Pesalemo
Ki te pule ʼo te kau faimaholo. Pesalemo ʼa Tavite. Ko he hiva.
68 Ke tuʼu ake te ʼAtua, ke mavetevete ʼona fili,
Pea ke feholaki ʼi ʼona muʼa ia natou ʼae ʼe fehihiʼa kia te ia.+
2 Ke ke kapu natou ohage ko te ʼave e te matagi ia te kohu.
Ke mamate te kau agakovi ia muʼa ʼo te ʼAtua,+
Ohage ko te huhuʼa ʼo te sela ʼi te vaʼe afi.
3 Kae ke fakafiafia te kau faitotonu.+
Ke lahi tonatou fiafia ia muʼa ʼo te ʼAtua,
ʼEi, ke natou fakafiafia.
4 Ke kotou hiva ki te ʼAtua, kotou vikiʼi tona huafa ʼaki ni hiva.*+
Kotou hiva kia Ia ʼae ʼe fakalaka ʼi te toafa.*
Ko tona huafa ko Sehova!*+ Kotou fakafiafia ʼi ʼona muʼa!
5 Ko te tamai ʼo te ʼu fanau ʼae ʼe hala mo tamai pea mo te puipuiʼaga* ʼo te kau vitua,+
ʼE feia te ʼAtua ʼi tona nofoʼaga taputapu.+
6 ʼE foaki e te ʼAtua he ʼapi kia natou ʼae ʼe nonofo takitokotahi.+
ʼE ina fakaʼateainaʼi te kau pilisoni pea mo foaki age he ʼu lelei.+
Kae ʼe nonofo anai te kau talagataʼa* ʼi he kele moamoa.+
7 ʼAtua e, ʼi te temi ʼae neʼe ke takitaki ai tau hahaʼi,+
Pea mo haʼele ʼi te toafa, (Sela)
8 Neʼe galulu ai te kele.+
Neʼe mapeʼe ifo he ʼua lahi ʼuhi ko koe.
Neʼe galulu te Sinai ʼaia, ʼuhi ko te ʼAtua, te ʼAtua ʼo Iselaele.+
9 ʼAtua e, neʼe ke fakato ifo ni ʼua lalahi.
Neʼe ke toe foaki te malohi ki tau hahaʼi* ʼae neʼe kua gaʼegagaʼe.
10 Neʼe natou nonofo ʼi ʼou fale la.+
ʼAtua e, ʼi tou manavaʼofa neʼe ke foaki te meʼa ʼae ʼe ʼaoga ki te kau masisiva.
11 ʼE fai e Sehova he fakatotonu.
Ko te hahaʼi fafine ʼae ʼe natou fakaha te logo lelei ʼe ko he kautau lahi.+
12 ʼE feholaki te ʼu hau ʼo te ʼu kautau,+ ʼei, ʼe natou feholaki!
ʼE maʼu e te fafine ʼae ʼe nofo ʼi fale tona vahe.+
13 Neʼe kotou takokoto ʼo ovi ki te afi ʼi te nofoʼaga solia,*
Kae ʼe ʼi ai anai te ʼu pakakau ʼo he lupe ʼe ʼaofi ʼaki te siliva,
Mo te ʼu muʼamuʼaʼi pakakau ʼe ʼaofi ʼaki te aulo maʼa.
14 ʼI te temi ʼae neʼe fakamavetevete ai e te Mafimafi te ʼu hau ʼo te fenua,+
Neʼe nive ai* ʼi te moʼuga ko Tesalemone.
15 Ko te moʼuga ʼo Pasani+ ʼe ko te moʼuga ʼo te ʼAtua.
ʼE lahi te ʼu potu maʼoluga ʼi te moʼuga ʼo Pasani.
16 ʼU moʼuga maʼoluga, he koʼe ʼe kotou maheheka
Ki te moʼuga ʼae neʼe filifili e te ʼAtua ko hona nofoʼaga?+
ʼE nofo ai anai ia Sehova ʼo talu ai.+
17 ʼE lauʼi hogofulu afe te ʼu saliote ʼa te ʼAtua, ʼei, ʼe lauʼi afe mo afe.+
Neʼe haʼu ia Sehova mai Sinai ʼo hu ki te koga meʼa taputapu.+
Neʼe ke ʼave he kau popula.
