Pesalemo
2 ʼE falele ʼo fagono mai,+
Pea ʼe au tagi anai kia te ia ʼi toku maʼuli katoa.
Neʼe au lotohoha mo lotomamahi ʼaupito.+
4 Kae neʼe au tagi ki te huafa ʼo Sehova:+
“Sehova e, haofaki au!”
6 ʼE tokaga ia Sehova kia natou ʼae ʼe heʼeki popoto.+
Neʼe au mafasia, pea neʼe ina haofaki au.
7 Ke au toe fimalie,
He neʼe manavaʼofa ia Sehova kia au.
8 Neʼe ke haofaki au mai te mate,
Neʼe ke holoholoʼi ʼoku loʼimata pea mo tokoni mai ke mole au tukia.+
9 ʼE au fia haʼele ia muʼa ʼo Sehova ʼi te fenua ʼo te kau maʼuli.
10 Neʼe au tui, koia ʼae neʼe au palalau ai,+
Neʼe au lotomamahi ʼaupito.
11 Neʼe au ui ʼi toku mataku:
“ ʼE gutuloi te tagata fuli pe.”+
12 Kotea ʼae ʼe feala ke au liufaki kia Sehova
Kia meʼa lelei fuli ʼae neʼe ina fai maʼaku?
13 ʼE au hiki anai te ipu ʼo te haofaki,
Pea ʼe au fetapa anai ki te huafa ʼo Sehova.
14 ʼE au fakahoko anai te ʼu fakapapau ʼae neʼe au fai kia Sehova,
Ia muʼa ʼo tana hahaʼi fuli.+
16 Sehova e, ʼe au kole mamahi atu,
He ʼe ko au tau kaugana.
ʼEi, ko au tau kaugana, te tama ʼo tau fafine faifekau.
Neʼe ke veteki au mai ʼoku haʼi.+
17 ʼE au momoli atu anai te sakilifisio ʼo te fakafetaʼi,+
ʼE au fetapa anai ki te huafa ʼo Sehova.