Pesalemo

88 Sehova e, siʼoku haofakiʼaga,+

ʼI te ʼaho, ʼe au tagi atu kia te koe,

Pea ʼi te poʼuli, ʼe au tuʼu ʼi ʼou muʼa.+

 2 Ke kaku atu taku faikole kia te koe.+

Falele ʼo fagono mai ki taku kole tokoni atu.+

 3 ʼE lahi ʼosi te ʼu malaʼia ʼe au tau mo ia,+

Pea kua au vave alu pe ki te Faitoka.*+

 4 Kua ʼosi lau au ia natou ʼae ʼe hifo ki te luo.*+

Kua au hage ko he tagata ʼe mole hona tokoni*+

 5 ʼE liʼakina ʼi te kau mate,

Ohage ko natou ʼae neʼe matehi pea ʼe tuku ʼi ʼonatou fale maka,

Pea ʼe mole kei ke manatuʼi

ʼO mole kei ke tokaga ai kia natou.

 6 Neʼe ke tuku au ki te luo ʼae ʼe loloto ʼaupito,

ʼI he ʼu koga meʼa fakapoʼuli, ʼei, ʼi te vanu.

 7 ʼE kovi ʼosi tou hauhau kia au,+

Pea ʼe au mou ʼi ʼou peau malohi. (Sela)

 8 Neʼe ke fakamamaʼo ʼoku feilo ia au,+

Neʼe ke fakaliliu au ko he meʼa fakalialia kia natou.

Sehova e, ʼe au pauʼi atu ʼi te ʼaho katoa,+

ʼE au hiki atu ʼoku nima kia te koe.

11 ʼE kalagaʼi anai koa tou ʼofa agatonu ʼi te faitoka?

ʼE kalagaʼi anai koa tau agatonu ʼi te koga meʼa ʼo te fakaʼauha?*

12 ʼE iloʼi anai koa ʼau gaue fakaofoofo ʼi te fakapoʼuli,

Peʼe ko tau faitotonu ʼi te fenua ʼae ʼe galoʼi ai te hahaʼi?+

13 Kae Sehova e, ʼe au toe tagi pe ʼo kole tokoni atu.+

ʼI te uhu fuli, ʼe au fakahake atu taku faikole.+

15 Talu mai toku temi tupulaga,

ʼE au mamahi pea ʼe teitei pe ke au mate.+

Kua au lotovaivai ʼi te ʼu aluʼaga fakamataku ʼae ʼe ke tuku ke hoko mai.

16 Kua au taʼomia ʼi tou hauhau,+

Pea ʼe laliki au ʼi te ʼu aluʼaga fakamataku ʼae ʼe ke fakahoko kia au.

17 ʼE ʼa takai au e te ʼu aluʼaga ʼaia ohage ko ni vai, ʼi te ʼaho katoa.

ʼEi, ʼe ʼa takai au ʼi te ʼu faʼahi fuli.*

18 Neʼe ke fakamamaʼo ʼoku kaumeʼa mo ʼoku kaugā fagona ia au.+

Kua au kaumeʼa pe mo te fakapoʼuli.