Ekelesiasi
3 ʼE ʼi ai te temi kia meʼa fuli,
ʼEi, he temi kia gaue fuli ʼi te kele:
2 He temi ke tupu ai mo he temi ke mate ai,
He temi ke to pulapula ai mo he temi ke taʼaki ai te meʼa ʼae neʼe to,
3 He temi ke matehi ai mo he temi ke fakamalolo ai,
He temi ke maumauʼi ai mo he temi ke laga ai,
4 He temi ke tagi ai mo he temi ke kata ai,
He temi ke lauga ai mo he temi ke meʼe ai,
5 He temi ke laku ai ni maka mo he temi ke tanaki ai ni maka,
He temi ke faʼufua ai mo he temi ke mole faʼufua ai,
6 He temi ke kumi ai mo he temi ke ui ai kua puli,
He temi ke taupau ai mo he temi ke siʼaki ai,
7 He temi ke hae ai+ mo he temi ke tui ai,
He temi ke fakalogologo ai+ mo he temi ke palalau ai,+
8 He temi ke ʼofa ai mo he temi ke fehiʼa ai,+
He temi ki te tau mo he temi ki te tokalelei.
9 Kotea ʼae ʼe maʼu e ia ʼae ʼe gaue ʼi ʼana faiga?+ 10 Neʼe au sio ki te gaue ʼae neʼe foaki e te ʼAtua ki te ʼu foha ʼo te tagata ke natou maʼumaʼua ai. 11 Neʼe ina fai ia meʼa fuli ʼo matalelei* ʼi tona temi totonu.+ Pea neʼe ina ʼai ki te loto ʼo te tagata te manatu ki te maʼuli heʼe gata, kae ʼe mole mahino anai ia ʼi he temi ki te gaue ʼa te ʼAtua moʼoni, mai tona kamata ki tona fakaʼosi.
12 Neʼe au ui ai ʼe mole ʼi ai he meʼa ʼe lelei age maʼa ia ʼi tana fakafiafia pea mo fai te meʼa ʼae ʼe lelei ʼi tona maʼuli,+ 13 pea mo kai mo inu mo fakafiafia ʼi ʼana gaue kinakina fuli. Ko he meʼa ʼofa ia mai te ʼAtua.+
14 Neʼe au iloʼi ai ko meʼa fuli ʼae ʼe fai e te ʼAtua moʼoni ʼe tuʼu ia ʼo talu ai. ʼE mole he meʼa ke hilifaki peʼe ke toʼo mai ai. Neʼe fai feia e te ʼAtua moʼoni te ʼu meʼa ʼaia ke manavasiʼi te hahaʼi kia te ia.+
15 Ko te meʼa ʼae ʼe hoko, neʼe kua hoko ia, pea ko te meʼa ʼae ka hoko, kua ʼosi hoko ia.+ Kae ʼe kumi e te ʼAtua moʼoni te meʼa ʼae neʼe faiga ki ai te hahaʼi.*
16 Neʼe au toe sio ki te meʼa ʼaeni ʼi te kele: ʼE mole hoko te fakamau ʼae ʼe totonu kae ko te agakovi, pea ʼe mole hoko te faitotonu kae ko te agakovi.+ 17 Neʼe au ui ai ʼi toku loto: “ ʼE fakamauʼi anai e te ʼAtua moʼoni te tagata faitotonu mo te tagata agakovi,+ he ʼe ʼi ai te temi kia gaue fuli pea mo aga fuli.”
18 Neʼe au toe ui ʼi toku loto ʼe ʼahiʼahiʼi e te ʼAtua moʼoni te ʼu foha ʼo te tagata ke natou iloʼi ʼe natou hage pe ko te ʼu manu, 19 koteʼuhi ʼe ʼi ai te ikuʼaga maʼa te hahaʼi mo te ikuʼaga maʼa te ʼu manu. ʼEi, ʼe tatau pe tonatou ikuʼaga.+ ʼE mate te manu pea ʼe toe mate mo te tagata. ʼEi, ʼe tatau tonā malohi.+ Koia ʼe mole maʼuhiga age te tagata ʼi te manu, he ʼe ko meʼa fuli ʼe vaʼiganoa. 20 ʼE natou olo fuli ki he koga meʼa pe ʼe tahi.+ ʼE natou ʼomai fuli mai te efu+ pea ʼe natou toe liliu fuli pe ki te efu.+ 21 Ko ai ʼae ʼe ina iloʼi moʼoni pe ʼe hake te malohi ʼo te tagata ki ʼoluga, peʼe hifo te malohi ʼo te manu ki te lalo kele?+ 22 Pea neʼe au sio ʼe mole he meʼa ʼe lelei age ki te tagata ʼi tana fakafiafia ʼi tana gaue,+ koteʼuhi ko tona fakapale ʼaia. He ʼe ko ai ʼae ʼe feala ke ina fakaha age ki ai te meʼa ʼae ka hoko moka puli?+