Pesalemo
NIMA TOHI
(Pesalemo 107-150)
2 Ke tala e natou ʼae neʼe totogi e Sehova,
Ia natou ʼae neʼe ina totogi mai te nima* ʼo te fili,+
3 ʼAe neʼe ina fakatahiʼi mai te ʼu fenua+
ʼO te potu esite mo uesite,
Pea mo te potu noleto mo saute.+
4 Neʼe natou hehe ʼi te toafa, ʼi te ʼu koga meʼa lavaki.
Neʼe mole natou maʼu he ala ki he kolo ke natou nonofo ai.
5 Neʼe natou fia kakai mo fia iinu.
Neʼe meihiʼi pe ke natou matapopo ʼi te lahi ʼo tonatou gaʼegaʼe.
6 Neʼe natou fetagihi kia Sehova ʼi tonatou lotomamahi,+
Koia neʼe ina haofaki ai natou mai tonatou aluʼaga faigataʼa.+
8 Ke fakafetaʼi kia Sehova+ ki tona ʼofa agatonu,
Pea mo ʼana gaue fakaofoofo ki te ʼu foha ʼo te tagata!+
9 Neʼe ina fakafimalieʼi ia ia ʼae neʼe fia inu,
Pea neʼe ina fafaga ia ia ʼae neʼe fia kai ʼaki ni meʼa lelei.+
10 Ko ʼihi neʼe nonofo ʼi te fakapoʼuli gaogao,
Neʼe haʼisia ʼi te mamahi mo seiniʼi,
11 He neʼe natou agatuʼu ki te folafola ʼa te ʼAtua,
Neʼe mole natou fakaʼapaʼapa ki te takitaki ʼa te Maʼoluga.+
12 Neʼe ina fakamalaloʼi natou ʼaki te mamahi.+
Neʼe natou tukia pea neʼe mole he tahi ke tokoni kia natou.
13 Neʼe natou fetagihi kia Sehova ʼi tonatou lotomamahi,
Pea neʼe ina haofaki natou mai tonatou aluʼaga faigataʼa.
14 Neʼe ina fakamavae natou mai te fakapoʼuli gaogao,
Pea mo veteki ʼonatou seini.+
15 Ke fakafetaʼi kia Sehova ki tona ʼofa agatonu,+
Pea mo ʼana gaue fakaofoofo ki te ʼu foha ʼo te tagata!
16 Neʼe ina maumauʼi te ʼu matapa kapa,
ʼO toe feia pe mo te ʼu ukamea.+
18 Neʼe mole kei natou fia kakai ki he faʼahiga meʼa kai pe,
Neʼe natou fakaovi ai ki te ʼu matapa ʼo te mate.
19 Neʼe natou fetagihi kia Sehova ʼi tonatou lotomamahi,
Pea neʼe ina haofaki natou mai tonatou aluʼaga faigataʼa.
20 Neʼe ina fai he fakatotonu ʼo natou malolo ai,+
Pea neʼe ina haofaki natou mai te ʼu luo ʼae neʼe natou fetoki ki ai.
21 Ke fakafetaʼi kia Sehova ki tona ʼofa agatonu,
Pea mo ʼana gaue fakaofoofo ki te ʼu foha ʼo te tagata!
22 Ke momoli te ʼu sakilifisio ʼo te fakafetaʼi,+
Pea ke kalagaʼi fakafiafia ʼana gaue.
23 Ko natou ʼae ʼe folau vaka ʼi te tai,
ʼAe ʼe fai tanatou gaue ʼi te moana,+
24 Neʼe natou sisio ki te ʼu gaue ʼa Sehova,
Pea mo ʼana gaue fakaofoofo ʼae ʼe maʼu ʼi te moana.+
25 Neʼe natou sisio ki te to ʼo te tuʼani matagi ʼi tana fakatotonu,+
ʼO lalahi ai te ʼu peau.
26 Neʼe malaga te kau vaka ki te lagi,
Pea mo fetoki ki te ʼu vai loloto.
Neʼe natou lotovaivai ʼi te kua vave hoko mai ʼo te malaʼia.
27 Neʼe natou manamana mo siʼia ohage ko he tahi ʼe konahia,
Pea neʼe mole he ʼuhiga ʼo tonatou poto gaue.+
28 Neʼe natou fetagihi leva kia Sehova ʼi tonatou lotomamahi,+
Pea neʼe ina haofaki natou mai tonatou aluʼaga faigataʼa.
29 Neʼe ina fakagona te tuʼani matagi,
ʼO fakalologo ai te ʼu peau ʼo te tai.+
30 Neʼe natou fiafia ai ʼi te kua malū,
Pea mo ina taki natou ki te taulaga vaka.
31 Ke fakafetaʼi kia Sehova ki tona ʼofa agatonu,
Pea mo ʼana gaue fakaofoofo ki te ʼu foha ʼo te tagata!+
32 Ke fakakololiaʼi ia ia e te hahaʼi,+
Pea ke vikiʼi e te kau matuʼa.
33 ʼE ina fakaliliu te ʼu vai tafe ko he ʼu toafa,
Mo te ʼu matapuna vai ko he kele magemage,+
34 Mo te kele maʼuli ko he kele konakona,+
ʼUhi ko te agakovi ʼa te hahaʼi.
35 ʼE ina fakaliliu te ʼu toafa ko he ʼu vai ʼe maʼuli ai te kaho,
Pea mo te kele magemage ko he ʼu matapuna vai.+
37 ʼE natou nunusi te pulapula ʼi te ʼu gaueʼaga mo to he ʼu gaueʼaga vite,+
Pea ʼe mahu ʼonatou taʼukai.+
38 ʼE ina tapuakiʼi natou ʼo natou liliu ai ʼo kaugamalie ʼaupito.
ʼE mole ina loto ke veliveli ʼanatou faga pipi.+
39 Kae ʼe natou toe liliu ʼo tokosiʼi pea ʼe fakalainoaʼi natou,
He ʼe gaohi koviʼi natou, mo natou tau mo te malaʼia pea mo te lotomamahi.
40 ʼE ina fakalainoaʼi te kau ʼaliki,
Pea ʼe ina tuku ke natou hehe ʼi te toafa ʼae ʼe mole maʼu ai ni ala.+
41 Kae ʼe ina puipui te kau masisiva* mai tonatou gaohi koviʼi,+
Mo fakahahaʼi ʼonatou famili ohage ko he faga ovi.