Pesalemo
96 Kotou hiva kia Sehova he katiko foʼou.+
Kotou hiva kia Sehova, hahaʼi fuli ʼo te kele!+
2 Kotou hiva kia Sehova, kotou vikiʼi tona huafa.
Kotou kalagaʼi ʼi te ʼaho fuli te logo lelei ʼo tana haofaki.+
3 Kotou tala tona kololia ʼi te ʼu puleʼaga,
Mo ʼana gaue fakaofoofo ʼi te lotolotoiga ʼo te hahaʼi fuli.+
4 ʼE lahi ia Sehova pea ʼe tuha mo ia te ʼu fakavikiviki fuli.
ʼE fakamanavahe ia ʼo lahi age ʼi te ʼu ʼatua fuli ʼae.
6 ʼE ʼa takai ia ia e te ʼalikisia pea mo te taulekaleka.+
ʼE maʼu te malohi pea mo te taulekaleka ʼi tona sagatualio.+
7 Kotou fakaʼapaʼapa kia Sehova, ʼu famili ʼo te hahaʼi fuli,
Kotou fakaʼapaʼapa kia Sehova ʼuhi ko tona kololia pea mo tona malohi.+
8 Kotou foaki kia Sehova te kololia ʼae ʼe tuha mo tona huafa.+
Kotou ʼaumai he meʼa ʼofa pea kotou ulu ki ʼona malaʼe.
9 Kotou tulolo ia muʼa ʼo* Sehova mo ʼokotou teu taputapu.*
Kotou tekelili ʼi ʼona muʼa, hahaʼi fuli ʼo te kele!
10 Kotou tala ʼi te ʼu puleʼaga: “Kua Hau ia Sehova!+
Kua fakatuʼu malohi ia te kele, ʼe mole feala ke toe fakagaugaueʼi.*
ʼE ina fakamauʼi anai te hahaʼi ʼi te faitotonu.”+
11 Ke fakafiafia te lagi, pea ke fakafiafia te kele.
Ke ʼuʼulu te tai mo te ʼu meʼa fuli ʼae ʼe maʼuʼuli ʼi ai.+
12 Ke fakafiafia te ʼu potu fenua laulelei mo te ʼu meʼa fuli ʼae ʼi ai.+