Neʼe ke toʼo he ʼu tagata ohage ko ni meʼa ʼofa,+
Sehova* ʼAtua, ʼei, ʼo toe feia mo ni tagata talagataʼa,+ ke ke nofo mo natou.
19 Ke vikiʼi ia Sehova ʼae ʼe ina ʼamo ʼatatou kavega ʼi te ʼaho fuli,+
Ko te ʼAtua moʼoni ʼe ko totatou haofakiʼaga. (Sela)
20 Ko te ʼAtua moʼoni, ʼe ko he ʼAtua ʼe ina haofaki tatou,+
Pea ko te Tuʼi ʼAliki ko Sehova ʼe ina fakahao tatou mai te mate.+
21 ʼEi, ʼe lailaiʼi anai e te ʼAtua te ʼu ʼulu ʼo ʼona fili,
Te ʼulu ʼo ia ʼae ʼe hoko atu pe tana agahala.+
22 Neʼe ui e Sehova: “ ʼE au fakaliliu mai anai natou mai Pasani,+
ʼEi, mai te ʼu potu loloto ʼo te tai,
23 Ke feala ai hau haʼele ʼi te toto ʼo ʼou fili,+
Pea ke ʼemo e ʼau kuli tonatou toto.”
24 ʼAtua e, ʼe natou sisio ki te faifagona ʼo tau hahaʼi,
ʼEi, te faifagona ʼo te hahaʼi ʼo toku ʼAtua, toku Hau, ʼae ʼe olo ki te koga meʼa taputapu.+
25 ʼE olo ʼi muʼa te kau hiva, pea ʼe muliʼi natou e te kau faimaholo kauʼi uka.+
Pea ʼi te lotomalie ʼe ko te kau taʼahine ʼae ʼe ta nafa.+
26 Kotou vikiʼi te ʼAtua ʼi te lotolotoiga ʼo te kaugamalie.*
Kotou vikiʼi ia Sehova, ia koutou fuli ʼae ʼe ʼomai mai te Matapuna ʼo Iselaele.+
27 ʼE pule kia natou ia Pesamino,+ ia ia ʼae ʼe veliveli,
Pea ʼe toe pule kia natou te kau ʼaliki ʼo Suta mo ʼanatou hahaʼi logoaʼa,
Mo te kau ʼaliki ʼo Sepulone, mo te kau ʼaliki ʼo Nefetali.
28 Neʼe fakatotonu e tou ʼAtua ʼe ke malohi anai.
ʼAtua e, fakaha mai tou mafimafi, ia koe ʼae neʼe ke tokoni mai kia matou.+
30 Fakatonutonuʼi te ʼu manu ʼae ʼe maʼuʼuli ʼi te ʼulu kaho,
Mo te faga vitulo+ mo ʼonatou ʼuhi,
ʼO kaku ki te tulolo ʼa te hahaʼi pea mo tanatou ʼaumai* te siliva.
Fakamavetevete te hahaʼi ʼae ʼe natou leleiʼia te tau.
31 ʼE ʼaumai anai mai Esipito ni meʼa neʼe fai ʼaki te kapa.*+
ʼE foaki fakavilivili anai e Kusi ni meʼa ʼofa ki te ʼAtua.
33 ʼAe ʼe fakalaka ʼi te ʼatu lagi ʼae ʼe tuʼu talu mai te temi muʼa.+
Koʼeni, ʼe ina fakagugulu tona leʼo ʼae ʼe fakamanavahe.
34 Kotou fakamoʼoni ki te mafimafi ʼo te ʼAtua.+
ʼE ʼafio ʼi Iselaele,
Pea ʼe ha tona mafimafi ʼi te ʼatu lagi.
35 ʼE fakaofoofo te ʼAtua ʼi tona* sagatualio taulekaleka.+
ʼE ko te ʼAtua ʼo Iselaele,
ʼAe ʼe ina foaki ki te hahaʼi te malohi mo te pule.+
Kotou vikiʼi te ʼAtua.