Pesalemo
Ki te pule ʼo te kau faimaholo, ʼo mulimuli ki Setutune.* Pesalemo ʼa Asafe.+
77 ʼE au kalaga anai ki te ʼAtua.
ʼEi, ʼe au kalaga anai ki te ʼAtua, pea ʼe fagono mai anai ia.+
2 ʼE au kumi ia Sehova ʼi te ʼaho ʼo te mamahi.+
ʼE au hiki tuʼumaʼu ʼoku nima kia te ia ʼi te poʼuli.
ʼE mole feala hoku fakapelepeleʼi.
4 ʼE mole ke tuku ke moeʼi ʼoku mata.
ʼE au lotohoha pea ʼe mole feala haku palalau.
5 ʼE au manatuʼi te temi muʼa,+
Te ʼu taʼu kua hili.
6 ʼE au manatuʼi taku hiva ʼi te poʼuli.+
ʼE au metitasio* ʼi toku loto.+
ʼE au fai ni fekumi lelei ki te ʼu fehuʼi ʼaeni:
7 ʼE liʼaki anai koa tatou e Sehova ʼo talu ai?+
ʼE mole ina toe fakaha mai anai koa tona ʼofa?+
8 ʼE kua puli koa tona ʼofa agatonu ʼo talu ai?
ʼE to noa anai koa tana fakapapau ki te ʼu taʼiake fuli?
9 Neʼe kua galo koa ki te ʼAtua ke ina fakaha mai tona ʼofa?+
Peʼe kua puli koa tona manavaʼofa ʼuhi ko tona hauhau? (Sela)
10 ʼE tonu koa ke au ui tuʼumaʼu: “Ko te meʼa ʼae ʼe au mamahi ai,+
Ko te fetogi e te Maʼoluga tana aga ʼo ʼuhiga mo tatou”?
11 ʼE au manatuʼi anai te ʼu gaue ʼa Sehova.*
ʼEi, ʼe au manatuʼi anai ʼau gaue fakaofoofo ʼo te temi muʼa.
13 ʼAtua e, ʼe taputapu ʼou ala.
ʼAtua e, ko te ʼatua fea ʼae ʼe lahi ʼo tatau mo koe?+
14 Ko koe te ʼAtua moʼoni ʼae ʼe ke fai ni meʼa fakaofoofo.+
Neʼe ke fakaha tou mafimafi ki te hahaʼi.+
16 ʼAtua e, neʼe sisio te ʼu vai kia te koe.
Neʼe sisio te ʼu vai kia te koe pea neʼe loka ai.+
Pea neʼe tokakovi ai te ʼu vai loloto.
17 Neʼe mapeʼe ifo te ʼua lahi.
Neʼe kauʼaoa te lagi pea neʼe mana,
Pea neʼe ke fana ʼau kauʼi nahau ki he mo he.+
18 Neʼe ʼuʼulu te mana+ ohage ko te logoaʼa ʼo he ʼu tekaʼi saliote.
Neʼe malamagia te kele katoa ʼuhi ko te tapa ʼo te hila.+
Pea neʼe galulu te kele.+
19 Neʼe ke tofa he ala ʼi te tai,+
He haʼeleʼaga ʼi ni vai lalahi.
Kae neʼe mole maʼu e he tahi ʼou lakaʼaga.