Pesalemo
115 Sehova e, ʼaua naʼa ke tuku mai te kololia, ʼei, ʼaua naʼa ke tuku mai kia matou,
Kae ke ke tuku ki tou huafa,+
2 He koʼe ʼe ui anai e te ʼu puleʼaga:
“ ʼE ʼifea tonatou ʼAtua?”+
3 ʼE nofo tomatou ʼAtua ʼi te ʼatu lagi.
ʼE ina fakahoko te ʼu meʼa fuli ʼae ʼe finegalo ki ai.
4 Neʼe faʼu ʼanatou fakatata ʼaki te siliva mo te aulo,
ʼE ko te gaue ia ʼo te ʼu nima ʼo te tagata.+
5 ʼE ʼi ai ʼonatou gutu kae ʼe mole palalau,+
Ni mata, kae ʼe mole sisio.
6 ʼE ʼi ai ʼonatou taliga kae ʼe mole logo,
Ni ihu, kae ʼe mole mamanu ki he meʼa.
7 ʼE ʼi ai ʼonatou nima kae ʼe mole feala ke fāfā ki he meʼa,
Ni vaʼe, kae ʼe mole feala ke haʼele,+
Pea ʼe mole he leʼo ʼe haʼu mai ʼonatou gutu.+
8 ʼE liliu anai te kau faʼu fakatata ohage ko te ʼu fakatata,+
ʼO toe feia pe mo natou fuli ʼae ʼe falala ki ai.+
10 Hologa ʼo Alone,+ kotou falala kia Sehova
—ʼE ko tonatou haofakiʼaga mo tonatou meʼa tali tau.
11 Ia koutou ʼae ʼe manavasiʼi kia Sehova, kotou falala kia Sehova+
—ʼE ko tonatou haofakiʼaga mo tonatou meʼa tali tau.+
12 ʼE manatuʼi e Sehova ia tatou pea ʼe ina tapuakiʼi anai tatou,
ʼE ina tapuakiʼi anai te hologa ʼo Iselaele,+
Pea mo toe tapuakiʼi te hologa ʼo Alone.
13 ʼE ina tapuakiʼi anai ia natou ʼae ʼe manavasiʼi kia Sehova,
Ia natou ʼae ʼe liliki mo natou ʼae ʼe lalahi.
Kotou vikiʼi ia Sehova!*