ʼUluaki Koloniko

9 Neʼe tuʼu te ʼu higoa ʼo te kau Iselaele fuli ʼi te ʼu tohi hako pea mo te Tohi ʼo Te ʼu Hau ʼo Iselaele. Pea neʼe ʼave popula ia Suta ki Papiloni ʼuhi ko tanatou heʼe agatonu.+ 2 Ko te ʼuluaki hahaʼi ʼae neʼe toe liliu ki tonatou kele, ʼae ʼi ʼonatou kolo neʼe ko ʼihi kau Iselaele, mo te kau pelepitelo, mo te kau Levite pea mo te hahaʼi faifekau ʼo te fale lotu.*+ 3 Pea ko ʼihi ʼo te hologa ʼo Suta,+ mo Pesamino,+ mo Efalaimi pea mo Manase neʼe nonofo ʼi Selusalemi: 4 ko Utai te foha ʼo Amiute, te foha ʼo Omeli, te foha ʼo Imeli, te foha ʼo Pani, ʼi te hologa ʼo Pelesi,+ te foha ʼo Suta. 5 Pea ʼi te kau Silo, ko Asaia te ʼuluaki foha mo ʼona foha. 6 Pea ʼi te ʼu foha ʼo Sela,+ ko Seuele pea mo te toko 690 ʼo ʼonatou tehina.

7 Pea ʼi te hologa ʼo Pesamino, ko Salu te foha ʼo Mesulame, te foha ʼo Hotavia, te foha ʼo Asenua, 8 mo Sipenisa te foha ʼo Seloame, mo Ela te foha ʼo Usi, te foha ʼo Mikeli, pea mo Mesulame te foha ʼo Sefatia, te foha ʼo Leuele, te foha ʼo Ipenisa. 9 Neʼe toko 956 ʼonatou tehina ʼo mulimuli ki te ʼu tohi hako. Ko te ʼu tagata fuli ʼaia neʼe ko te ʼu pule ʼo ʼonatou famili.

10 Pea ʼi te kau pelepitelo, neʼe ʼi ai ia Setasa, mo Seosalipe, mo Sakine,+ 11 mo Asalia te foha ʼo Ilekisa, te foha ʼo Mesulame, te foha ʼo Satoke, te foha ʼo Melasote, te foha ʼo Ahitupe, ʼae neʼe ko he tagata takitaki ʼo te fale lotu* ʼo te ʼAtua moʼoni, 12 mo Atasa te foha ʼo Seloame, te foha ʼo Pasule, te foha ʼo Malekisa, mo Maesai te foha ʼo Atiele, te foha ʼo Sasela, te foha ʼo Mesulame, te foha ʼo Mesilemite, te foha ʼo Imele. 13 Pea neʼe ʼi ai mo ʼonatou tehina, ia te ʼu pule famili, ʼae neʼe ko he ʼu tagata malolohi ʼe toko 1 760 pea neʼe tuha mo te falala ki te gaue ʼo te fale ʼo te ʼAtua moʼoni.

14 Pea ʼi te kau Levite, neʼe ʼi ai ia Semaea,+ te foha ʼo Asupe, te foha ʼo Aselikame, te foha ʼo Asapea, mai te hologa ʼo Melali, 15 pea mo Pakepakala, mo Elesi, mo Kalale, mo Matania te foha ʼo Mika, te foha ʼo Sikili, te foha ʼo Asafe, 16 mo Apetiasi te foha ʼo Semaea, te foha ʼo Kalale, te foha ʼo Setutune, pea mo Pelekia te foha ʼo Asa, te foha ʼo Elekana, ʼae neʼe nofo ʼi te ʼu kolo liliki ʼo te kau Netofa.+

17 Ko te kau tagata leʼo matapa+ neʼe ko Salume, mo Akupe, mo Talemone, pea mo Asimani. Neʼe ko tonatou tehina ko Salume te pule, 18 pea ʼi muʼa atu, neʼe tuʼu ovi ki te matapa ʼo te hau, ʼi te potu esite.+ Neʼe ko te kau tagata leʼo matapa ʼaia ʼo te ʼu nofoʼaga ʼo te kau Levite. 19 Ko Salume, te foha ʼo Koli, te foha ʼo Epiasafe, te foha ʼo Kole, mo ʼona tehina, te kau Kole, neʼe natou tokakaga ki te gaue ʼa te kau leʼo matapa ʼo te fale la, pea neʼe tokakaga ʼanatou tamai ki te tapenakulo ʼo Sehova, ʼo natou leʼo te huʼaga. 20 Neʼe ko Fineasi,+ te foha ʼo Eleasale+ ʼae neʼe ina takitaki ia natou ʼi te temi muʼa, pea neʼe nofo ia Sehova mo ia. 21 Ko Sakalia,+ te foha ʼo Meselemia neʼe ko te tagata leʼo matapa ʼo te huʼaga ʼo te fale la ʼo te fono.

