Pesalemo
Ki te pule ʼo te kau faimaholo. Pesalemo ʼa Tavite, kaugana ʼa Sehova. Neʼe ina hiva kia Sehova te hiva ʼaeni ʼi te ʼaho ʼae neʼe haofaki ai ia ia e Sehova mai ʼona fili fuli pea mo Saulo:+
18 Sehova e, toku malohi, ʼe au ʼofa ia te koe!+
2 Ko Sehova ʼe ko toku maka malohi pea mo toku kolo tau. ʼE ko Ia ʼae ʼe ina haofaki au.+
Ko toku ʼAtua ʼe ko toku ʼutu,+ pea ʼe au hola ki ai,
Ko taku meʼa tali tau pea mo toku fakamaʼuli malohi,* mo toku nonoʼaga.*+
3 ʼE au pauʼi kia Sehova, ʼae ʼe tuha mo te fakavikiviki,
Pea ʼe ina haofaki anai au mai ʼoku fili.+
4 Neʼe haʼihaʼi au e te ʼu maea ʼo te mate.+
Neʼe fakamatakuʼi au e ni tagata ʼe mole honatou ʼuhiga, ʼe natou hage ko he vai tafe ʼe tafe malohi.+
6 ʼI toku mamahi, neʼe au pauʼi kia Sehova,
Neʼe au tagi tuʼumaʼu ki toku ʼAtua.
7 Pea neʼe kamata galulu te kele.+
Neʼe gaugaue te ʼu fakatafito ʼo te ʼu moʼuga
Mo galulu ʼuhi ko tona hauhau.+
8 Neʼe haʼu mai ʼona poga ihu he kohu,
Pea neʼe haʼu mai tona gutu he afi kakaha.+
Neʼe mapuna mai ia ia he ʼu mamala kua ulo.
10 Neʼe heka ʼi he kelupimi pea neʼe lele.+
Neʼe gaholo tana hifo mai ʼi te ʼu pakakau ʼo he laumalie.*+
11 Neʼe ʼaofi leva ia ia e te fakapoʼuli+
Ohage ko he fale la,
Neʼe toe ʼaofi ia ia e ni vai kua ʼepu pea mo ni ʼao matolu.+
12 Neʼe mafisi mai te malama ʼae ʼi ʼona muʼa
Ni mamala kakaha pea neʼe to he ʼuamaka.
13 Neʼe fakaʼuʼulu leva e Sehova te mana mai te lagi.+
Neʼe kalaga te Maʼoluga ke logo tona leʼo,+
Neʼe ina fakato he ʼuamaka mo ni mamala kakaha.
14 Neʼe ina fana ʼana kauʼi nahau pea neʼe mavete ai ʼoku fili.+
Neʼe ina fakamaveuveu natou ʼaki te tapa ʼo te hila.+
15 Neʼe ha te takele ʼo te ʼu vai tafe,*+
Pea neʼe ha te ʼu fakatafito ʼo te fenua,
ʼUhi ko te fakatonutonu ʼa Sehova,
Pea mo te manava malohi ʼae ʼe haʼu mai ʼona poga ihu.+
16 Neʼe ina faoʼi tona nima mai ʼoluga,
Pea neʼe ina puke au ʼo tohoʼi ake mai te ʼu vai loloto.+
18 Neʼe natou fakafeagai mai kia au ʼi toku temi mamahi,+
Kae neʼe tokoni mai ia Sehova.
20 ʼE fakapale au e Sehova ʼo mulimuli ki taku faitotonu.+
ʼE ina fakapale au he neʼe mole ina maʼu he hala ʼi* ʼoku nima.+
21 Koteʼuhi neʼe au fakalogo tuʼumaʼu pe kia Sehova,
Pea neʼe mole au agahala ʼo liʼaki toku ʼAtua.
22 ʼE au manatuʼi tuʼumaʼu ʼana faifakamau.
ʼE mole au meʼa noaʼi anai ʼana fakatotonu.
