Sopo
34 Neʼe hoko atu te tali ʼa Eliu, ʼo ina ui:
2 “Kotou fagono ki ʼaku palalau, ia koutou ʼae ʼe popoto,
Kotou fagono mai, ia koutou ʼae ʼe lahi te ʼu meʼa ʼe kotou iloʼi.
3 He ʼe sivi e te taliga te ʼu palalau,
Ohage ko te ʼahiʼahiʼi e te gutu te meʼa kai.
4 Tou fakafuafua te meʼa ʼae ʼe totonu,
Tou fai fakatahi he tonu pe kotea te meʼa ʼae ʼe lelei.
6 ʼE au loi anai koa ʼo ʼuhiga mo te fakamau ʼae ʼe tuha mo au?
ʼE mole feala ke mole toku mataʼi lavea, logope la neʼe mole au talagataʼa.’+
7 Ko ai ʼae ʼe hage ko Sopo,
ʼAe ʼe ina inu te manuki ohage ko he moʼi vai?
8 ʼE fakakaugā mo te hahaʼi ʼae ʼe natou fai te meʼa ʼae ʼe kovi,
Mo fakatahi mo te kau agakovi.+
9 Neʼe ina ui: ‘ ʼE mole he ʼaoga ki he tagata
Ke faiga ʼo fakafiafiaʼi te ʼAtua.’+
10 Koia, ʼu tagata fakapotopoto, kotou fagono mai:
11 ʼE ina fakapale anai te tagata ʼo mulimuli ki te meʼa ʼae neʼe ina fai,+
Mo liufaki ki ai te ʼu fua ʼo tana aga.
13 Ko ai koa ʼae neʼe ina fakanofo ia ia ke pule ki te kele?
Ko ai koa ʼae neʼe ina hinoʼi ia ia ke ina taki te malamanei katoa?
14 Kapau ʼe ina tokagaʼi natou,
ʼO toʼo tonatou maʼuli mo tanatou manava,+
15 ʼE mamate fakatahi fuli anai te hahaʼi,
Mo toe liliu anai te malamanei ki te efu.+
16 Kapau ʼe ke ʼatamai, tokaga fakalelei ki te meʼa ʼaeni,
Fagono fakalelei ki te meʼa ʼae ka au tala atu.
17 ʼE tonu koa ke pule ia ia ʼae ʼe fehiʼa ki te faitotonu?
ʼE ke fakatuʼā anai koa he pule ʼe faitotonu?
18 ʼE ke ui anai koa ki he hau: ‘ ʼE mole hou ʼuhiga’?
ʼE ke ui anai koa ki ni ʼaliki: ‘ ʼE kotou agakovi’?+
19 ʼE ʼi ai te tahi ʼe mole fakapalatahi ki te kau ʼaliki,
Mo fakamaʼuhigaʼi te tagata maʼu koloa ʼi te tagata masiva,*+
He ʼe ko ia ʼae neʼe ina faʼu ia natou fuli.+
20 ʼE feala pe ke natou mamate fakapunamaʼuli+ ʼi te poʼuli,+
Ke natou tekelili mo mamate,
ʼE toe pulihi foki mo te kau pule, kae ʼe mole ko te tagata ʼae ʼe ina fakahoko.+
21 He ʼe sio te ʼAtua ki te aga ʼa te tagata,+
ʼE sio ia ki ʼona lakaʼaga fuli.
23 He neʼe mole fakatuʼutuʼu e te ʼAtua he temi ki te tagata
Ke ina fakamauʼi ai ia ia.
24 ʼE ina pulihi te kau pule kae mole ina fai ni fekumi
Mo fakanofo ʼihi ʼi ʼonatou tuʼulaga.+
26 ʼE ina ta natou ʼuhi ko tanatou agakovi,
Ia muʼa ʼo te hahaʼi fuli,+
27 Koteʼuhi ʼe mole kei natou mulimuli kia te ia,+
Pea ʼe mole natou fakaʼapaʼapa ki te ʼu meʼa fuli ʼae ʼe ina fai.+
28 Pea ʼe tupu ai te kole tokoni ʼa te tagata masiva kia te ia,
ʼO logo ai ki te kalaga ʼa natou ʼae ʼe fakaʼofaʼofa.+
29 Ka fakalogologo te ʼAtua, ko ai ʼae ʼe feala ke ina fakamauʼi?
Ko ai ʼae ʼe feala ke sio kia te ia moka ina ʼuʼufi tona fofoga?
Pe ʼe ko he puleʼaga peʼe ko he tagata, ʼe tatau pe ia.
30 ʼE mole ina fakagafua ke pule he tagata ʼe mole fakaʼapaʼapa ki te ʼAtua,*+
Pe ʼe ke ina fakaheʼi te hahaʼi.
31 ʼE ui anai koa e he tahi ki te ʼAtua:
‘Neʼe tauteaʼi au logo la neʼe mole au agahala.+
32 Fakaha mai te meʼa ʼae neʼe mole au sio ki ai.
Kapau neʼe au fai he meʼa ʼe kovi, ʼe mole au toe fai anai’?
33 ʼE tonu koa ke ina fakapale koe ʼo mulimuli pe ki tau manatu, logo la neʼe ke siʼaki tana fakamau?
ʼA koe pe tona vakaʼi, ʼe mole ko au ia.
Fakaha mai la te meʼa ʼae ʼe ke iloʼi lelei.
34 ʼE ui mai anai e te ʼu tagata ʼae ʼe ʼatamai,
Ia te ʼu tagata popoto fuli ʼae ʼe logo mai:
35 ‘ ʼE palalau ia Sopo kae ʼe mole ina iloʼi he meʼa,+
Pea ʼe mole fakapotopoto ʼana palalau.’
36 Ke ʼahiʼahiʼi ia Sopo* ki tona gataʼaga,
He ʼe hage ʼana tali ko te ʼu tali ʼa te kau agakovi!