22 Ko natou fuli ʼae neʼe filifili ke natou leʼo te ʼu huʼaga neʼe natou toko 212. Neʼe natou nonofo ʼi ʼonatou kolo liliki ʼo mulimuli ki te tuʼu ʼo ʼonatou higoa ʼi te ʼu tohi hako.+ Neʼe fakanofo e Tavite pea mo Samuele, ʼae neʼe ina iloʼi te ʼu meʼa ʼae neʼe ha,+ ia te ʼu tagata ʼaia ki tanatou gaue, he neʼe natou tuha mo te falala. 23 Neʼe tokakaga te ʼu tagata ʼaia mo ʼonatou foha ki te leʼo ʼo te ʼu matapa ʼo te fale ʼo Sehova,+ ia te fale la. 24 Neʼe tutuʼu te ʼu tagata leʼo matapa ʼi te ʼu faʼahi ʼe fa: ʼi te potu esite, mo te potu uesite, mo te potu noleto pea mo te potu saute.+ 25 ʼI ʼihi temi, neʼe tonu ke mavae ʼonatou tehina mai ʼonatou kolo liliki ʼo ʼomai ʼo gaue mo natou lolotoga ʼaho ʼe fitu. 26 Neʼe fakanofo he ʼu tagata pule* ʼe toko fa ʼo te kau leʼo matapa he neʼe natou tuha mo te falala. Neʼe ko he kau Levite, pea neʼe natou tokakaga ki te ʼu koga fale* pea mo te ʼu tanakiʼaga koloa ʼo te fale ʼo te ʼAtua moʼoni.+ 27 Neʼe natou tutuʼu ʼo leʼo ʼi te po katoa, ʼo natou ʼa takai ai te fale ʼo te ʼAtua moʼoni, he neʼe natou tokakaga ki te gaue ʼaia ʼo feia mo te kalavi ʼae neʼe tonu ke natou avahi ʼaki te fale ʼi te uhu fuli.

28 Neʼe ʼi ai ʼihi ia natou neʼe tokakaga ki te ʼu meʼa kehekehe+ ʼae neʼe fakaʼaogaʼi ki te tauhi. Neʼe natou lau te ʼu meʼa ʼaia moka natou ʼaumai pea moka natou ʼave. 29 Neʼe fakanofo ʼihi ke natou tokakaga ki te tahi ʼu meʼa kehekehe, mo te ʼu meʼa taputapu kehekehe fuli,+ mo te falena lelei,+ mo te vino,+ mo te lolo,+ mo te iseso hina,*+ pea mo te lolo neʼe fai ʼaki te ʼu ʼakau fakamagoni.+ 30 Neʼe fai e ʼihi foha ʼo te kau pelepitelo te lolo magoni ʼae neʼe fai ʼaki te ʼu ʼakau fakamagoni. 31 Neʼe fakanofo ia Matitia, ʼae neʼe kau ʼi te kau Levite pea neʼe ko te ʼuluaki foha ʼo Salume, te tagata Kole, ke tokaga ki te ʼu meʼa ʼae neʼe fakamoho ʼi te ʼu fakapaku, he neʼe tuha mo te falala.+ 32 Neʼe tokakaga ʼihi ʼo ʼonatou tehina Keate ki te ʼu pane ʼae neʼe hili fakatuʼuga,*+ ke natou teuteuʼi ʼi te sapato fuli.+

33 Ko natou ʼaia neʼe ko te kau hiva pea neʼe ko te ʼu pule famili ʼo te kau Levite. Neʼe natou ʼi te ʼu koga fale.* Neʼe mole foaki age kia natou ʼaia he tahi age ʼu gaue, he neʼe natou gaue ʼi te ʼaho mo te po. 34 Neʼe ko te ʼu pule famili ʼaia ʼo te kau Levite ʼo mulimuli ki te ʼu tohi hako. Neʼe ko he kau pule. Pea neʼe natou maʼuʼuli ʼi Selusalemi.

35 Neʼe maʼuli ia Seiele, te tamai ʼa Kipeone ʼi Kipeone.+ Neʼe higoa tona ʼohoana ko Maaka. 36 Pea ko tona ʼuluaki foha neʼe ko Apitoni, pea neʼe hoa mai ki ai ia Tesule, mo Kisi, mo Paale, mo Nele, mo Natape, 37 mo Ketoli, mo Akeso, mo Sakalia pea mo Mikelote. 38 Pea ko Mikelote ko te tamai ʼa Simeame. Neʼe natou maʼuʼuli fuli ʼo ovi ki ʼonatou tehina ʼi Selusalemi, fakatahi mo ʼonatou tahi atu ʼu tehina. 39 Ko Nele+ ko te tamai ʼa Kisi, ko Kisi ko te tamai ʼa Saulo,+ ko Saulo ko te tamai ʼa Sonatane,+ mo Malekisua,+ mo Apinatape+ pea mo Esipaale. 40 Ko te foha ʼo Sonatane neʼe ko Meli-paale.+ Ko Meli-paale ko te tamai ʼa Mikea.+ 41 Pea ko te ʼu foha ʼo Mikea neʼe ko Pitone, mo Meleke, mo Takea pea mo Akase. 42 Ko Akase ko te tamai ʼa Saela, ko Saela ko te tamai ʼa Alemete, mo Asimaveti pea mo Simili. Ko Simili ko te tamai ʼa Motesa. 43 Ko Motesa ko te tamai ʼa Pinea, ko Pinea ko te tamai ʼa Lefasa, ko Lefasa ko te tamai ʼa Eleasa, ko Eleasa ko te tamai ʼa Atesele. 44 Neʼe maʼu e Atesele ʼona foha ʼe toko ono pea neʼe higoa ko Aselikame, mo Pokelu, mo Isemaele, mo Sealia, mo Apetiasi pea mo Hanane. Ko te ʼu foha ʼaia ʼo Atesele.