24 ʼOfa pe ke fakapale au e Sehova ʼo mulimuli ki taku faitotonu,+
He neʼe mole ina maʼu he hala ʼi ʼoku nima.+
25 ʼE ke agatonu ki ʼae ʼe agatonu.+
ʼE mole ke fai he meʼa ʼe kovi ki ʼae ʼe mole ina fai he meʼa ʼe kovi.+
26 ʼE ke aga fakahagatonu ki ʼae ʼe aga fakahagatonu,+
Kae ʼe mole feala ke kakaʼi koe e ia ʼae ʼe agakaka.+
27 Koteʼuhi ʼe ke haofaki ia natou ʼae ʼe malalo,*+
Kae ʼe ke fakamalaloʼi ia natou ʼae ʼe fiameʼalahi.+
28 Sehova e, ko koe ʼae ʼe ke fakamu toku malama,
Ko toku ʼAtua ʼae ʼe ina fakamalamaʼi au ʼi te fakapoʼuli.+
29 ʼAki tau tokoni, ʼe feala ai ke au tauʼi ni kau kaihaʼa,+
Pea ʼaki te malohi ʼo te ʼAtua ʼe feala ai ke au kake ʼi he foʼi kaupa.+
Ko te ʼAtua ʼe ko he meʼa tali tau kia natou fuli ʼae ʼe fenonoʼi ia te ia.+
31 Sehova e, ʼe mole he tahi age ʼAtua, ko koe tokotahi pe.+
Ko tomatou ʼAtua tokotahi pe tomatou maka malohi.+
33 ʼE ina fakaliliu ʼoku vaʼe ke hage ko te ʼu vaʼe ʼo he tia fafine.
ʼE ina fakatuʼu au ʼi ni faʼahi maʼoluga.+
34 ʼE ina akoʼi ʼoku nima ki te tau,
ʼE au poto ʼi te fakaʼaogaʼi ʼo te nahau kapa.
35 ʼE ke foaki mai tau meʼa tali tau moʼoku puipui,+
ʼE lagolago tou nima mataʼu kia au,
Pea ʼe fakakololiaʼi au ʼuhi ko tau agavaivai.+
36 ʼE ke fakalaulahi te ala ke au haʼele ai
Naʼa au heke.+
37 ʼE au tuli anai ʼoku fili pea ʼe au maʼu anai natou.
ʼE mole au toe liliu mai anai kae heʼeki au pulihi katoa natou.
38 Pea ʼe au molomoloki anai natou, ke mole feala hanatou toe tutuʼu ake.+
ʼE natou fetoki anai ʼi ʼoku vaʼe.
39 ʼE ke foaki mai anai te malohi ki te tau,
Pea ʼe ke fakato anai ʼoku fili ʼi ʼoku vaʼe.+
40 ʼE feholaki anai ʼoku fili ʼi ʼoku muʼa ʼuhi ko koe.
ʼE au matehi anai ia natou ʼae ʼe fehihiʼa kia au.+
41 ʼE natou kalaga ʼo kole tokoni, kae ʼe mole he tahi moʼonatou haofaki.
Pea ʼe natou pauʼi kia Sehova, kae ʼe mole ina tali age kia natou.
42 ʼE au laliki anai natou ke natou hage ko te efu ʼae ʼe viligia ʼi te matagi,
ʼE au liʼaki anai natou ohage ko te pela ʼo te ʼu ala.
43 ʼE ke haofaki anai au moka valoki au e te hahaʼi.+
ʼE ke fakanofo anai au ko te pule ʼo te ʼu puleʼaga.+
ʼE tauhi mai anai ni hahaʼi neʼe mole au iloʼi.+
44 ʼE natou fakalogo mai anai kia au ʼuhi ko te ʼu meʼa ʼae ʼe natou logoʼi.
ʼE ʼomai anai he kau matapule ʼo fakaoloolo au.+
45 ʼE mole toe lototoʼa* anai te kau matapule,
ʼE natou tekelili anai ʼi tanatou mavae mai ʼonatou kolo tau.
46 ʼE maʼuli ia Sehova! Ke vikiʼi toku ʼUtu!+
Ke fakakololiaʼi toku ʼAtua ʼae ʼe ina haofaki au.+
47 ʼE fakahoko e te ʼAtua moʼoni te lagavaka maʼaku.+
ʼE ina fakamaʼua te hahaʼi ke natou fakalogo mai kia au.
48 ʼE ina haofaki au mai ʼoku fili itaita.
ʼE ke hiki ake au ki ʼoluga mai ia natou ʼae ʼe natou ʼohofi au.+
ʼE ke haofaki au mai te tagata agamalohi.
49 Koia, Sehova e, ʼe au fakakololiaʼi anai koe ʼi te lotolotoiga ʼo te ʼu puleʼaga,+