Pesalemo
Pesalemo ʼo ʼuhiga mo Salomone.
72 ʼAtua e, foaki ki te hau ʼau fakamau,
Pea ke akoʼi tau faitotonu ki te foha ʼo te hau.+
3 Ke foaki e te ʼu moʼuga te tokalelei ki te hahaʼi,
Pea ke foaki e te ʼu kiʼi moʼuga te faitotonu.
4 Ke ina puipui* ia natou ʼae ʼe mole maʼuhiga ʼi te hahaʼi,
Ke ina haofaki te ʼu foha ʼo te tagata masiva,
Pea ke ina malamalaki te tagata agakaka.+
5 ʼE manavasiʼi anai te hahaʼi kia te koe lolotoga te temi ʼae ʼe kei tuʼu ai te laʼa,
Pea mo ha ai te mahina,
Mai he taʼiake ki he tahi taʼiake.+
6 ʼE hage anai tana pule ko te to ʼo te ʼua ki te luna ʼae kua huo,
Peʼe ko ni ʼua lalahi ʼe fakapala ai te kele.+
7 ʼI tona temi hau, ʼe tuputupu anai te kau faitotonu ohage ko ni fisiʼi teu,+
Pea ʼe lahi anai te tokalelei+ ʼo kaku ki te puli ʼo te mahina.
8 ʼE ina maʼu anai hana hahaʼi fakalogo* mai he koga tai ki he tahi age koga tai,
Pea mai te Vai Tafe* ʼo kaku ki te ʼu potu taupotu ʼo te kele.+
10 ʼE totogi anai e te ʼu hau ʼo Talesisi mo te ʼu motu he tukuhau.+
ʼE ʼomai anai te ʼu hau ʼo Sepa mo Sapa mo ni meʼa ʼofa.+
11 ʼE tulolo anai te ʼu hau fuli ʼi ʼona muʼa,
Pea ʼe tauhi anai te ʼu puleʼaga fuli kia ia.
12 ʼE ina haofaki anai te tagata masiva ʼae ʼe kole tokoni age,
ʼO toe feia mo ia ʼae ʼe mole maʼuhiga pea mo ia ʼae ʼe hala tokoni.
13 ʼE ʼofa anai kia ia ʼae ʼe mole maʼuhiga pea mo ia ʼae ʼe masiva,
Pea ʼe ina haofaki anai te maʼuli ʼo te kau masisiva.
14 ʼE ina haofaki anai natou mai te taʼomia mo te agamalohi,
Pea ʼe maʼuhiga anai ʼonatou maʼuli* kia ia.
15 Ke hoko atu tona maʼuli pea ke foaki age kia ia te aulo ʼo Sepa.+
Ke hufakiʼi ia ia ʼo tuʼumaʼu,
Pea ke tapuakiʼi ia ia ʼi te ʼaho katoa.
ʼE maʼuli lelei anai te ʼu kele ʼo te hau ohage ko Lipane,+
Pea ʼe tuputupu anai te hahaʼi ʼo te ʼu kolo ohage ko te vao ʼo te kele.+
Ke maʼu tapuakina te hahaʼi ʼuhi ko te hau.+
Ke fakaha e te ʼu puleʼaga fuli tona fiafia.
18 Ke vikiʼi ia Sehova ʼAtua, te ʼAtua ʼo Iselaele,+
Ia ia tokotahi ʼae ʼe ina fai ni gaue fakaofoofo.+
19 Ke vikiʼi tona huafa ʼae ʼe fonu ʼi te kololia ʼo heʼe gata,+
Pea ke fonu te kele katoa ʼi tona kololia.+
Ameni, Ameni.
20 ʼE fakaʼosi ʼi heni te ʼu faikole ʼa Tavite, te foha ʼo Sese.+