai.
Neʼe au agavale ʼi ʼou muʼa ohage ko he manu.
25 Kia au, ʼe mole he tahi ʼi te ʼatu lagi ʼe maʼuhiga age ia koe.
ʼE mole au fakaʼamu au ki he meʼa ʼi te kele, ko koe pe ia ʼae ʼe au loto ki ai.+
26 ʼE feala pe ke vaivai toku sino mo toku loto,
Kae ko te ʼAtua ʼe ko te ʼutu ʼo toku loto pea mo toku vahe ʼo talu ai.+
27 ʼE mamate moʼoni anai ia natou ʼae ʼe nonofo mamaʼo ia te koe.
ʼE ke pulihi anai ia natou fuli ʼae ʼe heʼe agatonu, ʼae neʼe lituʼa kia te koe.+
28 Kae ʼe ko he meʼa lelei kia au te fakaovi ki te ʼAtua.+
Kua liliu te Tuʼi ʼAliki ko Sehova ko toku nonoʼaga,
Ke au kalagaʼi ai ʼana gaue fuli.+