Pesalemo
Ki te pule ʼo te kau faimaholo. Pesalemo ʼa Tavite.
139 Sehova e, ʼe ke sivisivi pea ʼe ke iloʼi au.+
2 ʼE ke iloʼi moka au heka pea moka au tuʼu ake.+
ʼE ke iloʼi mai mamaʼo ʼaku manatu.+
5 ʼE ke ʼa takai au, ʼi ʼoku tuʼa mo muʼa,
Pea ʼe ke hili tou nima kia au.
6 ʼE mole kakusia taku mahino ki te taʼi ʼatamai malama ʼaia,
He ʼe maʼoluga ʼosi ia ke au kakusia ki ai.+
7 ʼE au hola anai kifea mai tou laumalie maʼoniʼoni?
Pea ʼe au hola mamaʼo anai kifea mai ia te koe?+
8 Kapau ʼe au hake ki te lagi, ʼe ke nofo ai,
Pea kapau ʼe au fai toku moeʼaga ʼi te Faitoka,* ʼe ke toe nofo ai.+
9 Kapau ʼe ʼave au ʼi te ʼu pakakau ʼo te mafoata
Ke au alu ʼo nofo ovi ki te tai mamaʼo,
10 Maʼiape la ʼi te potu ʼaia, ʼe takitaki au e tou nima,
ʼEi, ʼe puke au e tou nima mataʼu.+
11 Kapau ʼe au ui: “ ʼE fufu moʼoni anai au ʼi te fakapoʼuli!”
Kae ʼe liliu anai te poʼuli ʼo malama, ʼi ʼoku tafaʼaki.
12 Maʼiape la mo te fakapoʼuli, ʼe mole fakapoʼuli ia kia koe,
Kae ʼe malamagia anai te poʼuli ohage ko te ʼaho.+
ʼE hage pe te fakapoʼuli ko te malama kia koe.+
14 ʼE au vikiʼi koe ʼi taku sio ʼae ki te fakaofoofo mo te taulekaleka ʼo toku faʼu.+
ʼE fakaofoofo ʼau gaue,+
ʼEi, ʼe au mahino lelei ki ai.
15 Neʼe mole ʼūgia ʼoku hui kia te koe,
ʼI te temi ʼae neʼe faʼu fakafufu ai ia au,
ʼI te temi ʼae neʼe lalaga ai au ohage ko he kie ʼi te ʼu potu loloto ʼo te kele.+
16 Neʼe sio ʼou mata kia au kae neʼe kei au nofo pe ʼi te fatu ʼo taku faʼe.
Neʼe tohi ʼoku koga fuli ʼi tau tohi,
Mo te ʼu ʼaho ʼae ʼe faʼu ai natou,
Kae neʼe heʼeki faʼu ia.
17 ʼI maʼuhiga leva kia au ʼau manatu!+
ʼAtua e, ʼi lahi leva ʼo tou ʼatamai malama!+
18 ʼE feafeaʼi anai haku lava lau? ʼE lahi age ia ʼi te ʼu fisiʼi ʼone.+
ʼI taku ʼala ake, ʼe kei au nofo pe mo koe.*+
19 ʼAtua e, ka na pau la neʼe ke matehi te kau agakovi!+
ʼE fakamamaʼo ai anai ia au te hahaʼi agamalohi,
20 Ia natou ʼae ʼe natou laukovi faʼifaʼitaliha kia te koe,
ʼE natou fakaʼaogaʼi kovi tou huafa, ia natou ʼaia ko ʼou fili.+
21 Sehova e, ʼe mole au fehiʼa koa la kia natou ʼae ʼe fehihiʼa kia te koe,+
Pea mo fakalialia kia natou ʼae ʼe agatuʼu kia te koe?+
23 ʼAtua e, sivisivi au mo iloʼi toku loto.+
ʼEi, sivisivi au mo iloʼi ʼoku tuʼania.+