Pesalemo
118 Kotou fakafetaʼi kia Sehova he ʼe agalelei.+
ʼE ina fakaha tona ʼofa agatonu ʼo talu ai.
2 Ke tala e Iselaele ʼi te temi nei:
“ ʼE ina fakaha tona ʼofa agatonu ʼo talu ai.”
3 Ke ui e natou ʼae ʼo te fale ʼo Alone ʼi te temi nei:
“ ʼE ina fakaha tona ʼofa agatonu ʼo talu ai.”
4 Ko natou ʼae ʼe manavasiʼi kia Sehova, ke natou ui ʼi te temi nei:
“ ʼE ina fakaha tona ʼofa agatonu ʼo talu ai.”
5 Neʼe au tagi kia Sehova* ʼi toku lotomamahi.
Neʼe tali mai ia Sehova* pea neʼe ina ʼave au ki he koga meʼa fimalie.*+
6 ʼE nofo ia Sehova mo au, ʼe mole au mataku anai.+
Kotea ʼae ʼe feala ke fai mai e te tagata?+
7 ʼE nofo ia Sehova mo au, ʼe ko toku haofakiʼaga.*+
ʼE au sio fakafiafia anai ki te to ʼo natou ʼae ʼe fehihiʼa ia au.+
8 ʼE lelei age te fenonoʼi ia Sehova
ʼI te falala ʼae ki te tagata.+
9 ʼE lelei age te fenonoʼi ia Sehova
ʼI te falala ʼae ki te kau ʼaliki.+
11 Neʼe natou ʼa takai au, ʼei, ʼi ʼoku tafaʼaki fuli,
Kae neʼe au kapu ia natou
ʼI te huafa ʼo Sehova.
12 Neʼe natou ʼa takai au ohage ko ni lago meli,
Kae neʼe natou mamate vave ohage ko te vela ʼo ni vao talatala,
Pea neʼe au kapu ia natou
ʼI te huafa ʼo Sehova.+
13 Neʼe* humuki malohi au ke au toka,
Kae neʼe haofaki au e Sehova.
15 ʼE logo ki ni kalaga fakafiafia mo he malo
Mai te ʼu fale la ʼo te kau faitotonu.
ʼE fakaha e Sehova tona mafimafi ʼaki tona nima mataʼu.+
16 ʼE hiki ake e Sehova tona nima mataʼu,
Pea ʼe fakaha e Sehova tona mafimafi ʼaki tona nima mataʼu.+
19 Kotou avahi mai te ʼu matapa ʼo te faitotonu,+
ʼE au ulu anai ki loto pea ʼe au vikiʼi anai ia Sehova.*
20 Koʼeni te matapa ʼo Sehova.
ʼE fakalaka ai anai te kau faitotonu.+
21 ʼE au vikiʼi anai koe, he neʼe ke tali mai+
Pea neʼe ke liliu ko toku haofakiʼaga.
24 Koʼeni te ʼaho ʼae neʼe fakatuʼutuʼu e Sehova.
ʼE matou fia fakafiafia ʼi te ʼaho ʼaia.
25 Sehova e, fakalelei siʼou loto, haofaki matou, ʼei, ʼe matou kole mamahi atu!
Sehova e, fakalelei siʼou loto, foaki mai te malo!
26 Ke tapuakiʼi ia ia ʼae ʼe haʼu ʼi te huafa ʼo Sehova.+
ʼE matou tapuakiʼi koutou mai te fale ʼo Sehova.
27 ʼE ʼAtua ia Sehova,
ʼE ina fakamalamaʼi tatou.+
Kotou fakatahitahi ki te fagona fakafiafia mo ni vaʼa ʼakau ʼi ʼokotou nima,+
ʼO kaku ki te ʼu tala ʼo te ʼaletale.+
28 Ko koe toku ʼAtua, ʼe au vikiʼi anai koe.
ʼE au fakakololiaʼi anai koe, toku ʼAtua.+