SOPO

“Neʼe au haʼu telefua mai te fatu ʼo taku faʼe,

Pea ʼe au toe liliu telefua anai ki ai.+

 3 “Ke pulinoa te ʼaho ʼae neʼe au tupu ai,+

ʼO feia mo te po ʼae neʼe ui ai: ‘Kua tupu he tagata!’

Pea ke mole tokagaʼi e te ʼAtua ʼae ʼi te lagi.

Ke ʼaua naʼa mu te malama ʼi te ʼaho ʼaia.

 6 Ke fakapoʼuli gaogao te po ʼaia.+

Ke ʼaua naʼa ʼi ai he ʼaho fiafia ʼo te taʼu,

Pea ke mole kau ʼi te lau ʼo te ʼu mahina.

 7 ʼEi, ke paʼa te po ʼaia.

Ke mole logo ki he kalaga fakafiafia.

 8 Ko natou ʼae ʼe natou laukoviʼi te ʼaho ke natou toe laukoviʼi mo te po ʼaia,

Ia natou ʼae ʼe natou lava fafagu ia Leviatane.*+

 9 Ke mole ha te ʼu fetuʼu moka mafoa te ʼaho.

Ke noa te atalitali ʼa te poʼuli ki te mafoa ʼo te ʼaho

Pea ke mole sio ki te tuʼu ʼo te ʼaho.

10 Koteʼuhi ʼi te po ʼaia neʼe mole mapunu te ʼu matapa ʼo te fatu ʼo taku faʼe+

Pea neʼe mole ʼū ai te malaʼia ki ʼoku mata.

12 He koʼe neʼe fakatalitali au e taku faʼe ʼi ʼona tuli?

Pea he koʼe neʼe ina fafaga au?

13 Ka na ʼaua la kua au takoto nei ʼi te fimalie.+

ʼEi, ʼe au moe anai pea mo malolo+

14 Mo te ʼu hau ʼo te kele pea mo ʼanatou tagata faitokoni,

ʼAe neʼe natou laga ni koga meʼa kua maumau ʼi te temi nei,

15 Pea mo te ʼu ʼaliki ʼae ʼe maʼu aulo,

Pea ʼe fonu ʼonatou ʼapi ko te siliva.

16 He koʼe koa neʼe mole fufu au ohage ko he tamasiʼi neʼe to,

ʼEi, ohage ko te ʼu fanau ʼae neʼe mole sisio ki te malama?

17 ʼI te potu ʼaia, maʼiape la mo te kau agakovi ʼe mole kei natou maveuveu.

ʼEi, ʼi te potu ʼaia, ʼe malolo ai te kau gaʼegagaʼe.+

18 Pea ʼe fimalie ai te kau pilisoni.

ʼE mole fakakinauʼi natou e he tahi ke natou gaue.

19 ʼI te potu ʼaia, ʼe tatau pe ia natou ʼae ʼe liliki mo natou ʼae ʼe lalahi,+

Pea ʼe fakaʼateainaʼi te kaugana mai tona pule.

20 He koʼe ʼe foaki e te ʼAtua te malama kia ia ʼae ʼe mamahi?

He koʼe ʼe ina foaki te maʼuli kia natou ʼae ʼe lotohoha?+

ʼE lahi age tanatou kumi te mate ʼi ni koloa neʼe fufu,

22 Ia natou ʼae ʼe fakafiafia lahi,

ʼEi, ia natou ʼae ʼe manuʼia, moka natou maʼu te faitoka.

23 He koʼe ʼe ina foaki te malama ki he tagata ʼe mole kei ina iloʼi tona ala,

ʼEi, ki he tagata ʼe ʼa takai e te ʼAtua?+

24 Ko taku meʼa kai ko ʼaku lauga,+

Pea ʼe hage ʼaku tagi+ ko te tafe ʼo te vai.

25 Koteʼuhi kua hoko mai te meʼa ʼae neʼe au tuʼania ki ai,

ʼEi, kua au tau mo te meʼa ʼae neʼe au mataku ki ai.

26 Neʼe mole au maʼu he tokalelei, peʼe ko he fimalie, peʼe ko he malolo,

Kae ʼe hoko pe te malaʼia kia au.”

 3 ʼE moʼoni, neʼe ke fakatonutonuʼi te tokolahi

Pea neʼe ke fakalotomalohiʼi ia natou ʼae neʼe vaivavai.

 4 Ko ʼau palalau neʼe ina toe fakatuʼu ake ia ia ʼae neʼe tukia,

Pea neʼe ke fakamalohiʼi te ʼu tuli ʼo natou ʼae neʼe vaivavai.

 5 ʼI te temi nei kua hoko kia koe totonu, kae ʼe ke lotomamahi,*

ʼEi, ʼe malave kia koe pea ʼe ke lotohoha.

 8 ʼE tatau pe te meʼa ʼae ka utu e natou ʼae ʼe natou fakatuʼutuʼu te meʼa ʼae ʼe kovi,

Pea mo natou ʼae ʼe natou nunusi te malaʼia. Neʼe kua au sio tonu ki te faʼahi ʼaia.

 9 ʼE natou mamate ʼuhi ko te tuku manava ʼa te ʼAtua,

Pea ʼe pulihi natou ʼuhi ko tona hauhau.

10 ʼE gugulu te laione pea ʼe tagi te ʼuhiʼi laione,

Kae maʼiape la mo te ʼu nifo ʼo te ʼu laione malolohi ʼe maumauʼi.

11 ʼE mate te laione he ʼe mole hana meʼa kai,

Pea ʼe mavetevete ai ʼona ʼuhi.

12 Neʼe fakaha fakafufu mai he logo,

Neʼe fanafana mai ki toku taliga.

13 ʼI te mate momoe ʼa te hahaʼi ʼi te poʼuli,

Neʼe ha mai te ʼu meʼa ʼae ʼe au tuʼania ki ai,

14 Neʼe kua kovi ʼosi toku mataku

ʼO tekelili ai toku sino katoa.

15 Neʼe fakalaka he laumalie ʼi toku fofoga.

Pea neʼe au tuʼu tala.

16 Neʼe tuʼu maʼu leva te laumalie,

Kae neʼe mole au iloʼi tona agaaga.

Neʼe tuʼu ʼi ʼoku muʼa.

Neʼe mole ʼi ai he logoaʼa, pea neʼe au logo leva ki he leʼo ʼe ina ui:

18 Koʼeni, ʼe mole falala ia ki ʼana kaugana

Pea ʼe ina maʼu ni hala ʼi tana kau ʼaselo.*

19 Pea ʼe kovi age la ia kia natou ʼae ʼe nonofo ʼi ni ʼapi kele

ʼE tuʼu ʼonatou fakatafito ʼi te efu,+

Ia natou ʼae ʼe faigafua tonatou molomoloki ohage ko he kiʼi manu!

20 ʼE laliki ia natou mai te uhu ki te afiafi.

ʼE natou mamate ʼo talu ai pea ʼe mole tokagaʼi natou e he tahi.

 2 ʼE mate anai te vale ʼuhi ko tona ita,

Pea ʼe mate anai ia ia ʼae ʼe hoko tui ʼuhi ko tona maheka.

 3 Neʼe au sio ki te mafola ʼo te ʼu aka ʼo te vale,

Kae neʼe malaʼia fakafokifa leva tona nofoʼaga.

 4 ʼE tuʼutamakiʼia ʼona foha,

Pea ʼe gaohi koviʼi natou ʼi te matapa ʼo te kolo+ kae ʼe mole haofaki natou e he tahi.

 5 ʼE kai e te tagata pakupaku te meʼa ʼae ʼe utu e te vale,

ʼE ina toe toʼo mo te meʼa ʼae ʼe homo ʼi te ʼu ʼakau talatala,

Pea ʼe faʼao te ʼu koloa ʼo te vale mo ʼona foha.

 6 ʼE mole homo mai te efu te ʼu meʼa ʼae ʼe kovi,

Pea ʼe mole tupu te malaʼia mai te kele.

 7 Neʼe tupu te tagata ke mamahi

Ohage ko te viligia ʼo te mafisifisi ʼo te afi ʼi te ʼaele.

 8 Ka na ko au la koe, ʼe au tagi ki te ʼAtua,

Pea ʼe au fakaha anai ia meʼa fuli ki te ʼAtua.

 9 ʼE ina fai ni meʼa lalahi pea mo ni meʼa ʼe mole feala he mahino ki ai,

Pea ʼe ina toe fai mo ni meʼa fakaofoofo ʼe mole malau.

10 ʼE ina fakato te ʼua ki te kele

Pea mo fakavai te ʼu gaueʼaga.

11 ʼE ina hiki ake ia natou ʼae ʼe liliki,

Pea ko natou ʼae ʼe lotovaivai, ʼe ina hiki natou ki he koga meʼa ʼe haofaki ai natou.

12 ʼE ina fakato noa te ʼu fakatuʼutuʼu ʼa te kau kaka,

ʼO mole fua lelei ai te gaue ʼo ʼonatou nima.

13 ʼE ina maʼutoka te kau popoto ʼi ʼanatou puleʼaki kaka,+

ʼO mole hoko ai ʼanatou fakatuʼutuʼu.

14 ʼE natou tuta ki te fakapoʼuli kae ʼe kei ʼaho

Pea ʼe natou haʼele taufa ʼi te hoʼata ohage ko te poʼuli.

15 ʼE ina haofaki te hahaʼi mai te heleta ʼae ʼe haʼu mai ʼonatou gutu,

Pea ʼe ina haofaki te kau masisiva mai te nima ʼo te kau toʼa.

16 Koia ʼe maʼu e natou ʼae ʼe liliki he ʼamanaki,

Kae ʼe mapunuʼi te gutu ʼo te kau heʼe faitotonu.

17 Ke ke tokaga lelei ki te meʼa ʼaeni: Manuʼia te tagata ʼae ʼe akonakiʼi e te ʼAtua,

Pea ʼaua naʼa ke liʼaki tou fakatonutonuʼi e te Mafimafi!

18 ʼE ina haʼi te lavea ʼo natou ʼae neʼe ina fakamamahiʼi,

ʼE ina fakalavea natou, kae ʼe ina toe fakamalolo pe.

19 ʼE ina haofaki anai koe mai ni malaʼia ʼe ono,

Pea ʼe mole hoko anai he meʼa kia koe ʼi te fitu malaʼia.

20 ʼI te temi hoge, ʼe ina toe totogi anai koe mai te mate,

Pea ʼi te tau, ʼe ina toe totogi anai koe mai te malohi ʼo te heleta.

21 ʼE ina haofaki anai koe mai te ʼalelo ʼae ʼe fakatupu mamahi ohage ko he huipi,+

Pea ka hoko mai te maumau ʼe mole ke tuʼania anai.

22 ʼE ke kataʼi anai te maumau mo te hoge,

Pea ʼe mole ke mataku anai ʼi te ʼu manu ʼo te vao.

23 ʼE mole fai atu anai he meʼa ʼe kovi* e te ʼu foʼi maka ʼo te ʼu gaueʼaga,

Pea ʼe ke maʼuli tokalelei anai mo te ʼu manu ʼo te vao.

24 ʼE ke iloʼi anai ʼe mole hoko he tuʼutamaki ki* tou fale la,

Pea ka ke vakavakaʼi tou koga meʼa lunaʼia, ʼe mole puli anai he meʼa.

25 ʼE kaugamalie anai ʼau fanau

Pea ʼe kaugamalie anai tou hakoga ohage ko te lahi ʼo te vao ʼakau.

26 ʼE ke alu anai ki te faitoka kae ʼe kei ke malohi,

Ohage ko ni fuhiga fulumeto ʼe utu ʼi tona temi totonu.

 2 “ ʼE au ʼamusia age la ke fuafua te mamafa ʼo toku lotomamahi+

Pea ke fakatahiʼi mo toku malaʼia ʼo hili ki he meʼa fua!

 4 Neʼe fana au e te Mafimafi ʼaki ni kauʼi nahau,

Pea ʼe inu e toku ʼatamai tonatou kafokona.+

ʼE tauʼi au e te ʼAtua ʼo kovi ai toku mataku.

 5 ʼE tagi anai koa he asino vao+ moka ina kai te luna?

ʼE tagi anai koa he vitulo moka ina kai tana meʼa kai?

 6 ʼE feala koa ke kai he meʼa kai kae neʼe mole masimaʼi?

ʼE kano lelei koa te hina ʼo te fuaʼi moa?

 8 ʼOfa pe ke tali taku kole,

Pea ke foaki mai e te ʼAtua te meʼa ʼae ʼe au loto ki ai!

 9 Ke lotolelei te ʼAtua ʼo fakamafasiaʼi au,

Ke ina faoʼi tona nima ʼo pulihi au!+

10 ʼE au toe fimalie aipe anai.

ʼE au hopo fakafiafia anai logope la te kovi ʼo toku mamahi,

He neʼe mole au fakafihiʼi te ʼu folafola ʼa te Maʼoniʼoni.+

13 ʼE au haofaki feafeaʼi ia au

Kae kua mamaʼo mo au ia tokoni fuli?

14 Ko ia ʼae ʼe mole fia ʼofa agatonu ki tona tatau,+

ʼE mole manavasiʼi anai ki te Mafimafi.+

15 Neʼe agakaka ʼoku tehina+ ohage ko he vai tafe ʼo te temi nive,

ʼEi, ohage ko ni vai tafe ka mamaha.

16 ʼE pela te ʼu vai tafe

He ʼe kua huhuʼa te ʼaisi mo te nive.

17 Kae ka hoko tona temi, ʼe mamaha ʼo moamoa ai,

Pea ka hoko te temi vevela, ʼe magemage ia.

18 ʼE ofeʼi kehe te vai,

Pea ʼe alu ki te toafa ʼo puli ai.

19 ʼE kumi e te hahaʼi fagona ʼo Tema+ te ʼu vai tafe ʼaia,

Pea ʼe talitali ki ai te hahaʼi fagona ʼo Sepa.*+

20 ʼE natou ufiufi ʼi tanatou falala ki he meʼa ʼe mole tuha mo te falala.

ʼE natou kaku ki ai, kae ʼe mole natou maʼu te meʼa ʼae ʼe natou kumi.

21 Maʼaku kua kotou feia.+

Neʼe kotou sisio ki te kovi ʼo toku malaʼia pea kotou matataku ai.+

23 Neʼe au kole koa ke haofaki au mai te fili

Peʼe ke haofaki* au mai te kau agakovi?

24 Kotou akoʼi au, pea ʼe au nofo fakalogologo anai.+

Kotou tokoni mai ke au mahino ki taku hala.

26 ʼE kotou fia valokiʼi koa ʼaku palalau?

Ko ni palalau pe ia ʼa he tagata lotomamahi+ ʼae ʼe ʼave e te matagi.

27 ʼE kotou lava fai ni toho ʼo ʼuhiga mo he tamasiʼi hala mo tamai,+

Pea ʼe kotou lava fakatau hokotou kaumeʼa totonu!+

28 Koia ʼi te lakaga leva ʼaeni, kotou sisio lelei mai,

He ʼe mole au lohiʼi anai koutou.

29 Fakalelei siʼokotou loto, kotou toe fakakaukauʼi te faʼahi ʼaeni. ʼAua naʼa kotou faihala ʼo ʼuhiga mo au.

ʼEi, kotou toe fakakaukauʼi te faʼahi ʼaeni, kei au faitotonu pe.

7 “ ʼE mole hage koa la te maʼuli ʼo te tagata ʼi te kele ko he kavega?

ʼE mole hage koa la ʼona ʼaho ko te ʼu ʼaho ʼo he tagata gaue ʼe totogi?+

 2 ʼE hage ko te tagata kaugana ʼae ʼe fakaʼamu ki te malumalu,

Pea ʼe toe hage ko te tagata gaue ʼae ʼe talitali ki tona totogi.+

 3 Koia lolotoga ni mahina neʼe mole he ʼuhiga ʼo toku maʼuli,

Pea lolotoga ni po neʼe au lotomamahi ai.+

 5 ʼE fonu toku sino ko te ʼugaga pea ʼe kelekele te ʼu pakuʼi fele,+

ʼE au kili papala pea ʼe ʼaukau te ʼu mataʼi papala.+

 6 ʼE fakalaka vave age ʼoku ʼaho ʼi te gaue ʼa te tagata lalaga,+

Pea ʼe puli ʼoku ʼaho kae ʼe mole he ʼamanaki.+

 7 Ke ke manatuʼi ʼe nounou toku maʼuli,+

Pea ʼe mole au toe maʼu anai te fiafia.*

 8 Ko ia ʼae ʼe sio kia au ʼi te temi nei ʼe mole toe sio anai kia au,

ʼE ke kumi anai au, kae kua au puli au.+

 9 Ko ia ʼae ʼe hifo ki te Faitoka* ʼe mole toe hake ake anai ia,+

ʼE hage ia ko he ʼao ʼe mavetevete ʼo puli.

10 ʼE mole toe liliu mai anai kio ia,

Pea ʼe mole toe iloʼi anai ia ia e tona loto fale.+

ʼE au palalau anai ʼi te hoha ʼo toku ʼatamai.

ʼE au meo anai ʼi te kona ʼo toku mamahi!+

12 Ko au koa ko te tai peʼe ko he manu lahi ʼo te tai

Ke ke fakatuʼu ai he tagata ke leʼo kia au?

13 Ka au ui: ‘ ʼE fakafimalieʼi anai au ʼi toku moeʼaga,

ʼE fakafimalieʼi anai toku mamahi ʼi toku palepale,’

14 Kae ʼe ke fakamatakuʼi au ʼaki ni moemisi,

ʼE ke fakaha mai ni meʼa ke au mataku ai.

15 Koia ʼe au leleiʼia age ke tege au,

ʼEi, ke au mate, ʼi taku maʼuli ʼi te sino ʼaeni.+

17 Ko ai te tagata ke ke tokaga ki ai,

Peʼe ke ke manatu ki ai?+

18 He koʼe ʼe ke sivisivi ia ia ʼi te uhu fuli?

He koʼe ʼe ke ʼahiʼahiʼi ia ia ʼi te lakaga fuli?+

19 He koʼe ʼe mole ke haga kehe

Mo ke tuku mai he temi ke au folo ai toku savai?+

21 He koʼe ʼe mole ke fakamolemole taku talagataʼa?

He koʼe ʼe mole ke mahino ki taku hala?

Kua au vave takoto pe ʼi te efu.+

ʼE ke kumi anai au, kae kua au puli au.”

 3 ʼE fulihi anai koa e te ʼAtua te faitotonu?

Peʼe agakaka anai koa te Mafimafi ʼi tana faifakamau?

 4 Kapau neʼe agahala ʼou foha kia te ia,

Neʼe ina fakagafua ke tauteaʼi natou ʼuhi ko tanatou agatuʼu.

 5 Kae kapau ʼe ke haga ki te ʼAtua+

Pea mo kole mamahi te ʼofa ʼo te Mafimafi,

 6 Pea kapau ʼe ke maʼa mo faitotonu moʼoni,+

ʼE tokaga anai kia koe

Mo ina toe fakanofo ia koe ki te tuʼulaga ʼae ʼe tuha mo koe.

 7 ʼE taulekaleka anai tou ka haʼu,+

Logo la tau fakaʼofaʼofa ʼi te kamata.

 8 Fakalelei siʼou loto, fakafehuʼi te taʼiake ʼae ki muʼa atu,

Pea tokaga fakalelei ki te ʼu meʼa ʼae neʼe maʼu e ʼanatou tamai.+

 9 Neʼe hoki tou tutupu ake pe ʼanafi pea ʼe mole tou iloʼi he meʼa,

Koteʼuhi ʼe nounou totatou temi maʼuli.

10 Kae ʼe natou akoʼi anai ia koe

Mo fakaha atu te ʼu meʼa ʼae ʼe natou iloʼi.

12 ʼE kei moto, pea ʼe heʼeki tuʼusi,

Kae ʼe ʼuluaki moamoa anai ʼi te ʼu ʼakau fuli.

13 Ko te ikuʼaga* ʼaia ʼo natou fuli ʼae ʼe natou galoʼi te ʼAtua,

He ʼe puli anai te ʼamanaki ʼa te tagata ʼae ʼe mole fakaʼapaʼapa ki te ʼAtua.*

14 ʼE mole he ʼuhiga ʼo tana falala

Pea ʼe motu gafua ohage ko te kavelevele.

15 ʼE falanaki anai ki tona ʼapi, kae ʼe mole malohi ia.

ʼE faiga anai ke tapiki ki ai, kae ʼe mole tologa ia.

16 ʼE hage ko he ʼakau ʼe homo ʼi te laʼa pea ʼe lahi tona toʼi,

Pea ʼe mafola ʼona huli ʼi te ʼoloto.+

17 ʼE mafola ʼona aka ʼi he tuʼuga maka.

Pea ʼe ina kumi hona ʼapi ʼi te ʼu foʼi maka.

18 Kae ka taʼaki mai tona nofoʼaga,

ʼE fakafisi anai tona nofoʼaga ki ai, ʼo ina ui: ‘ ʼE mole au iloʼi ia koe.’+

19 ʼEi, ʼe pulihi feia anai.+

Pea ʼe homo anai ʼihi atu ʼakau mai te efu.

20 ʼE mahino papau ia, ʼe mole liʼaki anai e te ʼAtua te tagata agatonu,

Pea ʼe mole tokoni anai ki* te kau agakovi.

21 ʼE ina toe fakakataʼi anai ia koe,

Pea ʼe ke kalaga fakafiafia anai.

22 ʼE ufiufi anai ia natou ʼae ʼe fehihiʼa ia koe,

Pea ʼe puli anai te fale la ʼo te kau agakovi.”

 3 Kapau ʼe fia fihi he tahi mo Ia,*+

ʼE mole pe ina lava tali ki he fehuʼi ʼe tahi ʼo ʼAna fehuʼi ʼe afe.

 5 ʼE ina hiki te ʼu moʼuga kae ʼe mole iloʼi e he tahi.

Pea ʼi tona hauhau ʼe ina holoʼi te ʼu moʼuga.

 6 ʼE ina luluʼi te kele ʼo to kehe mai tona tuʼuʼaga,

ʼO galulu ai ʼona pou.+

 7 ʼE ina fakatotonu ki te laʼa ke mole mu,

Pea ʼe ina ʼuʼufi te malama ʼo te ʼu fetuʼu.+

 8 Ko ia tokotahi pe ʼae ʼe ina folahi te lagi,+

Mo haʼele ʼi te ʼu peau maʼoluga ʼo te tai.+

 9 Neʼe ina fakatupu te ʼu pupuga fetuʼu ʼo Ase,* mo Kesile* pea mo Kima,*+

ʼO feia mo te ʼu pupuga fetuʼu ʼo te potu saute.

10 ʼE ina fai ni meʼa lalahi pea mo ni meʼa ʼe mole feala he mahino ki ai,+

Pea ʼe mole malau te ʼu meʼa fakaofoofo ʼae ʼe ina fai.+

11 ʼE fakalaka ʼi ʼoku tafa, kae ʼe mole au sio ki ai,

ʼE fakalaka ʼi ʼoku muʼa, kae ʼe mole au iloʼi.

13 ʼE mole taʼofi anai e te ʼAtua tona hauhau,+

Maʼiape la mo natou ʼae ʼe lagolago kia Laape,*+ ʼe natou tulolo anai ʼi ʼona muʼa.

14 Koia, ka au tali ki ai,

ʼE tonu ke au filifili lelei ʼaku kupu moka ma faipalalau!

ʼI taku manatu ʼe mole fakalogo anai ia ki toku leʼo,

17 He ʼe ina fakamamahiʼi au ʼaki he afā

Pea ʼe ina fakalahi ʼoku mamahi kae ʼe mole hona tupuʼaga.+

18 ʼE mole ina tuku ke fakatau muʼa taku manava.

ʼE ina fakato tuʼumaʼu pe ni ʼoku malaʼia.

20 Kapau ʼe au tonu, ʼe fakatuʼā anai au e toku gutu.

Tatau aipe pe ʼe au agatonu, kae ʼe ina tukugakoviʼi pe anai au.

21 ʼEi, tatau aipe pe ʼe au agatonu, kae ʼe mole au iloʼi anai pe kotea ʼae ka hoko kia au.

ʼE mole au loto* ki te maʼuli ʼaeni.

22 ʼE mole hona kehekehe. Koia ʼe au ui ai:

‘ ʼE ina matehi ia ia ʼae ʼe mole ina fai he meʼa ʼe kovi ohage pe ko ia ʼae ʼe agakovi.’

23 Ka hake fakapunamaʼuli te vai ʼo tupu ai te mate,

ʼE ina manukiʼi te lotomamahi ʼo natou ʼae ʼe mole natou fai he meʼa ʼe kovi.

24 Neʼe ina tuku te kele ki te kau agakovi.+

ʼE ina ʼuʼufi te ʼu mata ʼo te kau tuʼi fakamau.

25 ʼI te temi nei, ʼe fakalaka vave ʼoku ʼaho ohage ko te lele vave ʼa he tagata ʼave logo.+

ʼE feholaki te ʼu ʼaho kae ʼe mole hoko he meʼa ʼe lelei.

26 ʼE gaholo ohage ko ni vaka kaho,

Ohage pe ko te ʼohofi e te ʼu akuila tanatou meʼa kai.

27 Tatau aipe pe ʼe au ui: ‘ ʼE au galoʼi anai taku meo,

ʼE au fetogi anai toku fofoga pea ʼe au fiafia anai,’

28 Kae ʼe au mataku pe ʼuhi ko ʼoku mamahi,+

Pea ʼe au iloʼi ʼe ke ui anai ʼe au lakahala.

30 Kapau ʼe au maʼanu ʼi te nive ʼae kua huhuʼa

Pea mo fakamaʼa ʼoku nima ʼaki te sota,+

31 ʼE ke fakauku anai au ki te pela,

ʼO fakalialia ai ʼoku teu kia au.

32 Kae ʼe mole ko he tagata ʼe hage ko au ke au faitali ki ai,

Ke ma olo fakatahi ai ki te fakamauʼaga.+

33 ʼE mole he tahi ʼe ina fai he tonu kia* maua,

ʼEi, ʼe mole he tahi ʼe tuʼi fakamau kia maua.

34 Kapau la ʼe tuku tana ta au

Pea mo tana fakamatakuʼi au,+

35 ʼE au palalau faʼifaʼitaliha anai ki ai,

He ʼe mole he tupuʼaga ʼo haku mataku ʼi te palalau ki ai.

 3 ʼE ʼi ai koa he fua ʼo tau fakamamahiʼi au,

Mo tau meʼa noaʼi te gaue ʼo ʼou nima+

Kae ʼe ke lagolago ki te ʼu fakatuʼutuʼu ʼa te kau agakovi?

 4 ʼE ke maʼu koa ni mata ʼe hage ko ni mata ʼo he tagata?

Peʼe ke sio koa ohage ko te sio ʼa te tagata?

 5 ʼE hage koa ʼou ʼaho ko te ʼu ʼaho ʼo te tagata,

Peʼe hage koa ʼou taʼu ko te ʼu taʼu ʼo te tagata,+

 6 Ke ke kumi ai haku hala,

Pea mo kumi tuʼumaʼu pe haku agahala?+

 7 ʼE ke iloʼi ʼe mole haku hala,+

Pea ʼe mole lava haofaki au e he tahi mai tou nima.+

 8 Neʼe ke faʼu tonu au,+

Kae ʼi te temi nei kua ke vave pulihi au.

 9 Fakalelei siʼou loto, ke ke manatuʼi neʼe ke faʼu au ʼaki te kele,+

Kae ʼi te temi leva ʼaeni ʼe ke toe fakaliliu au ki te efu.+

10 Neʼe mole ke huaʼi koa la au ohage ko te huʼa pipi

Mo fakatotoka au ohage ko te folomasi?

11 Neʼe ke ʼaofi au ʼaki te kili mo te kakano,

Pea neʼe ke toe faʼu au ʼaki ni hui mo ni ivi.+

12 Neʼe ke foaki mai te maʼuli mo tou ʼofa agatonu,

Neʼe ke tokaga lelei ki toku maʼuli.*+

14 Kapau ʼe au agahala, ʼe ke sio pe anai ki ai,+

Pea ʼe mole ke fakamolemole anai taku hala.

Tatau aipe pe neʼe mole au fai he meʼa ʼe kovi, kae ʼe au lotovaivai,+

He ʼe kua kovi ʼosi toku ufiufi mo toku lotomamahi.+

16 Kapau ʼe au lotomalohi, ʼe ke tuli au ohage ko he laione,+

ʼE ke toe fakaʼaogaʼi tou malohi moʼoku fakamamahiʼi.

17 ʼE ke toe fekauʼi mai he tahi ʼu fakamoʼoni ke natou tukugakoviʼi au,

Pea ʼe kovi ʼosi tou ita kia au

Kae ʼe hoko atu pe toku mamahi.

19 ʼE au hage pe anai ko he kiʼi toe neʼe heʼeki tupu,

ʼO ʼave au mai te fatu ʼo taku faʼe ki te fale maka.’

20 ʼE mole veliveli koa la ʼoku ʼaho?+ Ke haganoa te ʼAtua,

Ke sio kehe ke maʼu ai hoku kiʼi fimalie,+

21 He ʼe au alu anai ki te fenua fakapoʼuli gaogao,+

Pea ʼe mole au toe liliu mai anai,+

22 ʼEi, he ʼe au alu anai ki te fenua fakapoʼuli gaogao,

Te fenua ʼo te mate mo te maveuveu,

ʼAe ʼe tatau pe te malama mo te fakapoʼuli.”

 2 “ ʼE mole maʼu anai koa he tali ki ʼau palalau fuli,

Peʼe ke tonu koa he ʼe lahi ʼau palalau?

 4 ʼE ke ui: ‘ ʼE tonu te meʼa ʼae ʼe au akoʼi,+

ʼE iloʼi e te ʼAtua ʼe mole haku hala.’+

 5 Ka na pau la neʼe fia palalau te ʼAtua,

ʼO tali atu kia koe,+

 6 ʼE ina fakaha atu anai te ʼu meʼa fakalilo ʼae ʼe ina iloʼi koteʼuhi ʼe poto,

He ʼe lahi te ʼu faʼahi kehekehe ʼo te poto.

 7 ʼE feala koa ke ke iloʼi te poto lahi ʼo te ʼAtua,

Pea mo iloʼi ia meʼa fuli ʼo ʼuhiga mo te Mafimafi?

 9 ʼE loa age ia ʼi te kele

Mo laulahi age ia ʼi te tai.

10 Kapau ʼe fakalaka te ʼAtua, ʼo ina pilisoniʼi he tahi, mo ina ʼave ki he fakamauʼaga,

Ko ai ʼae ʼe lava fakafeagai kia te ia?

12 Kae ʼe hoki mahino anai he tagata vale ki he meʼa

ʼI te ʼaho ʼae ka tupu ai he tagata mai he asino vao.

13 ʼOfa pe ke ke teuteuʼi tou loto

Pea ke ke faikole ki te ʼAtua!

14 Kapau ʼe fai e tou nima te kovi, fakamamaʼo te kovi ʼaia,

ʼAua naʼa ke tuku te heʼe faitotonu ʼi ʼou fale la.

15 ʼE mole ke ufiufi anai ʼi te lagaʼi ake ʼo tou ʼulu,

ʼE ke tuʼu malohi anai ʼo mole ke mataku.

16 ʼE ke galoʼi anai ʼou malaʼia,

ʼE mole ke toe manatuʼi anai ohage pe ko ni vai kua tafe.

17 ʼE hage anai tou maʼuli ko te mu malohi ʼo te laʼa ʼi te fetapa

Pea ʼe hage anai te fakapoʼuli ko te uhu.

18 ʼE ke lotofalala anai he ʼe ʼi ai te ʼamanaki,

ʼE ke sio anai ki ʼou tafaʼaki pea ʼe ke takoto fimalie anai.

19 ʼE ke takoto anai kae ʼe mole fakamatakuʼi koe e he tahi,

ʼE kumi anai e te tokolahi ia tou ʼofa.

20 Kae ʼe nenefu anai te sio ʼa te kau agakovi,

ʼE mole natou maʼu anai he koga meʼa ke natou feholaki ki ai,

Pea ko tanatou ʼamanaki pe ʼe tahi ʼe ko te mate.”+

 2 “ ʼE mahino ia, ko koutou ʼae ʼe popoto,

Pea ʼe puli anai te poto mo koutou!

 4 ʼE kataʼi au e ʼoku kaumeʼa,+

He ʼe au tagi ki te ʼAtua mo fakaʼamu ke ina tali mai.+

 5 Ko ia ʼae ʼe mole hona fihifihia ʼe ina meʼa noaʼi te malaʼia,

He ʼe manatu ia ʼe hoko pe kia natou ʼae kua fihifihia.

 6 ʼE maʼuli tokalelei te hahaʼi kaihaʼa ʼi ʼonatou fale la,+

ʼE maʼuli fimalie ia natou ʼae ʼe fakatupu ita ki te ʼAtua,+

Ia natou ʼae ʼe natou puke ʼonatou ʼatua.

 7 Kae fakalelei siʼou loto, fakafehuʼi te ʼu manu pea ʼe natou akoʼi anai koe,

Mo te ʼu manulele pea ʼe natou tali atu anai.

 8 Ke ke toe tokagaʼi mo* te kele pea ʼe ina akoʼi anai koe,

Mo te ʼu ika ʼo te tai pea ʼe natou tali atu anai.

 9 Ko ai ia natou fuli ʼaia ʼe mole ina iloʼi

ʼE ko te nima ʼo Sehova ʼae neʼe ina fai?

10 ʼE maʼu te maʼuli ʼi tona nima,

ʼO feia mo te manava ʼo te hahaʼi fuli.+

11 ʼE mole sivi koa la e te taliga te ʼu palalau,

Ohage ko te ʼahiʼahiʼi e te gutu te meʼa kai?+

12 ʼE mole maʼu koa la te poto ʼi te kau matuʼa,+

Mo te ʼatamai ia natou ʼae ʼe maʼuʼuli fualoa?

13 ʼE poto mo mafimafi ia te ʼAtua,+

ʼE ʼatamai pea ʼe ʼi ai tana fakatuʼutuʼu.+

14 ʼE mole feala ke toe laga e te tagata te meʼa ʼae neʼe ina maumauʼi,+

Mo toe avahi te meʼa ʼae neʼe ina mapunuʼi.

15 Ka ina taʼofi te vai, ʼe moamoa ia meʼa fuli,+

Ka ina fakato te ʼua, ʼe lofia ai te kele.+

16 ʼE malohi mo aga fakapotopoto,+

ʼE pule kia ia ʼae kua hehe mo ia ʼae ʼe fakatupu hehe.

17 ʼE ina fakahaʼele kiliʼi vaʼe te kau faitokoni,*

Mo fakaliliu ʼo vale te kau tuʼi fakamau.+

18 ʼE ina fakahifo te ʼu hau+

Mo ina fakakauganaʼi natou.

19 ʼE ina fakahaʼele kiliʼi vaʼe te kau pelepitelo+

Mo ina fakahifo ia te ʼu pule malolohi.+

20 ʼE mole ina fakagafua ke palalau te kau faitokoni ʼae ʼe tuha mo te falala

Pea ʼe ina toʼo te fakapotopoto ʼa te kau matuʼa.

21 ʼE ina fakalainoaʼi te kau ʼaliki,+

Pea ʼe ina fakavaivaiʼi* te kau malolohi.

22 ʼE ina fakaha te ʼu meʼa ʼae ʼe ʼū ʼi te fakapoʼuli,+

Pea ʼe ina ʼaumai te fakapoʼuli gaogao ki te malama.

23 ʼE ina fakamalohiʼi te ʼu puleʼaga ke ina fakaʼauha,

Mo ina fakalahi te ʼu fenua ʼo te ʼu puleʼaga ke ina ʼave popula ia natou.

24 ʼE ina toʼo te ʼatamai ʼo te ʼu pule ʼo te hahaʼi

Pea ʼe ina tuku ke natou hehe ʼi te toafa ʼae ʼe mole maʼu ai ni ala.+

25 Ko natou ʼaia ʼe natou haʼele taufa ʼi te fakapoʼuli,+ ʼi ni koga meʼa ʼe mole maʼu ai te malama,

ʼE ina tuku ke natou feoloʼaki ohage ko ni tagata konana.+

13 “Neʼe au sio tonu ki te ʼu meʼa fuli ʼaia,

Neʼe au logo tonu ki ai pea mo mahino ki ai.

 2 Ko te meʼa ʼae ʼe kotou iloʼi, ʼe au toe iloʼi pe la mo au,

ʼE mole au malalo age au ia koutou.

 3 ʼE au fia palalau tonu pe au ki te Mafimafi,

ʼE au fia fakaha ʼaku manatu ki te ʼAtua.+

 4 Kae ʼe kotou ʼulihi au ʼaki ni loi,

Ko koutou ko ni toketa ʼe mole hokotou ʼaoga.+

 5 Ka na pau la ʼe kotou fakalogologo

ʼE kotou fakaha ai ʼe kotou agapoto.+

 6 Fakalelei siʼokotou loto, kotou fakalogo ki ʼaku manatu,

Mo tokagaʼi ʼaku tali.

 7 ʼE kotou fai anai koa ni tukugakovi hala ʼi te huafa ʼo te ʼAtua,

Mo palalau kaka maʼa ia?

 8 ʼE kotou kau anai koa mo ia?

ʼE kotou lagolago anai koa ki te ʼAtua moʼoni?

10 Kapau ʼe kotou fai fakafufu he aga fakapalatahi,

ʼE ina fakatonutonuʼi moʼoni anai ia koutou.+

11 ʼE mole kotou matataku anai koa ki tona kololia,

Pea ʼe mole ina fakamatakuʼi anai koa ia koutou?

12 ʼE hage ʼakotou palalau poto* ko te lefulefu,

Pea ʼe hage ʼakotou manatu ko ni kaupa kele ʼe maumau gafua.

14 He koʼe ʼe au tali ke tuʼutamakiʼia toku maʼuli

Mo tuku ke hoko mai he malaʼia?

15 Tatau aipe pe ʼe ina matehi au, ʼe au toe talitali pe anai,+

ʼE au fakaha anai ʼaku manatu kia te ia.

16 ʼE liliu anai ko toku haofakiʼaga,+

He ʼe mole feala ke alu ki te ʼAtua ia te tagata ʼae ʼe mole fakaʼapaʼapa kia te ia.*+

17 Kotou fakalogo lelei ki ʼaku palalau,

Kotou tokagaʼi te meʼa ʼae ʼe au fakaha atu.

18 Kua au tokalelei ki toku fakamau,

ʼE au iloʼi lelei pe ʼe au tonu.

20 ʼAtua e, ko meʼa pe ʼe lua ʼe au kole atu,*

Pea ʼe mole au nono anai ʼi ʼou muʼa:

21 Fakamamaʼo ia au tou nima ʼae ʼe fakatupu mamahi,

Tuku tau fakamatakuʼi au.+

22 Palalau mai pea ʼe au tali atu anai,

Peʼe fakagafua mai muʼa ke au palalau, pea hoki ke tali mai leva.

24 He koʼe ʼe ke haga kehe koe+

Mo fakaʼuhiga au ko hou fili?+

25 ʼE ke faiga anai koa ke ke fakamatakuʼi he lau ʼakau ʼe viligia ʼi te matagi?

Peʼe ke tuli anai koa he luna moamoa?

26 ʼE ke tohi tuʼumaʼu ni tukugakovi mamafa ʼo ʼuhiga mo au,

Pea ʼe ke fakatuʼā ia au ʼuhi ko te ʼu agahala ʼae neʼe au fai ʼi toku temi tupulaga.

27 Neʼe ke fakamaʼu ʼoku vaʼe ʼaki ni papa,

ʼE ke sivisivi ʼoku ala fuli,

ʼE ke iloʼi ʼoku lakaʼaga fuli.

28 ʼE hage te tagata* ko he meʼa kua pala,

Ohage ko he teu kua kai e te ʼu kiʼi manu.

14 “Ko te tagata ʼae ʼe tupu mai te fafine,

ʼE nounou pe tona maʼuli,+ pea ʼe taʼomia ʼi ʼona mamahi.+

 2 ʼE fisi ohage ko te matalaʼi ʼakau pea fefe,*+

ʼE hola ia ohage ko te malumalu pea puli.+

 3 Kae ʼe ke lamalama

Pea ʼe ke ʼave ia ia* ki te fakamauʼaga.+

 5 Kapau kua fakatuʼakoi ʼona ʼaho,

ʼE maʼu te lahi ʼo ʼona mahina ʼi ʼou nima,

ʼE mole feala ke fakalaka ʼi te tuʼakoi ʼae neʼe ke fakatuʼu.+

 6 Haga kehe ke maʼu hona kiʼi fimalie,

ʼO kaku ki te fakaʼosi ʼo tona ʼaho gaue, ohage pe ko he tagata gaue ʼe totogi.+

Kapau ʼe tuʼusi, ʼe toe homo ake pe anai,

Pea ʼe toe homo ake anai mo ʼona huli.

 8 Tatau aipe pe kua matuʼa tona aka ʼi te kele,

Peʼe kua mate tona tafitoʼi ʼakau,

 9 Kae ʼe toe maʼuli anai ʼaki pe he kiʼi moʼi vai,

Pea ʼe homo anai ni vaʼa ohage ko he fuʼu ʼakau foʼou.

10 Kae ka mate te tagata ʼe takoto ia, ʼe mole kei ʼi ai hona malohi.

ʼE ʼifea moka mate?+

11 ʼE puli te vai ʼo te tai,

ʼE mamaha te vai tafe pea moamoa ai.

ʼE mole toe ʼala ake anai ʼo kaku ki te hoki puli ʼo te lagi,

ʼE mole toe ʼala ake anai mai tana moe.+

13 Feia age la ʼe ke fufu au ki te Faitoka,*+

Ke ke fakanono au ʼo kaku ki te puli ʼo tou hauhau,

Mo ke fakatuʼakoi he temi ke ke manatuʼi ai ia au!+

ʼI te ʼaho fuli ʼo toku temi popula, ʼe au talitali anai

Ke fakaʼateainaʼi au.+

16 Kae ʼi te temi nei ʼe ke lau ʼoku lakaʼaga fuli.

ʼE ke lamalama pe haku agahala.

17 Ko taku talagataʼa kua fakamaʼu ʼi he kato,

ʼEi, ʼe ke fakamaʼu taku hala ʼaki he meʼa pulusi.

18 ʼE holo he moʼuga,

ʼE hiki te tuʼuʼaga ʼo he fuʼu maka,

19 ʼE kaina te ʼu foʼi maka e te vai

Mo tatafi te kele,

Neʼe feia la tau pulihi te ʼamanaki ʼa te tagata.

20 ʼE ke gaohi koviʼi tuʼumaʼu pe ʼo kaku ki tana mate,+

ʼE ke fetogi tona agaaga, pea ʼe ke fekauʼi ke alu.

21 ʼE fakaʼapaʼapaʼi ʼona foha, kae ʼe mole ina iloʼi,

ʼE fakamalaloʼi natou, kae ʼe mole ina tokagaʼi.+

22 ʼE ina logoʼi pe te mamahi he ʼe kei kakano,

ʼE putu pe ia he ʼe kei maʼuli.”

 2 “ ʼE gali koa mo he tagata poto he tali vaʼiganoa?

ʼE ina fakafonu koa tona fatu ʼaki te matagi ʼo te potu esite?

 3 ʼE mole he ʼaoga ʼo te fakatonutonuʼi ʼo he tahi ʼaki pe ni palalau,

Pea ʼe mole he ʼuhiga ʼo te tautalaga.

 4 Kua puli te manavasiʼi ki te ʼAtua ʼuhi ko koe,

Pea ʼe ke meʼa noaʼi te metitasio* ki te ʼAtua.

 5 ʼE ke palalau feia ʼuhi ko tau hala,

Pea ʼe ke fili ni palalau kaka.

 6 ʼE mole ko au ʼae ʼe ina fakatuʼā ia koe, kae ʼe ko tou pe ia gutu,

ʼE ko tou gutu pe ʼae ʼe fakamoʼoni ki tau hala.+

 7 ʼE ko koe koa te ʼuluaki tagata ʼae neʼe tupu?

Neʼe ke muʼa koa koe ʼi te ʼu kiʼi moʼuga?

 8 ʼE ke fagono koa ki te ʼu fakatuʼutuʼu fakalilo ʼa te ʼAtua?

ʼE ko koe tokotahi pe koa ʼae ʼe poto?

10 ʼE nonofo mo matou te kau ʼulu hina mo te kau matuʼa,+

Ni tagata kua matuʼatuʼa age ia ʼi tau tamai.

11 ʼE mole ke feʼaugaʼia koa koe te ʼu fakapelepele ʼa te ʼAtua?

Ko he ʼu palalau neʼe fai atu ʼaki te agamalū.

12 He koʼe koa ʼe ke tuku ke puleʼi koe e ʼau manatu?

Pea he koʼe koa ʼe ke matamamalu?

13 ʼE ke fakafeagai ki te ʼAtua totonu,

Pea ʼe haʼu mai tou gutu te ʼu taʼi palalau ʼaia.

14 ʼE feala koa ke maʼa te tagata ia muʼa ʼo te ʼAtua?

ʼE feala koa ke faitotonu he tahi neʼe tupu mai he fafine?+

15 Sio! ʼE mole falala pe la ia te ʼAtua ki tana kau ʼaselo,

Maʼiape la mo te lagi ʼe mole maʼa ki ʼona mata.+

16 Kae ʼe feafeaʼi age la ki he tahi ʼe aga fakalialia mo kaka,+

ʼAe ʼe fia fai ki te heʼe faitotonu ohage pe ko hana fia inu he moʼi vai?

ʼE au fakamatala atu anai te ʼu meʼa ʼae neʼe au sio ki ai,

18 Te ʼu meʼa ʼae neʼe mole fufu e te kau popoto,

Te ʼu meʼa ʼae neʼe natou maʼu mai ʼanatou tamai, pea neʼe natou fakamatala.+

19 Neʼe foaki ʼateaina pe te fenua kia natou,

Neʼe mole fakalaka he matapule ia natou.

20 ʼE kovi te mamahi ʼo te tagata agakovi ʼi te ʼaho fuli,

ʼE mamahi pe ia ʼi tona maʼuli katoa.

21 ʼE logo ia ki ni logoaʼa fakamataku,+

ʼI te temi tokalelei, ʼe ʼohofi ia e te kau kaihaʼa.

22 ʼE mole manatu ia ʼe hao anai mai te fakapoʼuli,+

He ʼe kua tuku keheʼi ia ke matehi ʼaki te heleta.

24 ʼE ina tuʼaniaʼi te lotomamahi mo te lotohoha,

ʼO mataku ai ohage ko te fakamataku ʼo he hau malohi ʼe laga tau.

25 ʼE ina hiki tona nima ʼo fakafeagai ki te ʼAtua totonu,

ʼE faiga ia ke fakatutuʼu ki* te Mafimafi.

26 ʼI tana uigataʼa, ʼe ʼoho ia kia te ia

Mo tana meʼa tali tau malohi mo matolu.

27 ʼE putaputa tona fofoga,

Mo foʼi sino ʼosi.

28 Koia ʼe nofo ʼi ni kolo ʼe maumauʼi anai,

ʼI ni ʼapi ʼe mole nofoʼi anai e he tahi,

Pea ʼe liliu anai ko ni tuʼuga maka.

29 ʼE mole koloaʼia anai, ʼe mole tuputupu ai tana paʼaga,

Pea ʼe mole lahi anai ʼona koloa ʼi te kele.

30 ʼE mole hao anai mai te fakapoʼuli.

ʼE moamoa anai tona huli* ʼuhi ko he uloʼi afi,

Pea ʼe mate anai ʼuhi ko te tuku manava ʼa te ʼAtua.+

31 ʼE mole tonu ia ke hehe mo falala ki ni meʼa ʼe vaʼiganoa,

He ʼe ko te meʼa ʼae ka ina maʼu moʼona fetogi ʼe vaʼiganoa anai.

32 Pea kua vave hoko pe ki ai te ʼu meʼa ʼaia,

ʼE mole fisi anai ʼona vaʼa ʼi he temi.+

33 ʼE hage anai ko he fuʼu vite ʼe maluku ʼona fua ʼae ʼe kei mumui,

Pea mo he fuʼu oliveto ʼe maʼofa ʼona matalaʼi ʼakau.

34 ʼE mole kei he fua ʼo te ʼu gaue ʼa te hahaʼi ʼae ʼe mole fakaʼapaʼapa ki te ʼAtua,*+

Pea ʼe vela anai te ʼu fale la ʼae neʼe fonu ai te ʼu meʼa ʼofa neʼe foaki fakakaka.

35 ʼE natou fakatuʼutuʼu te malaʼia mo fai tuʼumaʼu te meʼa ʼae ʼe kovi,

Pea ʼe haʼu te kaka mai ʼonatou loto.”

Ka na ko koutou la ia au,

ʼE feala pe ke au fai ni palalau mālie ʼo fakafeagai atu

Pea mo kalokalo kia koutou.+

 5 Kae ʼe au fai anai ni palalau fakalotomalohi,

Pea ʼe kotou maʼu anai te fimalie ʼi ʼoku laugutu.+

 6 Kapau ʼe au palalau, ʼe mole fimalie toku mamahi.+

Kapau ʼe tuku taku palalau, ʼe siʼisiʼi ai koa toku mamahi?

 7 Kae ʼi te temi nei ʼe au gaʼegaʼe ʼuhi ko te ʼAtua.+

Neʼe ina ʼave katoa toku loto fale.*

 8 Neʼe ina toe puke mo au, ʼo sio mata ki ai te hahaʼi,

ʼE ha lelei ʼi toku sino kovi ia tana fakafeagai kia au.

10 Neʼe avahi lahi e ni tagata ʼonatou gutu ʼo fakafeagai kia au,+

Neʼe natou fepatakiʼi mo manukiʼi au.

ʼE kaugamalie ia natou ʼae ʼe fakatahitahi ʼo fakafeagai kia au.+

11 ʼE tuku au e te ʼAtua kia nima ʼo te ʼu kiʼi tama,

Pea ʼe ina siʼaki au kia nima ʼo te kau agakovi.+

12 Neʼe au fimalie, kae neʼe ina gaohi koviʼi au.+

Neʼe ina puke au ʼi toku tuʼa kia pea ina laliki au.

Neʼe ina fana au ʼaki ʼana kauʼi nahau.

13 ʼE takatakai au e ʼana tagata fainahau.+

ʼE mole hake pe la ia ia he ʼofa ʼi tana hukiʼi ʼoku ifiifi,+

ʼO hali ai toku ʼahu ki te kele.

14 ʼE ʼoho mai kia au ohage ko he tagata tau,

ʼE au hage ko he kaupa ʼe ina pūhi.

15 Neʼe au tui he taga* moʼo ʼuʼufi toku kili,+

Pea neʼe au tanu toku matagafua* ʼi te efu.+

16 Kua kula momoho toku fofoga ʼi te tagi,+

Kua fakapoʼuli ʼoku laumata.

17 Kae neʼe mole au fakahoko he agamalohi,

Pea ʼe au faikole fakamalotoloto.

19 ʼE ʼi ai te tahi ʼi te lagi ʼe feala ke ina fakamoʼoni ʼe mole au lakahala.

Ko ia ʼae ʼe nofo ʼi te ʼu potu maʼoluga ʼe feala ke ina haofaki au.

20 ʼE nukinukiʼi au e ʼoku kaumeʼa+

Kae ʼe au tagi loʼimata ki te ʼAtua.*+

21 Ke ʼi ai he tahi ʼe ina fakatokatoka te fihi ʼa he tagata mo te ʼAtua,

Ohage pe ko tona fai ki he foʼi toko lua.+

22 ʼE mole kei lahi ʼoku taʼu,

Pea ʼe au alu anai ʼi te ala ʼae ʼe mole au toe liliu mai ai.+

17 “ ʼE mole kei ʼi ai hoku malohi, pea ʼe mole kei lahi ʼoku ʼaho.

ʼE talitali mai te tanuma.+

 2 ʼE takatakai au e te kau vava,+

Pea ʼe tonu ke au sioʼi tanatou agatuʼu.

 4 Koteʼuhi neʼe ke fufu te fakasiosio poto kia natou.+

Koia ʼae ʼe mole ke tuku ai ke natou malo.

 5 Ko ʼihi ʼe natou foaki he vahe ʼo ʼonatou koloa ki ʼonatou kaumeʼa,

Kae ʼe nenefu te sio ʼo ʼanatou fanau ʼuhi ko tanatou fia kakai.

 6 Neʼe ina fakaliliu au ko he tahi ʼe fehiʼaʼinaʼi e te hahaʼi,+

Koia neʼe ʼanuhi ai toku fofoga.+

 7 ʼE vaivai ʼoku mata ʼuhi ko te lotomamahi,+

Pea ʼe pakoko ʼoku nima mo ʼoku vaʼe.

 8 ʼE punamaʼuli te hahaʼi faitotonu ʼi tanatou sisio ki te meʼa ʼaia,

Pea ʼe ita ia ia ʼae neʼe mole ina fai he meʼa ʼe kovi, ʼuhi ko te tagata ʼae ʼe mole fakaʼapaʼapa ki te ʼAtua.*

 9 ʼE hoko atu pe te faitotonu ʼa te tagata faitotonu,+

Pea ʼe toe malohi age te tagata ʼae neʼe mole ina fai he meʼa ʼe kovi.+

10 Kae ke kotou toe fihi mo au,

Koteʼuhi neʼe mole au maʼu he tahi ʼe poto ia koutou.+

11 Kua ʼosi ʼoku ʼaho.+

Ko ʼaku fakatuʼutuʼu mo te ʼu fakaʼamu ʼo toku loto, kua puli ia.+

12 ʼE natou ui tuʼumaʼu pe ko te poʼuli ʼe ko te ʼaho,

Pea mo natou ui: ‘Kua ovi mai te mafoata, he ʼe kua fakapoʼuli.’

13 Kapau ʼe au talitali, ʼe liliu anai te Faitoka* ko toku nofoʼaga,+

ʼE au folahi anai toku moeʼaga ʼi te fakapoʼuli.+

16 ʼE hifo* anai ki te ʼu matapa ʼo te Faitoka,*

Moka tou hihifo fakatahi fuli ki te efu.”+

 3 He koʼe ʼe fakaʼuhigaʼi anai matou ko ni manu?+

He koʼe ʼe kotou ui anai ʼe matou vavale?*

 4 Tatau aipe pe ʼe ke fakamamahiʼi ia koe totonu ʼuhi ko tou ita,

ʼE siʼakina anai koa te kele ʼuhi ko koe,

Peʼe to kehe anai koa te fuʼu maka ʼi tona tuʼuʼaga?

 5 ʼEi, ʼe puli anai te malama ʼo te tagata agakovi,

Pea ʼe mole toe ulo anai tona afi.+

 6 ʼE fakapoʼuli moʼoni anai te malama ʼi tona fale la,

ʼEi, ʼe mate anai te malama ʼi tona fale la.

 7 ʼE vaivai anai tana haʼele malohi,

Pea ʼe tukia anai ʼuhi pe ko tana fakatuʼutuʼu.+

 8 ʼE haʼele anai ʼi he kupega,

Pea ʼe ʼefihia ai anai ʼona vaʼe.

 9 ʼE maʼua anai tona mulivaʼe ʼi he hele,

ʼEi, ʼe to anai ki he hele.+

10 ʼE fufu he maea ʼi te kele ke to ki ai,

Pea ʼe tuku te hele ʼi tona ala.

11 ʼI te ʼu faʼahi fuli, ʼe ʼa takai ia ia e ni meʼa fakamataku,+

ʼO tuli ai ia ia ʼi ʼona lakaʼaga fuli.

12 ʼE puli tona malohi,

Pea ʼe ketu anai ʼuhi ko te malaʼia.+

13 ʼE kaina tona kili,

ʼEi, ʼe kaina ʼona koga sino ʼuhi ko he mahaki fakatupu mate.

14 Neʼe toʼo mai tona fale la ʼae neʼe fimalie ai,+

ʼO taki ki he mate fakamataku.

15 ʼE nofoʼi anai tona fale la e ni hahaʼi ʼe mole ina iloʼi,*

Mo laku anai te sulifa ki tona ʼapi.+

16 ʼE moamoa anai ʼona aka,

Mo ʼona vaʼa.

17 ʼE mole toe manatuʼi anai ia ia ʼi te kele,

Pea ʼe mole toe toʼo anai tona higoa ʼi te ala.

18 ʼE fakamavae anai mai te malama ʼo ʼave ki te fakapoʼuli,

Pea ʼe kapu anai mai te kele maʼuli.

19 ʼE mole ina maʼu anai ni fanau peʼe ko he hakoga ʼi tana hahaʼi,

ʼE mole hao anai he tahi mo ia ʼi te koga meʼa ʼae ʼe nofo ai.*

20 ʼE matataku anai te hahaʼi ʼo te potu Uesite, ʼi te ʼaho ʼae ʼe maumauʼi ai,

Pea ʼe toe matataku anai mo te hahaʼi ʼo te potu Esite.

21 Koʼena la te meʼa ʼae ʼe hoko ki te ʼu fale la ʼo te tagata agakovi,

Pea mo te nofoʼaga ʼo ia ʼae ʼe mole ina iloʼi te ʼAtua.”

 2 “ ʼE kaku anai koa ki ʼafea takotou fakakinakinaʼi au+

Mo fakamafasiaʼi au ʼaki ʼakotou palalau?+

 3 Kua tuʼa hogofulu takotou fakatonutonuʼi* au,

ʼE mole pe la kotou ufiufi ʼi takotou fakamamahiʼi au.+

 4 Ka na pau la neʼe au fai he hala,

ʼE mole kau ai koutou.

 5 Kapau ʼe kotou fia maʼoluga age ia au,

ʼO ui ʼe tonu toku fakalainoaʼi,

 6 Ke kotou iloʼi ʼe ko te ʼAtua ʼae neʼe ina fakaheʼi au,

Mo puke au ʼi tana kupega.

 7 Koʼeni ʼe au kalaga tuʼumaʼu: ‘ ʼE gaohi koviʼi au!’ kae ʼe mole tali mai e he tahi.+

ʼE au tagi tuʼumaʼu ke haofaki au, kae ʼe mole ʼi ai he faitotonu.+

 8 Neʼe ina pupunu toku ala ʼaki he kaupa maka, ʼe mole feala haku fakalaka ai.

Neʼe ina ʼaofi ʼoku ala ʼaki te fakapoʼuli.+

 9 Neʼe ina toʼo toku kololia,

Pea mo te pale ʼi toku ʼulu.

10 ʼE ina maumauʼi toku maʼuli ʼo kaku ki taku puli,

Pea ʼe ina taʼaki taku ʼamanaki ohage ko he fuʼu ʼakau.

11 ʼE kovi tona ita kia au,

ʼE au hage kia ia ko hona fili.+

12 ʼE ʼomai fakatahi tana kau solia ʼo ʼohofi au,

Mo ʼa takatakai toku fale la.

13 Neʼe ina fakamamaʼo mai ia au ʼoku tehina totonu,

Neʼe hahaga kehe ia natou ʼae ʼe natou iloʼi au.+

14 Neʼe liʼaki au e ʼoku kaumeʼa,*

Pea neʼe galoʼi au e natou ʼae neʼe au iloʼi lelei.+

15 ʼE au hage ki taku kau fakaafe+ mo ʼaku fafine faifekau ko he matapule,

ʼE au hage kia natou ko he tahi ʼe mole natou iloʼi.

16 ʼE au pauʼi taku tagata faifekau, kae ʼe mole ina tali mai,

Logo la taku kole mamahi tona manavaʼofa.

17 Kua fakalialia ki toku ʼohoana taku manava,+

Pea kua au ʼaele kovi ki ʼoku tehina totonu.

18 Maʼiape la mo te kau toe liliki ʼe natou vaʼi au,

Ka au tuʼu ake, ʼe natou laukoviʼi au.

19 ʼE fehiʼaʼinaʼi au e ʼoku kaumeʼa lelei fuli,+

Pea ko natou ʼae neʼe au ʼofa ai kua natou fakafeagai mai kia au.+

20 ʼE pipiki toku kili mo toku kakano ki ʼoku hui,+

Kua meihiʼi pe ke au mate.

21 Kotou ʼoʼofa mai, siʼoku ʼu kaumeʼa, kotou ʼoʼofa mai,

He neʼe taʼi au e te ʼAtua.+

22 He koʼe ʼe kotou haga fakatagaʼi au ohage ko tona fai e te ʼAtua?+

He koʼe ʼe kotou haga tauʼi au?+

23 ʼE au ʼamusia age la ke tohi ʼaku palalau,

Ke tuʼu ʼi he tohi,

24 Peʼe ke togi ʼi he fuʼu maka,

ʼAki he faʼo ukamea pea mo fakafonu ʼaki he pulu ke tuʼu ʼo talu ai!

25 ʼE au iloʼi lelei pe ʼe maʼuli ia ia ʼae ka ina totogi au,+

ʼE muli mai anai ia pea ʼe tuʼu anai ʼi te kele.*

26 Ka ʼosi kaina toku kili,

ʼE au sio anai ki te ʼAtua, kae ʼe kei au maʼuli pe.

27 ʼE au sio tonu anai ki ai.

ʼE mole ko he tahi kehe ʼae ka sio mata ki ai, kae ko au totonu.+

29 Kotou tuʼania ki te heleta,+

He ʼe tauteaʼi anai koutou ʼaki te heleta, ʼuhi ko ʼakotou hala.

ʼE tonu ke kotou iloʼi ʼe ʼi ai te tuʼi fakamau.”+

 2 “ ʼE au tali atu ʼuhi ko toku lotohoha,

He ʼe mole kei feala ke au taʼofi te meʼa ʼae ʼi toku loto.

 3 Neʼe au logo ki he manuki ʼo ʼuhiga mo au,

Pea ʼe tonu ke au tali he ʼe au ʼatamai.

 4 Lagi kua ke iloʼi pe te faʼahi ʼaeni,

He ʼe talu mai te fakatupu ʼo te tagata* ʼi te kele, ʼe fenei:+

 5 ʼE fakatemi te kalaga fakafiafia ʼa te tagata agakovi,

Pea ʼe toe fakatemi pe mo te fiafia ʼa te tagata ʼae ʼe mole fakaʼapaʼapa ki te ʼAtua.*+

 6 Tatau aipe pe ʼe kaku tona maʼoluga ki te lagi,

Pea mo kaku tona ʼulu ki te ʼu ʼao,

 7 ʼE puli anai ia ʼo talu ai, ohage ko ʼona faifekau.

ʼE ui anai e natou ʼae neʼe sisio ki ai: ‘ ʼE ʼifea ia ia?’

 8 ʼE galoʼi anai ohage ko he moemisi, ʼe mole toe maʼu anai.

Pea ʼe puli anai ohage ko he meʼa neʼe ha ʼi te poʼuli.

 9 ʼE mole toe sio anai ki ai ia ia ʼae neʼe sio ki ai ʼi muʼa atu,

Pea ʼe mole toe sio anai ki ai tona loto fale.+

10 ʼE faiga anai e ʼana fanau ke ʼofainaʼi natou e te kau masisiva,

Pea ʼe ina liufaki anai ʼona koloa.+

11 Neʼe malohi ʼona hui ohage ko tona temi tupulaga,

Kae ʼe mate anai ia mo tona malohi.

12 Kapau ʼe malie te meʼa ʼae ʼe kovi ʼi tona gutu,

Pea mo ina taupau ʼi tona lalo ʼalelo,

13 Kapau ʼe ina kai ʼo mole ina puʼaki mai ki tuʼa,

Kae ʼe ina taupau ʼi tona gutu,

14 ʼE kona anai tana meʼa kai ʼi tona fatu,

ʼE kona anai ki tona sino ohage ko te kafokona ʼo te gata.

15 Neʼe ina folo he koloa, kae ʼe ina luaʼi mai anai,

ʼE ko te ʼAtua ʼae ka ina toʼo mai ki tuʼa mai tona fatu.

16 ʼE ina mihi anai te kafokona ʼo te gata.

ʼE ʼuʼusi anai ia ia e te gata pea ʼe mate ai anai.

17 ʼE mole toe sio anai ia ʼi he temi ki te tafe ʼo te ʼu liuʼa,

Ko ni vai tafe ʼe tafe ai te meli mo te huʼa pipi.

18 ʼE ina liufaki anai ʼona koloa kae neʼe mole ina maʼu ʼona lelei,

ʼE mole ina fakaʼaogaʼi anai te ʼu koloa ʼae neʼe ina maʼu mai tana gaue.+

19 Neʼe ina laliki mo liʼakina te kau masisiva.

Neʼe ina kaihaʼa he ʼapi neʼe mole ina laga.

20 Kae ʼe mole tokalelei anai tona loto,

ʼE mole haofaki anai ia ia e ʼona koloa.

21 ʼE mole kei toe he meʼa ke ina puke,

Koia ʼae ʼe mole tologa anai ʼona koloa.

22 ʼE hoha anai ʼuhi ko te lahi ʼaupito ʼo ʼona koloa,

ʼE to anai te malaʼia kia ia.

23 ʼE kai anai ke makona,

Pea ʼe fakato anai e te ʼAtua* tona hauhau kia ia,

ʼE to anai ki ai ni malaʼia ohage ko te to ʼo te ʼua.

24 Ka hola mai te ʼu mahafu ukamea,

ʼE lavea anai ia ia ʼi ni kauʼi nahau neʼe fana ʼaki he nahau kapa.

25 ʼE ina tohoʼi mai tona tuʼa te kauʼi nahau,

Mai tona ʼate te mahafu gigila,

Pea ʼe mataku ai.+

26 ʼE puli anai ʼona koloa ʼi te fakapoʼuli gaogao,

ʼE vela anai ʼi he afi neʼe mole hokohokoʼi e he tahi,

ʼE hoko anai te malaʼia ki he tahi pe ʼe hao ʼi tona fale la.

27 ʼE fakaha anai e te lagi tana hala,

Pea ʼe fakafeagai anai te kele kia ia.

28 ʼE tafea anai tona ʼapi ʼi he lomaki,

ʼE ko he lomaki ʼe hoko anai ʼi te ʼaho ʼo te hauhau ʼo te ʼAtua.*

29 Koʼena la te vahe ʼe tuku e te ʼAtua ki te tagata agakovi,

Te tofiʼa ʼae ʼe fakatuʼutuʼu e te ʼAtua ke ina foaki age.”

 2 “Kotou fagono lelei mai ki ʼaku palalau,

Kotou tuku mai pe te faigamalie ʼaia ke au fimalie ai.

 3 Kotou kataki kae ʼe au palalau atu,

Ka ʼosi pe taku palalau, pea hoki feala leva ke kotou vaʼi au.+

 5 Kotou sioʼi au mo kotou punamaʼuli,

ʼAua naʼa kotou palalau.

 6 ʼE au hoha moka ʼe au manatu ki te ʼu meʼa ʼaia,

Pea ʼe tete toku sino katoa.

 7 He koʼe koa ʼe maʼuʼuli te kau agakovi,+

Mo matuʼa mo maʼu koloa?*+

 8 ʼE nonofo tuʼumaʼu pe ʼanatou fanau ʼi ʼonatou tafa,

Mo sisio ki ʼonatou hakoga.

 9 ʼE tokalelei ʼonatou loto fale, ʼe mole maʼu ai te mataku,+

ʼE mole fakatuʼā natou e te ʼAtua ʼaki tana ʼakau.

10 ʼE malolohi ʼanatou vitulo ʼo fakatupu ni ʼuhi.

ʼE fanaunau ʼanatou pipi fafine, pea ʼe mole mamate ʼonatou ʼuhi.

11 ʼE feleleʼi ʼanatou fanau ʼi tuʼa ohage ko he faga ovi,

ʼE gaoʼi fakafiafia ʼanatou fanau.

12 ʼE natou hiva mo ta te nafa mo te alepa,

Pea ʼe natou fiafia moka natou logo ki te puhi fagufagu.+

13 ʼE natou maʼuli fimalie

Pea ʼe natou hihifo ki te Faitoka* ʼi te fimalie.*

18 ʼE natou liliu koa ohage ko te luna moamoa ʼi te matagi,

Mo te kiliʼi fulumeto ʼae ʼe viligia ʼi te afā?

20 Ke sio mata ki tona fakaʼofaʼofa,

Pea ke ina inu te hauhau ʼo te Mafimafi.+

21 ʼE ina meʼa noaʼi ia te meʼa ʼae ka hoko ki tona loto fale hili tona mate,

He ʼe mole kei lahi ʼona mahina.+

22 ʼE feala koa ke akoʼi te poto* ki te ʼAtua,+

Ia Ia ʼae ʼe ina fakamauʼi ia natou ʼae ʼe maʼuhiga?+

23 ʼE mate he tagata kae neʼe kei malohi,+

Neʼe mole hona fihifihia pea neʼe maʼuli fimalie,+

24 Neʼe fua lalahi ʼona kauaga,

Pea neʼe malohi ʼona hui.

25 Pea ʼe mate fakaʼofaʼofa he tahi tagata,

Kae heʼeki ina ʼahiʼahi te ʼu meʼa lelei ʼo te maʼuli.

26 ʼE nā takokoto fakatahi anai ʼi te efu,+

Pea ʼe kai anai naua e te ʼugaga.+

27 ʼE au iloʼi lelei pe ʼakotou manatu,

Mo ʼakotou fakatuʼutuʼu ʼae moʼoku fakamamahiʼi.*+

28 ʼE kotou ui: ‘ ʼE ʼifea te ʼapi ʼo te tagata maʼuhiga,

Mo te fale la ʼae neʼe nonofo ai te kau agakovi?’+

Neʼe mole kotou vakaʼi fakalelei koa la ʼanatou manatu,

30 ʼI tanatou ui ʼae ʼe hao te tagata agakovi ʼi te ʼaho ʼo te malaʼia,

Mo haofaki ʼi te ʼaho ʼo te hauhau?

31 Ko ai koa ʼae ka ina fakaha fakahagatonu age tana aga,

Pea mo tauteaʼi ia ia ʼo ʼuhiga mo te meʼa ʼae neʼe ina fai?

32 Ka ʼave ki te tanuma,

ʼE leʼoleʼo anai tona fale maka.

33 ʼE nofo fimalie anai ʼi te lalo kele,+

Pea ʼe muliʼi anai ia ia e te hahaʼi fuli,+

Ohage pe ko te tokolahi ʼae kua mumuʼa atu.

 3 ʼE maʼuhiga koa tau faitotonu kia mata ʼo te Mafimafi?*

Peʼe ina maʼu koa he meʼa ʼi tau nofo agatonu?+

 4 ʼE ina fakatuʼā

Mo fakamauʼi anai koa koe ʼuhi ko tau fakaʼapaʼapa ki ai?

 5 ʼE mole koa la ʼuhi ko te lahi ʼaupito ʼo tau agakovi,

Pea mo tau agahala tuʼumaʼu?+

 6 ʼE ke toʼo he meʼa mai ʼou tehina kae ʼe mole hona tupuʼaga,

Pea ʼe ke toʼo te ʼu teu ʼo natou ʼae ʼe tuʼu maʼua kia koe, ʼo natou telefua ai.+

 7 ʼE mole ke foaki he moʼi vai kia ia ʼae ʼe gaʼegaʼe,

Mo he meʼa kai kia ia ʼae ʼe halofia.+

 8 ʼE maʼu e te tagata malohi ia te fenua,+

Pea ʼe nofo ai te tagata ʼae ʼe fakaʼapaʼapaʼi.

 9 Kae neʼe ke kapu te kau fafine vitua ke olo ʼatea,

Mo ke laliki te ʼu nima ʼo te ʼu fanau hala mo tamai.

10 Koia ʼae ʼe lahi ai te ʼu hele* ʼi ʼou tafaʼaki,+

Pea ʼe ke mataku ʼi te ʼu tuʼutamaki ʼae ʼe hoko fakapunamaʼuli.

11 Koia ʼe mole ke sio ai ki he meʼa he ʼe fakapoʼuli gaogao,

Pea ʼe to kia koe he lomaki.

14 ʼE mole sio ia ʼuhi ko te ʼu ʼao

ʼI tana haʼele ʼae ʼi te takafuafua ʼo te lagi.’

15 ʼE ke haʼele anai koa ʼi te ala

ʼAe neʼe haʼele ai te kau agakovi talu mai te temi muʼa,

16 Ko ni tagata neʼe toʼo fakavilivili,*

Ohage ko he ʼapi neʼe tafea ʼi he lomaki?*+

19 ʼE sio anai te tagata faitotonu ki te meʼa ʼaia pea fiafia ai,

Pea ʼe vaʼi anai natou e ia ʼae neʼe mole ina fai hana hala mo ui:

20 ‘Neʼe matehi ʼomatou fili,

Pea ʼe vela anai te meʼa ʼae ka toe ia natou.’

21 Faigaʼi ke ke iloʼi ia Ia, pea ʼe ke maʼu anai te tokalelei.

ʼE ke maʼu anai ni meʼa lelei.

22 Tali te lao ʼae ʼe haʼu mai tona gutu,

Mo taupau ʼana folafola ʼi tou loto.+

23 Kapau ʼe ke toe liliu mai ki te Mafimafi, ʼe ke malolo anai.+

Kapau ʼe ke pulihi te heʼe faitotonu ʼi tou fale la,

24 Kapau ʼe ke li te aulo ki te efu,

Mo te aulo mai Ofile+ ki te ʼu mata maka ʼo te ʼu vai tafe,*

25 ʼE ko te Mafimafi ʼae ka liliu ko tou aulo,

Pea ko ia anai tou siliva ʼae ʼe lelei tukupau.

26 ʼE ke maʼu anai tou fiafiaʼaga ʼi te Mafimafi

Pea ʼe ke hiki anai ʼou mata ki te ʼAtua.

27 ʼE ke tagi mamahi anai kia te ia, pea ʼe logo atu anai.

ʼE ke fakahoko anai ʼau fakapapau.

28 ʼE lava lelei anai ia meʼa fuli ʼe ke fakatotonu ke ke fai,

Pea ʼe mu anai te malama ʼi tou ala.

29 Ka ke palalau fiameʼameʼa, ʼe fakalainoaʼi anai koe.

Kae ʼe ina haofaki anai te kau agavaivai.

30 ʼE ina haofaki anai te tagata ʼae neʼe mole ina fai hana hala.

Koia kapau ʼe mole ke fai he meʼa ʼe kovi, ʼe haofaki moʼoni anai ia koe.”

 2 “ ʼI te ʼaho nei, ʼe toe hoko atu pe anai taku meo,+

Kua puli toku malohi ʼuhi ko ʼaku lauga.

 4 ʼE au fakaha anai ki ai toku fihifihia,

Mo fakamatala age ʼaku manatu fuli.

 5 Pea ʼe au iloʼi anai tana tali,

Mo tokagaʼi te meʼa ʼae ka ina ui mai.

 7 Koia, ʼe feala anai ke felogoi te tagata faitotonu mo ia,

Pea ʼe fakaʼateainaʼi anai au e toku Tuʼi Fakamau ʼo talu ai.

 8 Kae kapau ʼe au alu ki te potu esite, ʼe mole nofo ai.

ʼE au toe liliu mai, kae ʼe mole au maʼu ia ia.

 9 Ka gaue ʼi te faʼahi hema, ʼe mole au sio ki ai,

ʼE toe feia pe moka alu ki te faʼahi mataʼu, ʼe mole au sio ki ai.

11 Neʼe au mulimuli lelei ʼi ʼona lakaʼaga,

Neʼe au alu pe ʼi tona ala, neʼe mole au maliu kehe.+

14 ʼE ina fakahoko anai te ʼu meʼa fuli ʼae kua ina fakatotonu ʼo ʼuhiga mo au,

Pea ʼe lahi ʼana fakatuʼutuʼu feia.

15 Ko te tupuʼaga la ʼaia ʼo taku tuʼania.

Ka au manatu ki ai, ʼe lahi age taku manavasiʼi kia te ia.

16 Kua au lotovaivai ʼuhi ko te ʼAtua,

Pea ʼe fakamatakuʼi au e te Mafimafi.

17 ʼE ʼuʼufi toku fofoga e te fakapoʼuli,

Kae ʼe mole au nofo fakalogologo.

 2 Ko ʼihi ʼe natou hiki te ʼu tuʼakoi,+

ʼE natou kaihaʼa te ʼu faga manu ʼo ʼave ki ʼonatou koga meʼa lunaʼia.

 3 ʼE natou faʼao te asino ʼa te ʼu fanau hala mo tamai,

Pea ʼe natou toʼo te vitulo ʼa te fafine vitua.*+

 4 ʼE natou fakakinauʼi te kau masisiva ke natou mavae ʼi te ala,

Pea ʼe fenonoʼi te kau fakaʼofaʼofa ʼo te fenua mai ia natou.+

 5 ʼE kumi e te kau masisiva hanatou meʼa kai ohage ko ni asino vao+ ʼi te toafa,

ʼE natou kumi ʼi te toafa he meʼa kai maʼa ʼanatou fanau.

 6 ʼE natou tanaki te fulumeto ʼi te gaueʼaga ʼa he tahi kehe,*

Pea ʼe natou toli te vite ʼi te gaueʼaga ʼa te kau agakovi.

 7 ʼE mole honatou ʼu mutuʼi meʼa, ʼo natou momoe telefua ʼi te poʼuli,+

ʼE mole ʼi ai honatou ʼu meʼa kafu ki te momoko.

 8 ʼE natou palapala moka ʼua ʼi te ʼu moʼuga,

ʼE mole honatou nonoʼaga, koia ʼe natou tapiki ai ki te ʼu fuʼu maka.

 9 ʼE toʼo kehe te fanau ʼa te fafine vitua mai tona fatafata,+

ʼE toʼo te ʼu kofu ʼo te kau masisiva.*+

10 Koia ʼe natou haʼele telefua ai, he ʼe mole honatou ʼu mutuʼi meʼa,

Mo halofia, kae ʼe natou fetuku ni fuhiga fulumeto.

11 ʼE natou kinakina ʼi te ʼu kaupa ʼo te ʼu gaueʼaga vite,* ʼi te sisiga ʼo te laʼa.

ʼE natou molomoloki te vite ʼi te ʼu lomiʼaga vite, kae ʼe natou fia iinu.+

12 ʼE lauga ia natou ʼae kua vave mamate ʼi te kolo,

ʼE kalaga ia natou ʼae kua lavevea kovi ʼo kole tokoni,+

Kae ʼe mole ui e te ʼAtua ʼe kovi te meʼa ʼaia.*

13 Ko ʼihi ʼe fehihiʼa ki te malama,+

ʼE mole natou iloʼi ʼona ala,

ʼO mole natou haʼele ai.

14 ʼE ʼala mafoata te tagata faifakapo,

ʼO matematehi te kau fakaʼofaʼofa mo te kau masisiva,+

Kae kaihaʼa leva ia ʼi te poʼuli.

15 ʼE fakatalitali ia ia ʼae ʼe tono ke poʼuli,+

ʼO ina ui: ‘ ʼE mole sio mai anai he tahi!’+

16 ʼI te poʼuli, ʼe natou ulufi te ʼu ʼapi,

Kae ʼi te ʼaho, ʼe natou nonofo fakamaʼumaʼu ʼi ʼonatou ʼapi.

17 Kia natou, ʼe hage te uhu ko te fakapoʼuli gaogao,

ʼE natou iloʼi lelei te ʼu meʼa fakamataku ʼo te fakapoʼuli gaogao.

19 Ka taʼi laʼa pea mo vevela, ʼe huhuʼa te nive ʼo puli,

ʼO toe feia pe mo te Faitoka* ʼe ina toʼo ia natou ʼae neʼe agahala!+

21 ʼE natou kakaʼi te fafine paʼa,

Mo gaohi koviʼi te fafine vitua.

22 ʼE fakaʼaogaʼi anai e te ʼAtua* tona malohi moʼo pulihi te kau malolohi,

Logope la tanatou maʼu tuʼulaga, kae ʼe mole natou iloʼi pe la pe ʼe natou maʼuʼuli anai.

23 ʼE fakagafua e te ʼAtua* ke natou tahi falala kia natou totonu mo fimalie,+

Kae ʼe ina tokagaʼi te ʼu meʼa fuli ʼae ʼe natou fai.*+

ʼE fakamalaloʼi natou+ pea natou mamate ohage pe ko te hahaʼi fuli.

ʼE tuʼusi natou mo tanaki ohage ko ni kauʼi fulumeto.

25 ʼI te lakaga nei, ko ai ʼae ka ina fakamoʼoni ʼe au gutuloi,

Peʼe ina fakafihiʼi taku palalau?”

 2 “ ʼE ina maʼu te pule mo te mafimafi.

ʼE ina fakatuʼu te tokalelei ʼi te lagi.*

 4 ʼE faitotonu feafeaʼi he tagata ia muʼa ʼo te ʼAtua?+

Pe ʼe nofo maʼa feafeaʼi he tahi neʼe tupu mai he fafine ia muʼa ʼo te ʼAtua?+

 5 ʼE mole huhulu te mahina kia mata ʼo te ʼAtua,

ʼE toe feia pe mo te gigila ʼo te ʼu fetuʼu.

 6 Kae ʼe feafeaʼi age la ki he tagata, ʼae ʼe hage ko he ʼugaga,

Mo te foha ʼo te tagata, ʼae ʼe hage ko he ʼunukele?”

 4 Ko ai ʼae ʼe ke faiga ke ke palalau ki ai?

Ko ai ʼae neʼe ke maʼu mai ai te ʼu manatu ʼaia?

 5 ʼE tekelili ia natou ʼae kua mamate,

ʼE natou malalo age ʼi te tai mo natou ʼae ʼe maʼuʼuli ai.

 6 ʼE mole he meʼa ʼe fufu kia mata ʼo te ʼAtua* ʼi te Faitoka,*+

ʼE lauʼatea te koga meʼa ʼo te fakaʼauha.*

 7 ʼE ina folahi te potu noleto ʼo te lagi* ʼi te noa,+

ʼE ina tautau te kele ʼi te noa.

 8 ʼE ina kofukofu te vai ʼi te ʼu ʼao,+

Ke mole mapa te ʼu ʼao ʼi te mamafa ʼo te vai.

 9 ʼE ʼūgia tona hekaʼaga fakahau

He ʼe ina folahi ki ai tona ʼao.+

10 ʼE ina tohi he laini ʼi te vaha ʼo te lagi mo te tai,+

Mo fai he tuʼakoi ʼi te malama mo te fakapoʼuli.

11 ʼE galulu te ʼu pou ʼo te lagi,

Mo punamaʼuli ʼi te faifakatonutonu ʼa te ʼAtua.

12 ʼE hou te tai ʼuhi ko tona malohi,+

Pea ʼe ina laliki te manu lahi ʼo te tai* ʼuhi ko tona ʼatamai.+

13 ʼE laulelei te lagi ʼuhi ko tana tuku manava,*

ʼE ina hukiʼi ʼaki tona nima te gata ʼae ʼe puke gataʼa.*

14 Koia ʼe ko te kiʼi koga pe ia ʼo ʼana gaue,+

Ko he kiʼi fanafana pe ia ʼo ʼuhiga mo ia!

 2 “ ʼE au tala moʼoni atu ia muʼa ʼo te ʼAtua maʼuli, ʼae ʼe mole kei au maʼu ai te faitotonu,+

ʼEi, ʼe au tala moʼoni atu ia muʼa ʼo te Mafimafi ʼae ʼe maʼuli, ʼae neʼe ina fakalotomamahiʼi au,+

 3 ʼI te temi ʼae ʼe kei au maʼuli ai,

Pea mo maʼu ai te manava mai te ʼAtua,+

 4 ʼE mole heʼe faitotonu anai ʼoku laugutu,

Pea ʼe mole kaka tuʼa tahi anai toku ʼalelo!

 6 ʼE au taupau maʼu anai taku faitotonu, ʼo mole au liʼaki ʼi he temi,+

ʼE mole vevele anai toku loto ʼi toku maʼuli katoa.

 7 Ke tauteaʼi toku fili ohage ko te tagata agakovi,

Pea mo natou ʼae ʼe natou ʼohofi ia au ohage ko te kau heʼe faitotonu.

 8 He ʼe kotea te ʼamanaki ʼa te tagata ʼae ʼe mole fakaʼapaʼapa ki te ʼAtua,* moka pulihi ia ia,+

Moka toʼo e te ʼAtua tona maʼuli?

 9 Ka lotomamahi,

ʼE logo anai koa te ʼAtua ki tana kalaga?+

11 ʼE au akoʼi anai koutou ʼo ʼuhiga mo te mafimafi* ʼo te ʼAtua,

Pea ʼe mole au fufu anai he meʼa ʼo ʼuhiga mo te Mafimafi.

12 Kapau neʼe ha ni meʼa kia koutou fuli,

He koʼe ʼe vaʼiganoa ʼakotou palalau?

13 Koʼeni te vahe ʼe taʼofi e te ʼAtua ki te kau agakovi,+

Te tofiʼa ʼae ʼe maʼu e te kau pule agamalohi mai te Mafimafi:

14 Kapau ʼe kaugamalie ʼona foha, ʼe matehi anai natou ʼaki te heleta,+

Pea ʼe mole maʼu feʼauga anai e tona hologa hana meʼa kai.

15 ʼE tanu anai natou ʼae ka hao e te taʼi mahaki fakatupu mate,

Pea ʼe mole fetagihi anai ʼonatou ʼohoana.

16 Tatau aipe pe ʼe lahi tana tanaki te siliva ohage ko te efu,

Pea mo ni teu matalelei ohage ko te kele,

17 ʼE tatau aipe pe ʼe ina tanaki,

Kae ʼe ko te tagata faitotonu ʼae ka ina tui,+

Pea ʼe ko natou ʼae neʼe mole natou fai he meʼa ʼe kovi, ka natou maʼu tana siliva.

18 ʼE maumau gafua te ʼapi ʼae ʼe ina laga ohage pe ko te nofoʼaga ʼo he kiʼi manu,

Ohage pe ko he pola+ ʼe laga e he tagata leʼo.

19 ʼE koloaʼia ia ia ʼae ʼe takoto, kae ʼe mole anai he fua ʼo ʼona koloa.

ʼE avahi ake anai ʼona mata, kae kua puli ʼana meʼa fuli.

20 ʼE hoko fakapunamaʼuli ni meʼa fakamataku ki te kau agakovi, ohage pe ko he lomaki,

ʼI te poʼuli, ʼe taʼaki natou e te afā.+

21 ʼE ʼave anai natou e he matagi mai te potu esite, ʼo natou pupuli ai,

ʼEi, ʼe ʼave mamaʼo natou mai tonatou nofoʼaga.+

22 ʼE ina ʼohofi anai natou,+

Pea ʼe natou faigaʼi anai ke natou feholaki mai tona malohi.+

23 ʼE pasipasi kia natou,

Pea ʼe veka+ kia natou mai tona nofoʼaga.*

28 “ ʼE ʼi ai te koga meʼa ke toʼo mai ai te siliva,

Mo te koga meʼa ke fakamaʼa ai te aulo.+

 2 ʼE toʼo te ukamea mai te kele,

Pea ʼe haka te maka ke maʼu ai te kapa.+

 3 ʼE malo te tagata ʼi te fakapoʼuli.

ʼE ina huke ʼi te fakapoʼuli gaogao

Ke ina maʼu ai ni maka maʼuhiga.

 4 ʼE ina keli he luo ʼe mamaʼo mai te ʼu nofoʼaga,

ʼI he ʼu koga meʼa kua galoʼi, ʼe mamaʼo mai te ʼu potu ʼae ʼe haʼeleʼi.

ʼE hihifo ki ai ni tagata ʼi he maea, ʼo natou gaue tautau ai.

 5 ʼE maʼu te meʼa kai ʼi te fuga kele,

Kae ʼe maveuveu ʼi te lalo kele, ohage neʼe maumauʼi e te afi.*

 6 ʼE maʼu te safile ʼi te ʼu maka,

Pea mo te aulo ʼi te efu.

 7 ʼE mole iloʼi pe la e he akuila te ala,

Neʼe mole sio ki ai te milani ʼuli.*

 8 Neʼe mole he manu fekai neʼe haʼele ai,

Neʼe mole taka ai he laione kei mui.

 9 ʼE ta e te tagata te maka fefeka ʼaki tona nima,

ʼE ina holoʼi te ʼu moʼuga mai ʼonatou tafito.

10 ʼE ina toli ni tafega vai+ ʼi te fuʼu maka,

ʼE sio ʼona mata kia meʼa fuli ʼe maʼuhiga.

11 ʼE ina pupunu te ʼu matapuna vai ʼo te ʼu vai tafe,

Pea ʼe ina ʼaumai ki te malama te ʼu meʼa ʼae neʼe fufu.

12 Kae ʼe maʼu ʼifea te poto?+

ʼE ʼifea te matapuna ʼo te ʼatamai?+

13 ʼE mole iloʼi e he tagata tona maʼuhiga,+

ʼE mole maʼu ia ʼi te fenua ʼo te kau maʼuli.

15 ʼE mole feala ke totogi ʼaki te aulo maʼa,

Peʼe fetogi ʼaki he siliva neʼe fua.+

16 ʼE mole feala ke totogi ʼaki te aulo mai Ofile,+

Peʼe ko te onise maʼugataʼa pea mo te safile.

17 ʼE mole feala ia ke fakatatau ki te aulo mo te sioʼata,

Peʼe ke fetogi ʼaki he ipu neʼe fai ʼaki te aulo maʼa.+

18 Ko te feo mo te kilisitale ʼe ko he ʼu meʼa noa ia,+

He ʼe maʼuhiga age te poto ʼi te ʼu mataʼi tofe.

19 ʼE mole feala ia ke fakatatau ki te topasi+ mai Kusi, 

Maʼia mo te aulo maʼa, ʼe mole feala ke totogi ʼaki.

20 Kae ʼe maʼu ʼifea te poto?

ʼE ʼifea te matapuna ʼo te ʼatamai?+

21 Neʼe fufu ia kia mata ʼo te ʼu meʼa maʼuli fuli pe,+

ʼO kau ai mo te ʼu manulele.

22 ʼE ui e te fakaʼauha mo te mate:

‘Neʼe logo pe ʼoma taliga ki tona palalauʼi.’

23 ʼE iloʼi e te ʼAtua te ala ʼae ʼe alu ki ai,

Ko ia tokotahi pe ʼae ʼe ina iloʼi tona nofoʼaga,+

24 He ʼe sio ia ki te ʼu potu taupotu ʼo te kele,

ʼE sio kia meʼa fuli ʼi te lalo lagi.+

25 Neʼe ina fakatuʼutuʼu te malohi* ʼo te matagi,+

Mo fuafua te lahi ʼo te vai,+

26 Neʼe ina fakatuʼu he lao ki te ʼua,+

Mo tofa he ala ki te ʼao moka afā pea moka ʼuʼulu te mana.+

27 Pea neʼe sio leva ki te poto mo ina fakamahino,

Neʼe ina fakatuʼu mo fuafua tona maʼuhiga.

‘Ko te manavasiʼi kia Sehova, ʼe ko te poto ʼaia,+

Pea ko te maliu kehe mai te kovi, ʼe ko te ʼatamai ʼaia.’ ”+

 2 “Ka na neʼe au toe liliu la ki te ʼu mahina kua hili,

Ki te ʼu ʼaho ʼae neʼe tokaga ai te ʼAtua kia au,

 3 ʼI tana fakamu tona malama ki toku ʼulu,

ʼI tana taki au ʼi te fakapoʼuli ʼaki tona malama,+

 4 ʼI te temi ʼae neʼe kei au malohi ai,

Mo te iloga ʼo taku fakakaumeʼa mo te ʼAtua ʼi toku fale la,+

 5 ʼI te kei nofo ʼa te Mafimafi mo au,

ʼI te kei nonofo ʼo ʼaku fanau* ʼi ʼoku tafa,

 6 ʼI te temi ʼae neʼe lahi ʼaupito ai te potilo,

Pea mo hali mai ʼi te ʼu fuʼu maka he lolo.+

 7 Ka au alu ki te matapa ʼo te kolo,+

Mo heka ʼi toku hekaʼaga ʼi te malaʼe lahi,+

 8 Neʼe mavae kehe* te kau tupulaga ʼi tanatou sisio mai,

Maʼia mo te kau matuʼa neʼe natou tutuʼu ki ʼoluga.+

 9 Neʼe mole palalau te kau ʼaliki,

Neʼe natou pupunu ʼonatou gutu ʼaki ʼonatou nima.

10 Neʼe fakalogologo mo te hahaʼi maʼuhiga,

Neʼe mate noa ʼonatou ʼalelo.

11 Neʼe vikiʼi au e te tagata fuli neʼe fagono mai,

ʼO toe feia pe mo natou ʼae neʼe sisio kia au, neʼe natou fakamoʼoni mai kia au.

12 He neʼe au haofaki te masiva ʼae neʼe kole tokoni,+

ʼO toe feia pe mo te fanau hala mo tamai pea mo ia ʼae neʼe mole he tahi ke tokoni ki ai.+

13 Ko ia ʼae ka mate neʼe ina tapuakiʼi au,+

Pea neʼe au fakafiafiaʼi te loto ʼo te fafine vitua.+

14 Neʼe au kofuʼi te faitotonu ohage ko he teu,

Neʼe hage taku faitotonu ko he kofu* mo he kie neʼe takai ʼaki toku ʼulu.

15 Neʼe au liliu ko he ʼu mata maʼa te tagata kivi,

Mo he ʼu vaʼe maʼa te tagata ketu.

16 Neʼe au liliu ko te tamai ʼa te masiva,+

Neʼe au sivi te fakamau ʼo ni hahaʼi neʼe mole au iloʼi.+

17 Neʼe au maumauʼi te kaugao ʼo te tagata agakovi,+

Pea neʼe au taʼaki mai tona gutu te meʼa ʼae neʼe ina kai.

18 Neʼe au ui: ‘ ʼE au mate anai ʼi toku ʼapi,+

Pea ʼe hage anai ʼoku ʼaho ko te lahi ʼo te ʼu fisiʼi ʼone.

19 ʼE alu anai ʼoku aka ʼo kaku ki te vai,

Pea ʼi te poʼuli ʼe nofo anai te hahau ʼi ʼoku vaʼa.

20 ʼE fakafoʼou tuʼumaʼu toku kololia,

Pea ʼe au fana tuʼumaʼu anai ni kauʼi nahau ʼaki te nahau ʼae ʼe au puke.’

21 Neʼe fakalogo lelei mai te hahaʼi,

Pea neʼe natou atalitali fakalogologo ki ʼaku tokoni.+

22 Ka ʼosi taku palalau, neʼe mole toe tali mai e he tahi,

Neʼe logo lelei ʼaku palalau ki ʼonatou taliga.

23 Neʼe natou atalitali mai kia au ohage ko tanatou atalitali ki te ʼua,

Neʼe natou avahi lahi ʼonatou gutu ʼo inu ʼaku palalau ohage ko te ʼua ʼo te temi mātala ʼo te ʼu fisiʼi ʼakau.+

24 Ka au malimali kia natou, neʼe natou punamaʼuli,

Neʼe natou fimalie ʼi tanatou sisio ki taku matafiafia.*

25 Neʼe au hage ko he pule, ʼo au fakahinohino age te ala ʼae ke natou haʼele ai,

Pea neʼe au maʼuli ohage ko he hau ʼi te lotolotoiga ʼo tana kautau,+

Ohage ko he tahi ʼe ina fakafimalieʼi te kau putu.+

30 “ ʼI te temi nei, ʼe nukinukiʼi au+

E ni tagata ʼe tupulaga age ia au,

ʼAe ʼe mole au tali anai ʼanatou tamai

Ke kau ʼi te faga kuli ʼae ʼe leʼoleʼo ki taku faga ovi.

 3 Kua natou gaʼegagaʼe ʼuhi ko te masiva mo te pakupaku.

ʼE natou gugu te meʼa ʼae ʼe natou maʼu ʼi te kele moamoa,

ʼAe neʼe kua ʼosi siʼaki pea ʼe mole kei nofoʼi.

 4 ʼE natou fusi te luna ʼae ʼe konakona ʼi te vao,

ʼE natou kai te ʼu aka ʼo te fuʼu senete.

 5 ʼE kapu natou e te hahaʼi,+

ʼE kalaga te hahaʼi kia natou ohage ko hona fai ki he tagata kaihaʼa.

 6 ʼE natou nonofo ʼi te ʼu mata mato,*

ʼI te ʼu luo mo te ʼu fuʼu maka.

 7 ʼE natou pakalaga ʼi te ʼulu vao,

ʼE natou fakatahitahi ʼi te ʼu vao talatala.

 8 Kua kapu natou ʼi te fenua,*

Ohage ko ni tagata vavale mo fehiʼaʼinaʼi.*

 9 Kae ʼi te temi nei, maʼiape la ʼi ʼanatou hiva, ʼe natou nukinukiʼi au,+

Kua au liliu kia natou ko he meʼa ʼe fehiʼaʼinaʼi.+

10 ʼE natou fehihiʼa ia au mo natou fakamamaʼo,+

Kua natou ʼanuʼanuhi ʼoku mata.+

11 ʼE mole kei fakaʼapaʼapaʼi au,

He neʼe toʼo e te ʼAtua toku malohi pea mo ina fakamalaloʼi au.

12 ʼE natou ʼohofi au ʼi toku faʼahi mataʼu, ohage ko ni hahaʼi agakovi.

ʼE au hola ʼuhi ko natou

Pea ʼe natou fakatuʼu ni hele ʼi toku ala ke au tuʼutamakiʼia ai.

13 ʼE natou maumauʼi ʼoku ala,

Mo fakaʼaʼasili toku malaʼia,+

Kae ʼe mole he tahi ʼe ina taʼofi natou.*

14 ʼE hage ʼe natou hu mai mai he ava lahi ʼo he kaupa,

ʼE natou ʼomai ki he koga meʼa kua maumau.

15 Kua kovi toku mataku,

Kua ʼave toku fakaʼapaʼapaʼi ʼi te matagi,

Pea kua mavete taku ʼamanaki ohage ko he ʼao.

16 ʼI te temi nei, kua au vave mate,+

ʼE au mamahi ʼi te ʼaho fuli.+

17 ʼI te poʼuli, ʼe mamahi ʼoku hui,+

ʼE au mamahi ʼi te temi fuli pe.+

18 ʼE toho fakamalohi toku teu,*

ʼE manoʼo toku kia ohage ʼe au ʼefihia ʼi toku kiaʼi kofu.

19 Neʼe liʼaki au e te ʼAtua ki te pela,

Kua au hage ko te efu mo te lefulefu.

20 ʼE au kole tokoni atu, kae ʼe mole ke tali mai,+

ʼE au tuʼu ʼi ʼou muʼa, kae ʼe ke sioʼi pe koe ia au.

21 Neʼe ke fakafeagai malohi mai kia au,+

ʼE ke tauʼi au ʼaki tou malohi katoa.

22 ʼE ke hiki au ʼo ʼave ʼi te matagi,

Pea ʼe ke luluʼi au ʼi te afā.*

23 He ʼe au iloʼi ʼe ke taki anai au ki te mate,

Ki te ʼapi ʼae ka fakatahi ki ai te hahaʼi fuli ʼae ʼe maʼuʼuli.

24 Kae ʼe mole he tahi ka ina taʼi ia te tagata ʼae ʼe lotovaivai,+

Pea mo kole tokoni moka hoko ki ai he malaʼia.

26 Neʼe au fakaʼamu ki te meʼa ʼae ʼe lelei, kae ʼe ko te kovi ia ʼae neʼe hoko,

Neʼe au ʼamanaki ki te malama, kae ʼe ko te fakapoʼuli ia ʼae neʼe hoko.

27 Neʼe mole fimalie toku loto,

Neʼe ʼi ai te ʼu ʼaho neʼe au tau ai mo ni mamahi.

29 Neʼe au liliu ko te tehina ʼo te ʼu kuli vao,

Mo te kaumeʼa ʼo te ʼu ʼuhi fafine ʼo te otulusi.+

30 Kua au kili ʼuli pea mo mafohi,+

ʼE vela ʼoku hui.*

31 ʼE ʼaoga pe taku alepa ʼi te temi putu,

Mo taku fagufagu moka fetagihi te hahaʼi.

 2 Kotea leva toku vahe mai te ʼAtua ʼae ʼi ʼoluga?

Kotea anai toku tofiʼa mai te Mafimafi ʼae ʼi te ʼu potu maʼoluga?

 3 ʼE mole ʼamanaki hoko koa la te tuʼutamaki ki te tagata agakovi?

ʼE mole ʼamanaki hoko koa la te malaʼia kia natou ʼae ʼe natou fai te kovi?+

 4 ʼE mole sio koa la te ʼAtua ki taku aga?+

ʼE mole ina lau koa la ʼoku lakaʼaga fuli?

 6 Ke fua au e te ʼAtua ʼaki he meʼa fua ʼe totonu,+

Pea ʼe ina iloʼi anai taku agatonu.+

 7 Kapau kua au mavae kehe ʼi te ala,+

Kapau neʼe muliʼi e toku loto ʼoku mata,+

Peʼe kapau neʼe ʼuli ʼoku nima,

 8 Ke kai e he tahi kehe te meʼa ʼae neʼe au nunusi,+

Pea ke taʼaki te meʼa ʼae neʼe au to.*

 9 Kapau neʼe au manako ʼi he fafine,+

Pea kapau neʼe au lamalama+ ʼi te matapa ʼo toku tatau,

10 Ke momosi e toku ʼohoana te fulumeto ki he tahi age tagata,

Pea ke momoe he tahi ʼu tagata mo ia.+

11 ʼE ko he aga fakaufiufi anai, 

Ko he hala ʼe tonu ke fakatuʼā e te ʼu tuʼi fakamau.+

12 ʼE ko he afi ʼae ka ina tutu mo maumauʼi+

Ia meʼa fuli ʼae neʼe au gaue kinakina ke au maʼu.

13 Kapau neʼe mole au fakahoko te faitotonu ki ʼaku kaugana tagata mo fafine,

ʼI te temi ʼae neʼe natou lauga ai ʼo ʼuhiga mo au,*

14 Kotea anai ka au fai moka fakamauʼi au e* te ʼAtua?

16 Kapau neʼe au fakafisi ki te kau masisiva ia te meʼa ʼae neʼe natou loto ki ai,+

Peʼe kapau neʼe au fakamamahiʼi te loto ʼo te fafine vitua,*+

17 Kapau neʼe au kai tokotahi pe toku vahe,

Kae neʼe mole au vaevae mo te ʼu fanau hala mo tamai,+

18 (He ʼe talu mai toku temi tupulaga, neʼe lahilahi ake te fanau hala mo tamai mo au, ʼo au hage pe kia ia ko hana tamai,

Pea talu mai taku kei veliveli, neʼe au takitaki te fafine vitua.)

19 Kapau neʼe au sio ki he tahi neʼe mate he neʼe mole hona ʼu mutuʼi meʼa,

Peʼe ko he tagata masiva neʼe mole hona meʼa kafu,+

20 Kapau neʼe mole ina tapuakiʼi au,+

Koteʼuhi neʼe mole au foaki age he fuluʼi ovi ke fakamafana ai,

21 Kapau neʼe au fakamatakuʼi te fanau hala mo tamai ʼaki toku tuke+

ʼI te temi ʼae neʼe ʼaoga ki ai taku tokoni ʼi te matapa ʼo te kolo,*+

22 Ke mahuʼi toku fuga ʼuma

Pea ke fasi toku tuli nima.

23 Neʼe au tuʼania ki te malaʼia ʼae ʼe haʼu mai te ʼAtua,

Pea neʼe mole feala ke au tuʼu ia muʼa ʼo tona kololia.

24 Kapau la neʼe au falala ki te aulo,

Peʼe au ui ki te aulo maʼa: ‘Ko koe toku haofakiʼaga!’+

25 Kapau la neʼe au fiafia ʼuhi ko te lahi ʼo ʼoku koloa,+

Mo te lahi ʼo te ʼu meʼa ʼae neʼe au maʼu,+

26 Kapau la neʼe au sio ki te mu ʼo te laʼa,*

Pea mo te fakalaka ʼa te mahina ʼi tona matalelei,+

27 Kapau la neʼe kakaʼi toku loto

Pea mo au fekita ki toku nima ohage kua au atolasio ki te ʼu meʼa ʼaia,+

28 ʼE ko he hala ia ʼe tonu ke fakatuʼā e te ʼu tuʼi fakamau,

He neʼe au fakafisi ki te ʼAtua moʼoni ʼae ʼi ʼoluga.

29 Neʼe kua au fakafiafia koa ʼi te fakaʼauha ʼo toku fili?+ 

Neʼe kua au fiafia koa moka tau mo te malaʼia?

30 Neʼe mole au fakagafua ʼi he temi ke agahala toku gutu,

ʼO au fai he fakapapau mo kole ke matehi.+

31 Neʼe mole ui koa la e te ʼu tagata ʼo toku fale la:

‘Ko ai ʼae ʼe feala ke ina maʼu he tahi neʼe mole makona ʼi tana meʼa kai?’*+

32 Neʼe mole ʼi ai he matapule ʼe moe ʼi tuʼa ʼi te poʼuli,+

Neʼe au avahi ʼoku matapa ki te tagata faifagona.

33 Neʼe kua au faigaʼi koa, ohage ko ʼihi tagata, ke au fufu ʼaku agahala,+

ʼO fufu taku hala ʼi toku tagaʼi kofu?

34 Neʼe au tuʼania koa ki te aga ʼa te hahaʼi?

Neʼe au mataku koa ʼi toku fehiʼaʼinaʼi e ʼihi famili,

ʼO tupu ai taku fakalogologo, mo taku mole alu ki tuʼa?

36 ʼE au ʼamo anai ʼi toku fuga ʼuma,

Pea ʼe au ʼai anai ki toku ʼulu ohage ko he pale.

37 ʼE au fakaha anai ki te ʼAtua ʼoku lakaʼaga fuli,

ʼE au fakaovi faʼifaʼitaliha anai ki ai ohage ko he ʼaliki.

38 Kapau ʼe lauga toku kele ʼuhi ko au,

Pea kapau ʼe tagi taku gaueʼaga,

39 Kapau neʼe au kai noa tona fua,+

Peʼe kapau neʼe au fakalotovaivaiʼi ʼona pule,+

40 Ke homo maʼaku ni ʼakau talatala ʼo fetogi te fulumeto,

Mo he luna ʼe mamanu ʼo fetogi te olose.”

“ ʼE kei au tamasiʼi,

Kae kua matuʼa koutou.+

Koia ʼae neʼe au fakaʼapaʼapa ai ʼo mole au palalau atu,+

Neʼe mole au lava fakaha atu te meʼa ʼae ʼe au iloʼi.

 7 Neʼe au manatu: ‘ ʼE tonu ke palalau muʼa te kau matuʼa,

Ko natou ʼae ʼe lahi ʼonatou taʼu ʼae ʼe tonu ke natou fakaha te poto.’

 8 Kae ʼe ko te laumalie maʼoniʼoni ʼae ʼe foaki e te ʼAtua ki te hahaʼi,

Ia te tuku manava ʼa te Mafimafi, ʼae ʼe ina foaki ki te hahaʼi te ʼatamai.+

 9 ʼE mole maʼu pe te poto ʼi te lahi ʼo te taʼu,

ʼE mole gata pe ki te kau matuʼa te mahino ki te meʼa ʼae ʼe totonu.+

10 Koia ʼae ʼe au ui ai: ‘Fakalogo mai,

Ke au toe fakaha atu mo au te meʼa ʼae ʼe au iloʼi.’

11 Neʼe au talitali ke ʼosi ʼakotou palalau,

Neʼe au fakalogo lelei ki ʼakotou faʼahiga fakakaukau,+

Kae neʼe kotou kumi hakotou faʼahiga tali.+

12 Neʼe au fakalogo lelei kia koutou,

Kae neʼe mole fakaha e he tahi ia koutou ʼe faihala ia Sopo,

Peʼe tali ki ʼana manatu.

13 Koia ʼaua naʼa kotou ui: ‘Neʼe matou maʼu te poto,

ʼE ko te ʼAtua ʼae ʼe ina fakatonutonuʼi ia ia, ʼe mole ko he tagata.’

14 Neʼe mole palalau fakahagatonu mai kia au.

Koia ʼe mole au fakaʼaogaʼi anai ʼakotou manatu moʼo tali ki ai.

15 Kua lotomamahi te ʼu tagata ʼaia, ʼe mole kei natou iloʼi hanatou faʼahiga tali,

ʼE mole kei ʼi ai hanatou manatu.

16 Neʼe au talitali kae neʼe mole toe palalau he tahi,

ʼE natou nonofo noa, ʼo mole gu he tahi.

17 Koia, ko toku temi palalau ʼaeni.

Mo au foki la, ʼe au fakaha atu anai te meʼa ʼae ʼe au iloʼi,

18 He ʼe lahi ʼaku manatu,

ʼE uga au e te laumalie maʼoniʼoni.

19 ʼE hage toku fatu ko te vino ʼae ʼe fakamaʼumaʼu,

ʼE hage ko ni ʼaiʼaga vino foʼou kua vave pa.+

21 ʼE mole au fakapalatahi anai ki he tahi,+

ʼE mole au fakaoloolo anai* he tagata,

22 He ʼe mole au poto ʼi te fakaoloolo ʼo he tahi.

Kapau ʼe au fakaoloolo he tahi, ko Ia ʼae neʼe ina faʼu au ʼe ina matehi anai au ʼi te temi pe ʼaia.

33 “Fakalelei siʼou loto Sopo, kae ʼi te lakaga nei, fagono ki ʼaku palalau,

Fakalogo kia meʼa fuli ʼe au fakaha atu.

 2 Fakalelei siʼou loto, fagono mai! ʼE tonu ke au avahi toku gutu,

Ke au palalau.

 3 ʼE ha ʼi ʼaku palalau te faitotonu ʼo toku loto,+

Pea ʼe fakaha fakamalotoloto e toku gutu te meʼa ʼae ʼe au iloʼi.

 4 ʼE ko te laumalie ʼo te ʼAtua ʼae neʼe ina faʼu au,+

Pea ʼe ko te tuku manava ʼa te Mafimafi ʼae neʼe ina foaki mai te maʼuli.+

 5 Tali mai mo kapau ʼe ke lavaʼi.

Fakaha mai ʼau manatu. Ke ke tokalelei.

 6 Koʼeni, ʼe au hage pe ko koe ia muʼa ʼo te ʼAtua moʼoni,

Mo au foki la, neʼe faʼu au ʼaki te kele.+

 7 Koia ʼaua naʼa ke mataku ʼuhi ko au,

Pea ʼaua naʼa mamafa kia koe ʼaku palalau.

 8 Kae neʼe ke fai te ʼu palalau ʼaeni ʼi ʼoku muʼa,

ʼEi, neʼe au logo tuʼumaʼu ki ai:

 9 ‘ ʼE au maʼa, ʼe mole au lakahala,+

ʼE au haohaoa, neʼe mole au fai he hala.+

10 Kae ʼe maʼu e te ʼAtua ni tupuʼaga ke fakafeagai mai kia au,

ʼE au hage kia ia ko hona fili.+

11 ʼE ina fakamaʼu ʼoku vaʼe ʼaki ni papa,

ʼE ina sivisivi ʼoku ala fuli.’+

14 He ʼe palalau liuliuga te ʼAtua,

Kae ʼe mole tokagaʼi ia e he tahi.

15 ʼE palalau ʼi he moemisi, ʼi he meʼa ʼe ha ʼi te poʼuli,+

Moka mate moe te hahaʼi,

Moka natou momoe ʼi ʼonatou palepale.

16 ʼE palalau ia ki ʼonatou taliga,+

Mo tohi ʼana fakatotonu ʼi ʼonatou ʼatamai,

17 Ke situʼa ai he tahi ki te meʼa ʼae ʼe kovi,+

Mo puipui he tagata mai te fiameʼameʼa.+

18 ʼE haofaki e te ʼAtua tona maʼuli* mai te luo,*+

Mo te fakaʼauha ʼo te heleta.*

19 ʼE toe fakatonutonuʼi foki mo he tagata moka mamahi ʼi tona palepale,

Moka mamahi tuʼumaʼu ʼona hui,

20 Ke fakalialia ai ki te foʼi pane,

Mo toe fakafisi ki te meʼa kai ʼae ʼe kano lelei.+

21 ʼE hifo tona sino ʼo pakoko,

ʼO ha lelei ai ʼona hui.

22 ʼE fakaovi ki te luo,*

Kua ovi tona maʼuli kia natou ʼae ʼe natou fakatupu te mate.

23 Kapau ʼe ʼi ai hana tagata ʼave logo,*

He tagata haofaki ʼi he toko afe,

Ke ina fakaha age te meʼa ʼae ʼe totonu,

24 ʼE fakaha anai e te ʼAtua tona ʼofa kia ia, ʼo ina ui:

‘Taʼofi ia ia ke mole hifo ki te luo!*+

25 Ke lelei age tona sino ʼi tona temi tupulaga,+

Ke toe hage ko te temi ʼae neʼe malohi ai.’+

26 ʼE kole mamahi anai ki te ʼAtua,+ ʼae ka ina fakaha age tona manavaʼofa.

ʼE sio anai ki te fofoga ʼo te ʼAtua pea mo kalaga fakafiafia,

Pea ʼe liufaki anai e te ʼAtua Tana faitotonu ki te tagata.

27 ʼE fakaha anai e* te tagata ʼaia ki ʼona tatau:

‘Neʼe au agahala+ ʼo fai te meʼa ʼae ʼe mole totonu,

Kae neʼe mole au maʼu te meʼa ʼae ʼe tuha mo au.*

28 Neʼe ina totogi toku maʼuli* ke mole tuku au ki te luo,*+

ʼE hoko atu pe anai toku maʼuli.’

29 Koia, ʼe fai liuliuga e te ʼAtua

Te ʼu meʼa fuli ʼaia maʼa he tagata,

30 Ke toe liliu mai mai te luo,*

Ke fakamalamaʼi ia ia e te malama ʼo te maʼuli.+

33 Kapau ʼe mole hau manatu, ʼe tonu ke ke fakalogo mai.

Fakalogologo pea ʼe au akoʼi atu anai te poto.”

 2 “Kotou fagono ki ʼaku palalau, ia koutou ʼae ʼe popoto,

Kotou fagono mai, ia koutou ʼae ʼe lahi te ʼu meʼa ʼe kotou iloʼi.

 3 He ʼe sivi e te taliga te ʼu palalau,

Ohage ko te ʼahiʼahiʼi e te gutu te meʼa kai.

 4 Tou fakafuafua te meʼa ʼae ʼe totonu,

Tou fai fakatahi he tonu pe kotea te meʼa ʼae ʼe lelei.

 5 Neʼe ui e Sopo: ‘ ʼE au tonu au,+

Kae neʼe mole faitotonu te ʼAtua kia au.+

 7 Ko ai ʼae ʼe hage ko Sopo,

ʼAe ʼe ina inu te manuki ohage ko he moʼi vai?

 8 ʼE fakakaugā mo te hahaʼi ʼae ʼe natou fai te meʼa ʼae ʼe kovi,

Mo fakatahi mo te kau agakovi.+

 9 Neʼe ina ui: ‘ ʼE mole he ʼaoga ki he tagata

Ke faiga ʼo fakafiafiaʼi te ʼAtua.’+

ʼE mole feala ia ke agakovi te ʼAtua moʼoni,+

Peʼe ke fai e te Mafimafi he meʼa ʼe kovi!+

11 ʼE ina fakapale anai te tagata ʼo mulimuli ki te meʼa ʼae neʼe ina fai,+

Mo liufaki ki ai te ʼu fua ʼo tana aga.

12 ʼE mahino papau ia, ʼe mole agakovi te ʼAtua,+

ʼE mole fulihi e te Mafimafi te faitotonu.+

13 Ko ai koa ʼae neʼe ina fakanofo ia ia ke pule ki te kele?

Ko ai koa ʼae neʼe ina hinoʼi ia ia ke ina taki te malamanei katoa?

14 Kapau ʼe ina tokagaʼi natou,

ʼO toʼo tonatou maʼuli mo tanatou manava,+

15 ʼE mamate fakatahi fuli anai te hahaʼi,

Mo toe liliu anai te malamanei ki te efu.+

16 Kapau ʼe ke ʼatamai, tokaga fakalelei ki te meʼa ʼaeni,

Fagono fakalelei ki te meʼa ʼae ka au tala atu.

17 ʼE tonu koa ke pule ia ia ʼae ʼe fehiʼa ki te faitotonu?

ʼE ke fakatuʼā anai koa he pule ʼe faitotonu?

19 ʼE ʼi ai te tahi ʼe mole fakapalatahi ki te kau ʼaliki,

Mo fakamaʼuhigaʼi te tagata maʼu koloa ʼi te tagata masiva,*+

He ʼe ko ia ʼae neʼe ina faʼu ia natou fuli.+

20 ʼE feala pe ke natou mamate fakapunamaʼuli+ ʼi te poʼuli,+

Ke natou tekelili mo mamate,

ʼE toe pulihi foki mo te kau pule, kae ʼe mole ko te tagata ʼae ʼe ina fakahoko.+

21 He ʼe sio te ʼAtua ki te aga ʼa te tagata,+

ʼE sio ia ki ʼona lakaʼaga fuli.

22 ʼE mole ʼi ai ni faʼahi fakapoʼuli gaogao

ʼE feala ke fenonoʼi ai te kau agakovi.+

23 He neʼe mole fakatuʼutuʼu e te ʼAtua he temi ki te tagata

Ke ina fakamauʼi ai ia ia.

24 ʼE ina pulihi te kau pule kae mole ina fai ni fekumi

Mo fakanofo ʼihi ʼi ʼonatou tuʼulaga.+

25 ʼE ina iloʼi te meʼa ʼae ʼe natou fai.+

ʼE ina fakahifo natou ʼi te poʼuli pea mo molomoloki.+

26 ʼE ina ta natou ʼuhi ko tanatou agakovi,

Ia muʼa ʼo te hahaʼi fuli,+

27 Koteʼuhi ʼe mole kei natou mulimuli kia te ia,+

Pea ʼe mole natou fakaʼapaʼapa ki te ʼu meʼa fuli ʼae ʼe ina fai.+

28 Pea ʼe tupu ai te kole tokoni ʼa te tagata masiva kia te ia,

ʼO logo ai ki te kalaga ʼa natou ʼae ʼe fakaʼofaʼofa.+

Pe ʼe ko he puleʼaga peʼe ko he tagata, ʼe tatau pe ia.

30 ʼE mole ina fakagafua ke pule he tagata ʼe mole fakaʼapaʼapa ki te ʼAtua,*+

Pe ʼe ke ina fakaheʼi te hahaʼi.

31 ʼE ui anai koa e he tahi ki te ʼAtua:

‘Neʼe tauteaʼi au logo la neʼe mole au agahala.+

32 Fakaha mai te meʼa ʼae neʼe mole au sio ki ai.

Kapau neʼe au fai he meʼa ʼe kovi, ʼe mole au toe fai anai’?

34 ʼE ui mai anai e te ʼu tagata ʼae ʼe ʼatamai,

Ia te ʼu tagata popoto fuli ʼae ʼe logo mai:

35 ‘ ʼE palalau ia Sopo kae ʼe mole ina iloʼi he meʼa,+

Pea ʼe mole fakapotopoto ʼana palalau.’

36 Ke ʼahiʼahiʼi ia Sopo* ki tona gataʼaga,

He ʼe hage ʼana tali ko te ʼu tali ʼa te kau agakovi!

37 Neʼe mole gata ai tana agahala kae neʼe toe agatuʼu,+

ʼE pasipasi vava ʼi ʼomatou muʼa,

Pea mo fai liuliuga ni palalau fakafeagai ki te ʼAtua moʼoni!”+

 2 “ ʼE ke tui papau koa ʼe ke tonu ʼae ʼe ke ui ai:

‘ ʼE au faitotonu age ʼi te ʼAtua’?+

 4 ʼE au tali atu anai

Kia koe mo ʼou kaumeʼa.+

 5 Haga ki te lagi pea ke sio,

Sioʼi te ʼu ʼao+ ʼae ʼe maʼoluga age ia koe.

 7 Pea kapau ʼe ke faitotonu, kotea ʼae ʼe ke foaki kia te ia?

Kotea ʼae ʼe ina maʼu mai ia koe?+

 8 ʼE fua pe tau agakovi ki te tagata ʼae ʼe hage ko koe,

Mo tau faitotonu ki te foha ʼo he tagata.

 9 ʼE pakalaga te hahaʼi ʼi tonatou gaohi koviʼi,

ʼE natou kalaga ke haofaki natou mai te pule* ʼo te kau malolohi.+

10 Kae ʼe mole ui e he tahi: ‘Kofea te ʼAtua, toku Tupuʼaga Lahi,+

Ia ia ʼae ʼe ina uga ke hivaʼi ni hiva lolotoga te poʼuli?’+

11 ʼE ina akoʼi tatou+ ʼo laka age ʼi te ʼu manu ʼo te kele,+

Pea ʼe tou liliu ai ʼo popoto age ʼi te ʼu manulele.

12 ʼE kalaga te hahaʼi kae ʼe mole ina tali,+

ʼUhi ko te fiameʼameʼa ʼa te kau agakovi.+

13 ʼE mahino ia, ʼe mole logo te ʼAtua ki he kalaga ʼe mole hona ʼuhiga,*+

ʼE mole tokagaʼi ia e te Mafimafi.

15 Neʼe mole ina fakatuʼā ia koe ʼi tona hauhau,

Pea mo tokagaʼi tau agatuʼu.+

16 ʼE mole he ʼuhiga ʼo te palalau ʼa Sopo,

ʼE lahi ʼana palalau, kae ʼe mole ina iloʼi he meʼa.”+

 2 “Ke ke toe kataki pe kae au fakamahino atu,

ʼE tonu ke au tala atu te tahi ʼu logo mai te ʼAtua.

 3 ʼE au palalau anai ki te ʼu meʼa fuli ʼae ʼe au iloʼi,

Mo fakamoʼoni ki te faitotonu ʼo Ia ʼae neʼe ina faʼu au.+

 4 ʼE mole loi ʼaku palalau,

Ko Ia* ʼae ʼe ina iloʼi ia meʼa fuli+ ʼe ʼi heni, ʼi ʼou muʼa.

 5 ʼEi, ʼe mafimafi te ʼAtua+ pea ʼe mole ina liʼaki he tahi,

ʼE lahi te ʼu meʼa ʼae ʼe mahino ki ai.

 6 ʼE mole ina haofaki anai te maʼuli ʼo te kau agakovi,+

Kae ʼe ina fakahoko te faitotonu kia natou ʼae ʼe maʼuli mamahi.+

 7 ʼE mole haga kehe ʼona mata mai te kau faitotonu,+

ʼE ina fakanofo natou ko ni hau,*+ pea mo hikihiki natou ʼo talu ai.

 8 Kae kapau ʼe seiniʼi natou,

Mo haʼisia ʼi te ʼu maea ʼo te mamahi,

 9 ʼE fakaha age e te ʼAtua te meʼa ʼae neʼe natou fai,

Mo ʼanatou talagataʼa ʼae neʼe hoko ʼuhi ko tanatou fiameʼalahi.

10 ʼE ina avahi ʼonatou taliga ki te fakatonutonu,

Mo ui age ke natou situʼa ki te meʼa ʼae ʼe kovi.+

11 Kapau ʼe natou fakalogo mo tauhi kia te ia,

ʼE natou fakaʼosi anai ʼonatou ʼaho ʼi te fimalie,

Mo fiafia ʼonatou taʼu.+

12 Kae kapau ʼe mole natou fakalogo, ʼe natou mamate anai ʼi te heleta,*+

ʼE mamate anai kae ʼe mole natou iloʼi he meʼa.

14 ʼE natou mamate kae ʼe kei natou tupulaga,+

ʼE natou maʼuʼuli* mo te ʼu tagata faiaga ʼo te fale lotu.+

15 Kae ʼe haofaki e te ʼAtua* ia natou ʼae ʼe maʼuli mamahi,

ʼE ina avahi ʼonatou taliga moka fakamamahiʼi natou.

16 ʼE ina fakamamaʼo koe mai te mamahi,+

ʼO taki koe ki he koga meʼa laulahi, ʼe mole ʼi ai he fihifihia,+

Pea ʼe mahu te meʼa kai lelei ʼi tou laupapa moʼo fakafimalieʼi koe.+

17 Pea ʼe ke fiafia anai ʼi te fakamau ʼae ka fai ki te kau agakovi,+

Moka fakaha te fakamau pea mo fakahoko te faitotonu.

18 Kae tokaga naʼa taki koe e te ita ki te meʼa ʼae ʼe kovi,+

ʼAua naʼa fakahalaʼi koe ʼaki he meʼa ʼofa lahi neʼe foaki fakakaka atu.

19 ʼE ʼi ai anai koa he fua ʼo tau kole tokoni mo ʼau faiga malohi?

ʼE haofaki anai koa koe mai te lotomamahi?+

20 ʼAua naʼa ke fakaʼamu ki te poʼuli,

Te temi ʼae ʼe pupuli ai te hahaʼi ʼi ʼonatou nofoʼaga.

21 ʼAua naʼa ke fai te meʼa ʼae ʼe kovi,

Kae kataki ʼo tauʼi te malaʼia.+

22 ʼE maʼoluga te ʼAtua ʼuhi ko tona mafimafi,

Ko ai te faiako ʼae ʼe hage ko ia?

23 Ko ai ʼae ʼe feala ke ina puleʼi* tana aga,+

Peʼe ina ui age: ‘ ʼE kovi te meʼa ʼae neʼe ke fai’?+

24 Manatuʼi ʼo vikiʼi tana gaue,+

ʼAe neʼe fakavikiviki ki ai te ʼu tagata ʼi ʼanatou hiva.+

25 Neʼe sisio ki ai te hahaʼi fuli,

ʼE sio ki ai te tagata mai mamaʼo.

26 ʼEi, ʼe mole tou lava mahino ki te maʼoluga ʼo te ʼAtua,+

ʼE mole malau te lahi ʼo ʼona taʼu.+

27 ʼE ina tanaki te ʼu mosiʼi vai,+

He ʼe liliu ai te kakapu ko te ʼua,

28 Pea ʼe tuku leva e te ʼu ʼao ke to te ʼua,+

ʼO to lahi ai ki te hahaʼi fuli.

29 Ko ai koa ʼae ʼe lava mahino ki te ʼu ʼao,

Pea mo te mana ʼae ʼe haʼu mai tona fale la?+

30 Koʼeni ʼe ina fakatuʼu ai te hila,*+

Mo ʼuʼufi te takele ʼo te tai.

31 ʼAki te ʼu meʼa ʼaia, ʼe ina fakamaʼuli te hahaʼi,

ʼE ina foaki lahi ai tanatou meʼa kai.+

32 ʼE ina ʼuʼufi te hila ʼaki ʼona nima,

ʼO fakahagahaga ki te potu ʼae ʼe loto ki ai.+

33 ʼE fakaha e te mana tana haʼu,

ʼE toe fakaha pe e te faga manu ia ia ʼae ka haʼu.*

37 “ ʼE ta toku mafu ʼi taku sio ki te ʼu meʼa ʼaia,

Pea ʼe mole kei nofo maʼu ai.

 2 Kotou fakalogo lelei ki tona leʼo,

ʼE hage ko te ʼuʼulu ʼo te mana.

 3 ʼE pa ʼi te lagi katoa,

ʼE tapa tana hila+ ʼo kaku ki te ʼu potu taupotu ʼo te kele.

 4 ʼOsi ʼaia pea ʼe logo ki he toe logoaʼa,

ʼE fakaofoofo tona leʼo,+

Pea ʼe mole ina taʼofi te malohi ʼo tona leʼo.

 5 ʼE fakamanavahe te leʼo ʼo te ʼAtua ohage ko te mana,+

ʼE ina fai ni meʼa lalahi ʼe faigataʼa tatatou mahino ki ai.+

 7 ʼE fakagata e te ʼAtua te gaue fuli ʼa te tagata,

Ke iloʼi e te hahaʼi fuli Tana gaue.

 8 ʼE olo te ʼu manu ʼo te vao ki ʼonatou nofoʼaga,

Pea ʼe natou nonofo ʼi ʼonatou ʼana.

 9 ʼE afā mai tona koga fale,+

Mo haʼu te momoko mai te ʼu matagi ʼo te potu noleto.+

10 ʼI te manava ʼa te ʼAtua, ʼe faʼu ai te ʼaisi,+

Pea ʼe ʼaisi te ʼu koga meʼa ʼae ʼe mafola ai te vai.+

11 ʼEi, ʼe ina fakafonu te ʼu ʼao ʼaki te vai,

Mo fakatapa tana hila+ ʼi te ʼu ʼao.

12 ʼE feoloʼaki ʼo mulimuli ki ʼana fakatuʼutuʼu,

ʼO fakahoko ai ki te kele ia meʼa fuli ʼae neʼe fakatotonu age.+

13 ʼE ina fakahoko te ʼu meʼa ʼaia moʼo tauteaʼi+ ʼo ʼihi, peʼe moʼo palapalaʼi ʼo te kele,

Peʼe moʼo fakaha ʼo tona ʼofa agatonu.+

14 Sopo, fagono ki te ʼu meʼa ʼaeni!

Tuʼu muʼa ʼo fakakaukauʼi lelei te ʼu gaue fakaofoofo ʼa te ʼAtua.+

15 ʼE ke iloʼi koa pe ʼe takitaki feafeaʼi e te ʼAtua te ʼu ʼao,

Peʼe feafeaʼi tana fakatapa te hila ʼi tona ʼao?

17 He koʼe ʼe mafana ʼou teu

Moka ʼe tokalelei te kele ʼuhi ko te matagi ʼo te potu saute?+

18 ʼE feala koa ke ke folahi mo ia te lagi,*+

ʼO fakamalohi ke hage ko he sioʼata ukamea?

19 Fakaha mai pe kotea ʼae ʼe tonu ke matou tala ki ai,

ʼE mole feala ia ke matou tali ki ai he ʼe matou nonofo ʼi te fakapoʼuli.

21 ʼE mu malohi te malama* ʼi te lagi,

Kae ʼe hoki feala pe ke sisio ki ai te hahaʼi

Moka agi te matagi ʼo puli ai te ʼu ʼao.

22 ʼE haʼu mai te potu noleto he malama ʼe gigila ohage ko te aulo,

ʼE fakaofoofo te ʼalikisia ʼo te ʼAtua.+

23 ʼE mole feala ia ke tou mahino ki te Mafimafi,+

ʼE lahi ʼaupito tona malohi,+

ʼE mulimuli tuʼumaʼu ki te meʼa ʼae ʼe totonu+ pea mo tana faitotonu.+

 2 “Ko ai ʼae ʼe ina ʼave keheʼi taku tokoni,

Kae ʼe palalau ki te meʼa ʼae ʼe mole ina iloʼi?+

 3 Fakalelei siʼou loto, ke ke teuteu ohage ko he tagata malohi,

ʼE au fakafehuʼi anai koe pea ʼe ke fakamahino mai.

 5 Ko ai ʼae neʼe ina fai ʼona fuafua? Fakaha mai mo kapau ʼe ke iloʼi.

Ko ai ʼae neʼe ina faoʼi he maea moʼona fakafuafua?

 6 Neʼe hili ʼona pou kitea,

Pea ko ai ʼae neʼe ina fakatuʼu tona maka agele?+

 7 Neʼe kalaga fakafiafia fakatahi ai te ʼu fetuʼu ʼo te uhu,+

Pea mo kalaga fakafiafia te ʼu foha fuli ʼo te ʼAtua.*+

 8 Ko ai ʼae neʼe ina pupunu te tai ʼaki ni matapa+

Moka mapuna mai te fatu,

 9 Moka au fakakofu ʼaki ni ʼao

Mo ʼaofi* ʼaki te fakapoʼuli gaogao,

10 Moka au fakatuʼu ki ai he tuʼakoi,

Mo ʼai ki ai ni ʼakau fakamaʼu mo ni matapa,+

11 ʼO au ui age ki ai: ‘ ʼE feala ke ke kaku mai ki heni, kae ʼe mole tonu ke ke fakalaka,

ʼE gata ʼi heni ʼau peau fialahi’?+

12 Neʼe kua ke fai koa ni fakatotonu ki te uhu,

Peʼe ke fakaha ki te mafoata tona tuʼuʼaga,+

13 Ke ina puke te ʼu potu taupotu ʼo te kele,

Pea ke kapu ai te kau agakovi?+

14 ʼE liliu te kele ohage ko he potu kele kua fakailoga ʼaki he mama,

Pea ʼe ha lelei ʼona agaaga ohage ko he kofu.

15 Kae kua toʼo te malama ʼo te kau agakovi,

Pea ʼe fasi ʼonatou nima ʼae ʼe hiki.

16 Neʼe kua ke hifo koa ʼo kaku ki te matapuna ʼo te tai,

Mo ʼevaʼeva ʼi te ʼu vai loloto?+

17 Neʼe kua ke sio koa ki te ʼu matapa ʼo te mate,+

Pe neʼe kua ke sio koa ki te ʼu matapa ʼo te fakapoʼuli gaogao?+

Pea ʼe nofo ʼifea te fakapoʼuli,

20 Ke ke taki foki naua ki tonā fenua,

Pea mo ke iloʼi ai te ʼu ala ʼae ki tonā nofoʼaga?

21 Neʼe kua ke tupu koa ke ke iloʼi?

Kua lahi koa ʼou taʼu?

22 Neʼe kua ke alu koa ki te ʼu tanakiʼaga nive,+

Peʼe kua ke sio koa ki te ʼu tanakiʼaga ʼuamaka,+

23 ʼAe ʼe au tanaki ki te temi ʼo te mamahi,

Ki te ʼaho ʼo te tau?+

24 ʼE ʼifea te ala ʼae ʼe ha ai te malama,*

Pea ʼe agi maifea te matagi ʼo te potu esite ki te kele?+

25 Ko ai ʼae neʼe ina keli he tafega vai ki te lomaki,

Mo tofa he ala ki te afā mo ʼona ʼao pea mo tana mana,+

26 Ke to ai te ʼua ki te koga meʼa ʼae ʼe mole nofoʼi e he tahi,

Ki te toafa ʼae ʼe mole nofoʼi e he tagata,+

27 Ke tupu ai te fakavai ʼo te ʼu kele ʼae kua maumau,

Pea ke homo ai te luna?+

28 ʼE ʼi ai koa he tamai ʼo te ʼua,+

Pea ko ai ʼae neʼe ina fakatupu te ʼu mosiʼi hahau?+

29 ʼE haʼu te ʼaisi mai te fatu ʼo ai,

Pea ko ai ʼae neʼe ina fanauʼi te ʼaisi ʼo te lagi,+

30 Moka ʼaofi te vai ohage ko tona ʼaofi e he foʼi maka,

Pea moka kua ʼaisi te fuga vai loloto?+

31 ʼE ke lava haʼi koa te ʼu maea ʼo te pupuga fetuʼu ʼo Kima,*

Pea mo veteki te ʼu maea ʼo te pupuga fetuʼu ʼo Kesile?*+

32 ʼE ke lava fakamavae koa he pupuga fetuʼu* ʼi tona temi totonu,

Peʼe taki te pupuga fetuʼu ʼo Ase* mo ʼona foha?

33 ʼE ke iloʼi koa te ʼu lao ʼae ʼe ina takitaki te lagi,+

Peʼe ke lava fakamaʼua koa ki te kele ke mulimuli ki te ʼu lao ʼaia?*

34 ʼE ke lava kalaga koa ke logo tou leʼo ki te ʼu ʼao,

Ke to ai he ʼu ʼua lalahi kia koe?+

36 Ko ai ʼae neʼe ina tuku te poto ki te ʼu ʼao,*+

Pea mo foaki te mahino ki te ʼu meʼa fakaofoofo ʼo te lagi?*+

37 Ko ai ʼae ʼe feʼauga tona poto ke tupu ai hana lau te ʼu ʼao,

Pea ko ai ʼae ʼe feala ke ina huaʼi te ʼu ʼaiʼaga vai ʼo te lagi,+

38 Moka liliu te efu ko he vai tafe pela,

ʼO pipiki tahi ai te ʼu potu kele?

39 ʼE ke lava kumi koa he meʼa kai ʼa he laione

Peʼe fafaga te ʼu ʼuhiʼi laione ke makokona ai,+

40 Moka natou nonofo ʼi ʼonatou ʼana

Peʼe natou fenonoʼi ʼi ʼonatou nofoʼaga ke natou ʼohofi he manu?

41 Ko ai ʼae ʼe ina teuteuʼi he meʼa kai maʼa te kolopo,+

Moka tagi ʼona ʼuhi ki te ʼAtua,

Pea mo feoloʼaki haʼele koteʼuhi ʼe mole he meʼa kai?

 3 ʼE natou sisike ke fanauʼi ʼonatou ʼuhi,

Pea ʼe gata ai ʼonatou mamahi.

 4 ʼE malolohi ʼonatou ʼuhi ʼo lalahi ake ʼi te vao,

ʼE natou olo pea ʼe mole natou toe liliu mai ki ʼanatou faʼe.

 5 Ko ai ʼae neʼe ina tuku ke alu te asino vao,+

Pea mo veteki ʼona maea?

 6 Neʼe au fakanofo ia ia ʼi te toafa,

Pea ʼe ko te kele kona ko tona nofoʼaga.

 7 ʼE fehiʼa ia ki te logoaʼa ʼo te kolo,

ʼE mole logo ia ki te ʼu kalaga ʼa te tagata taki manu.

 8 ʼE ina foli te ʼu kiʼi moʼuga ʼo kumi he koga meʼa lunaʼia,

ʼO kumi he ʼakau pe ke ina kai.

10 ʼE ke haʼi anai koa he vitulo vao ʼaki he maea ke ina fuli te kele,

Peʼe mulimuli anai koa ia koe moʼo gaueʼi* he potu fenua laulelei?

11 ʼE ke falala anai koa koe ki te lahi ʼo tona malohi,

Mo foaki age ki ai te ʼu gaue kinakina?

12 Peʼe ke falala anai koa ki ai moʼo tanaki tau taʼukai,

ʼO ʼave ki tou hahaʼaga fulumeto?

13 ʼE folahi fakafiafia e te otulusi ʼona pakakau,

Kae ʼe feala koa ke fakatatau ʼona pakakau mo ʼona fuluʼi otulusi ki ʼae ʼo te motuku?+

14 ʼE ina fakato ʼona fua ki te kele,

Mo fakamafana ai ʼi te efu.

15 ʼE galo kia ia ʼe feala ke haʼeleʼi e he tahi,

Peʼe ke molomoloki e he manu ʼo te vao.

16 ʼE agafefeka ki ʼona ʼuhi, ohage ia ʼe mole ʼa ia,+

ʼE mole tuʼania ia naʼa vaʼiganoa tana gaue.

17 Neʼe mole foaki age ki ai e te ʼAtua te poto,

Pea mo foaki age he ʼatamai.

18 Kae ka tuʼu ake ʼo folahi ʼona pakakau,

ʼE ina vaʼi te hosi mo ia ʼae ʼe heka ai.

21 ʼE patato ʼona vaʼe ʼi te potu fenua laulelei pea ʼe lahi tona fiafia,+

ʼE lele ia ki te tau.+

23 ʼE logo ki te ʼi ʼo te ʼaiʼaga nahau ki tona kia,

ʼE tapa gigila te tao mo te savelo.

24 ʼE hoha ʼi tana lele ki te tau,

ʼE mole feala ke haganoa ʼi tana logo* ki te pupuhi ʼo te fakatagi pupuhi.

Mai mamaʼo kua manava ia ki te tau,

ʼE logo ia ki te ʼu kalaga ʼa te kau pule solia pea mo te kalaga tau.+

26 ʼE lele koa te fokone* ʼuhi ko tou ʼatamai,

ʼI tana folahi ʼona pakakau ki te potu saute?

27 ʼE malaga koa te akuila ʼuhi ko tau fakatotonu,+

Pea mo fai tona moeʼaga ʼi te ʼu potu maʼoluga,+

28 Mo nofo ʼi te poʼuli ʼi te mata mato,

Mo fai tona nonoʼaga ʼi he ʼutu?

29 Mai te potu ʼaia, ʼe ina kumi tana meʼa kai,+

ʼE sio mamaʼo ʼona mata.

30 ʼE inu e ʼona ʼuhi te toto,

Pea ʼi he potu pe ʼe leta ai ni sino mate, ʼe nofo ai.”+

 5 Neʼe au palalau tuʼa tahi, kae ʼe mole au toe tali anai,

Tuʼa lua, kae ʼe mole au toe palalau anai.”

 7 “Fakalelei siʼou loto, ke ke teuteu ohage ko he tagata malohi,

ʼE au fakafehuʼi anai koe pea ʼe ke fakamahino mai.+

 9 ʼE malohi koa tou nima ohage ko te nima ʼo te ʼAtua moʼoni?+

ʼE gugulu koa tou leʼo ohage ko tona leʼo?+

10 Fakalelei siʼou loto, ke ke teuteuʼi ia koe ʼaki te kololia mo te ʼalikisia,

Ke ke kofuʼi te maʼuhiga pea mo te taulekaleka.

11 Tuku ke hoko tou hauhau,

Sio ki te tagata fialahi fuli mo ke fakamalaloʼi ia ia.

12 Sio ki te tagata fialahi fuli mo ke fakalainoaʼi ia ia,

Pea ke molomoloki te kau agakovi ʼi te ʼu potu ʼae ʼe nonofo ai.

13 Fufu ia natou fuli ʼi te efu,

Seiniʼi natou ʼi te potu ʼae ʼe ʼū.

14 Pea ʼe au fakamoʼoni anai mo au,*

ʼE feala ke haofaki koe e tou nima mataʼu.

16 Sio ki te malohi ʼo ʼona vaʼe,

Mo te malohi ʼo te ʼu ivi ʼo tona fatu!

17 ʼE ina fakafefeka tona hiku ohage ko he fuʼu sete,

Pea ʼe feuluʼaki te ʼu ivi ʼi ʼona alaga.

18 ʼE hage ʼona hui ko ni pou kapa,

Pea ʼe hage ʼona koga sino ko ni potu ukamea.

19 ʼE ko ia te ʼuluaki* ʼi te ʼu gaue ʼa te ʼAtua.

Ko Ia tokotahi pe ʼae neʼe ina fakatupu ʼe feala ke fakaovi ki ai mo tana heleta.

20 ʼE maʼu ʼi te ʼu moʼuga he meʼa kai maʼa ia,

Pea ʼe gaoʼi fuli ai te ʼu manu ʼo te vao.

21 ʼE takoto ia ʼi te ʼu lalo fuʼu lotusi,

ʼI te malumalu ʼo te ʼulu kaho ʼi te ʼu foʼi vai.

22 ʼE fakamalumalu ia ia e te ʼu fuʼu lotusi,

Pea ʼe ʼa takai ia ia e te ʼu fuʼu sole ʼae ʼi te vai tafe.*

24 ʼE feala koa ki he tahi ke ina puke kae ʼe ina sioʼi?

ʼE feala koa ki he tahi ke ina pūhi tona ihu ʼaki he mātaʼu?

41 “ ʼE ke lava puke koa ia Leviatane*+ ʼaki he mātaʼu,

Peