Pesalemo
106 Kotou vikiʼi ia Sehova!*
2 Ko ai ʼae ʼe ina lava kalagaʼi te ʼu gaue fakamanavahe fuli ʼa Sehova,
Peʼe fakaha ʼana gaue fuli ʼae ʼe tuha mo te fakavikiviki?+
3 Fiafia ia natou ʼae ʼe aga fakahagatonu,
Pea mo faitotonu tuʼumaʼu.+
4 Sehova e, manatuʼi au moka ke fakaha tou ʼofa ki tau hahaʼi.+
Ke ke tokaga ʼo haofaki au,
5 Ke au fiafia ʼi te lelei ʼae ʼe ke fai kia natou ʼae neʼe ke filifili,+
Ke au fiafia ai ia tafa ʼo tau hahaʼi,
Ke au fiameʼameʼa ʼo vikiʼi koe ia tafa ʼo tou tofiʼa.
7 Neʼe mole mahino ʼamatou kui ʼi Esipito ki te fakaʼuhiga ʼo ʼau gaue fakaofoofo.
Neʼe mole natou manatuʼi te lahi ʼo tou ʼofa agatonu,
Pea neʼe natou agatuʼu ʼo ovi ki te tai, ia te Tai Kula.+
9 Neʼe ina fakatonutonuʼi te Tai Kula pea moamoa ai.
Neʼe ina taki ai natou ʼi te loloto ohage ko he fakalaka ʼi he toafa.+
10 Neʼe ina haofaki natou mai te ʼu nima ʼo tonatou fili,+
Neʼe ina toʼo mai natou mai te ʼu nima ʼo te fili.+
11 Neʼe ʼaofi e te ʼu vai ʼonatou fili,
Pea natou mamate fuli ai.+
13 Kae neʼe natou galoʼi vave leva te ʼu meʼa ʼae neʼe ina fai.+
Neʼe mole natou talitali ki tana takitaki.
14 Neʼe natou mulimuli ai ki ʼonatou holi kovi ʼi te toafa.+
Neʼe natou ʼahiʼahiʼi te ʼAtua ʼi te ʼu koga meʼa lavaki.+
15 Neʼe ina foaki age te meʼa ʼae neʼe natou kole,
Kae neʼe ina fakato leva kia natou he mahaki kovi ʼo natou mamate ai.+
17 Neʼe ava ai te kele ʼo folo ia Tatane,
Pea neʼe toe tanu ai mo natou ʼae neʼe fakatahitahi mo Apilame.+
18 Neʼe to he afi kakaha kia natou,
Pea neʼe tutu ai te kau agakovi.+
19 Neʼe natou faʼu he ʼuhiʼi pipi ʼi Olepe,
Pea natou tulolo ai ia muʼa ʼo he fakatata ukamea.*+
20 Neʼe natou fetogi toku kololia
ʼAki te fakatata ʼo he vitulo, ko he manu ʼe kai luna.+
21 Neʼe natou galoʼi te ʼAtua,+ ʼae neʼe ina haofaki natou,
Mo ina fai he ʼu gaue lalahi ʼi Esipito,+
22 He ʼu gaue fakaofoofo ʼi te fenua ʼo Kami,+
He ʼu gaue fakamataku ʼi te Tai Kula.+
23 Neʼe ina fia pulihi ia natou,
Kae neʼe kole e Moisese, ʼae neʼe ina filifili,
Ke mole ina fakahoko tona hauhau.+
26 Neʼe ina fakapapau ai
ʼE natou mamate anai ʼi te toafa,+
27 ʼE ina fakamavetevete anai tonatou hologa ʼi te ʼu fenua fuli,
Pea ʼe natou mamate anai ʼi ni fenua matapule.+
28 Neʼe natou kau ki te tauhi ʼae kia Paale ʼo Peole,+
Pea natou kai te ʼu sakilifisio ʼae neʼe momoli ki te kau mate.*
30 Neʼe tuʼu ake leva ia Fineasi ʼo fai te meʼa ʼae ʼe faitotonu,
Pea neʼe gata ai te malaʼia.+
31 Neʼe faitotonu ai ia muʼa ʼo te ʼAtua,
Mai he taʼiake ki he tahi taʼiake, ʼo talu ai.+
32 Neʼe natou fakatupu tona hauhau ʼi te ʼu vai ʼo Melipa,*
Pea neʼe fua kovi ai tanatou aga kia Moisese.+
37 Neʼe natou sakilifisioʼi ai ʼonatou foha
Mo ʼonatou ʼofafine ki te kau temonio.+
38 Neʼe natou liligi ai te toto ʼo natou ʼae neʼe mole natou fai he meʼa ʼe kovi,+
Te toto ʼo ʼonatou foha mo ʼonatou ʼofafine
ʼAe neʼe natou sakilifisioʼi ki te ʼu ʼatua ʼo Kanaane.+
Pea neʼe ʼulihi ai te fenua ʼi te ligi toto ʼaia.
40 Neʼe to ai te hauhau ʼo Sehova ki tana hahaʼi,
Pea neʼe fehiʼa ai ki tona tofiʼa.
42 Neʼe gaohi koviʼi natou e ʼonatou fili,
Pea neʼe natou maʼuli fakalogo ki ʼonatou fili.
43 Neʼe liuliuga tana haofaki natou,+
Kae neʼe natou agatuʼu mo talagataʼa,+
Pea neʼe fakamalaloʼi natou ʼuhi ko tanatou hala.+
45 Neʼe ina manatuʼi neʼe ina fai he fuakava mo natou.
Neʼe manavaʼofa kia natou ʼuhi ko te lahi ʼo tona ʼofa agatonu.+
46 Neʼe ina uga ke ʼofainaʼi tana hahaʼi
E natou ʼae neʼe natou fakapopulaʼi.+
47 Sehova e, siʼomatou ʼAtua, haofaki matou,+
Mo fakatahiʼi matou mai te ʼu puleʼaga,+
Ke feala hamatou fakakololiaʼi tou huafa taputapu
Pea mo vikiʼi fakafiafia ia koe.+
Pea ke ui e te hahaʼi fuli: “Ameni!”*
Kotou vikiʼi ia Sehova!*