Pesalemo
Ki te pule ʼo te kau faimaholo. Pesalemo ʼa Tavite, ʼo mulimuli ki te fasi ʼo te hiva “Te ʼu Lilio.”
69 ʼAtua e, haofaki au he ʼe tuʼutamakiʼia toku maʼuli ʼi te ʼu vai.+
2 ʼE au mou ʼi te loloto ʼo te pela, ʼe mole feala ke tuʼu ʼoku vaʼe.+
ʼE au mou ʼi te ʼu vai loloto,
Pea ʼe au tafea ai.+
3 Kua au gaʼegaʼe ʼi te kalaga.+
Kua fa toku leʼo.
Kua nenefu taku sio ʼi taku talitali ki toku ʼAtua.+
4 Ko natou ʼae ʼe fehihiʼa kia au kae ʼe mole hona tupuʼaga+
ʼE natou kaugamalie age ʼi ʼoku fuluʼi ʼulu.
Kua kaugamalie ʼoku fili agakaka,
Ia natou ʼae ʼe natou fia matehi au.
Neʼe fakakinauʼi au ke au liufaki te meʼa ʼae neʼe mole au kaihaʼa.
5 ʼAtua e, ʼe ke iloʼi taku agavale,
Pea ʼe mole ʼū taku lakahala kia te koe.
6 Tuʼi ʼAliki ko Sehova ʼo te ʼatu kautau,
Ke mole ufiufi ia natou ʼae ʼe falala kia te koe ʼuhi ko au.
ʼAtua ʼo Iselaele,
Ke mole fakalainoaʼi ia natou ʼae ʼe natou kumi ia koe ʼuhi ko au.
8 ʼE mole kei tali au e ʼoku tehina,
ʼO feia ki te ʼu tama ʼo taku faʼe.+
9 ʼE hage ko he afi kakaha taku faʼafai ki tou ʼapi,+
Pea ko te ʼu laukovi ʼae ʼe fai atu kia te koe ʼe fai mai kia au.+
10 Neʼe au fakamalalo ifo ʼo sesunio,*
ʼO tupu ai toku laukoviʼi.
11 Neʼe au kofuʼi he taga,*
Pea neʼe au liliu ai ko he tahi ʼe fehiʼaʼinaʼi.
12 ʼE palalau ʼo ʼuhiga mo au ia natou ʼae ʼe heheka ʼi te matapa ʼo te kolo,
Pea ʼe hivaʼi au e te kau konana.
13 Sehova e, ʼi te temi ʼae ʼe ke lotolelei ki ai,+
Ke ke fagono mai ki taku faikole.
ʼAtua e, ʼi te lahi ʼo tou ʼofa agatonu,
Tali mai mo fakaha mai ko koe te haofakiʼaga ʼae ʼe tuha mo te falala.+
14 Haofaki au mai te pela,
ʼAua naʼa ke tuku ke au mou.
Haofaki au mai ia natou ʼae ʼe fehihiʼa mai kia au,
Pea mai te ʼu vai loloto.+
15 ʼAua naʼa ke tuku ke au tafea,+
Peʼe ke au mou ʼi te ʼu vai loloto,
16 Sehova e, tali mai kia au he ʼe lelei tou ʼofa agatonu.+
Tali fakavilivili mai he ʼe au mamahi.+
18 Fakaovi mai pea mo haofaki au.
ʼEi, haofaki* au mai ʼoku fili.
19 ʼE ke iloʼi ʼe laukoviʼi au mo fehiʼaʼinaʼi pea mo fakalainoaʼi.+
ʼE ke sio ki ʼoku fili fuli.
20 Kua lavea toku loto ʼi te ʼu laukovi pea ʼe mole feala ke faitoʼo.*
Neʼe au fakaʼamu ke ʼofa mai he tahi, kae neʼe mole pe la he tahi,+
Neʼe au fakaʼamu ke fakapelepeleʼi au e niʼihi, kae neʼe mole pe la he tahi.+
22 Ke hage tonatou laupapa ko he hele kia natou,
Pea ke toe feia pe mo ʼonatou koloa.+
23 Ke nenefu ʼonatou mata ke ʼaua naʼa sisio,
Pea ke tete tuʼumaʼu ʼonatou vaʼe.
24 Ke to tou hauhau kia natou,
Tauteaʼi natou ʼi tou hauhau.+
25 Ke lavaki tonatou nofoʼaga.
Ke mole nofoʼi ʼonatou fale la.+
26 ʼE natou tuli ia ia ʼae neʼe ke ta,
Pea ʼe natou fakamatala tuʼumaʼu pe te ʼu mamahi ʼo natou ʼae neʼe lavevea ia koe.
27 Ke tauteaʼi ia natou ʼuhi ko ʼanatou lakahala,
Pea ʼaua naʼa ke ui ʼe natou faitotonu.
28 Ke molehi ʼonatou higoa ʼi te tohi ʼo te kau maʼuli,*+
Pea ke mole tuʼu fakatahi ʼonatou higoa mo te ʼu higoa ʼo te kau faitotonu.+
29 Kae ʼe au taʼomia mo lotomamahi.+
ʼAtua e, haofaki mo puipui au.
30 ʼE au fia vikiʼi te huafa ʼo te ʼAtua ʼaki ni hiva,
Pea ʼe au fia fakakololiaʼi ʼaki ni fakafetaʼi.
31 ʼE lelei age anai kia Sehova te faʼahi ʼaia ʼi he vitulo,
ʼEi, ʼi he vitulo kei mui ʼe ʼi ai ʼona tala mo ʼona paninia.+
32 ʼE sisio anai te kau agavaivai ki te faʼahi ʼaia pea ʼe natou fakafiafia anai.
Ke kotou toe lotomalohi, ia koutou ʼae ʼe kotou kumi te ʼAtua.
33 ʼE fagono ia Sehova ki te kau masisiva,+
Pea ʼe mole ina meʼa noaʼi anai tana hahaʼi ʼae ʼe popula.+
34 Ke vikiʼi ia ia e te lagi mo te kele,+
ʼO feia mo te tai pea mo te ʼu meʼa fuli ʼae ʼe maʼuʼuli ai.
35 ʼE haofaki anai e te ʼAtua ia Sione,+
Pea ʼe ina toe laga anai te ʼu kolo ʼo Suta,
ʼE nofoʼi anai mo maʼu te fenua e tana hahaʼi.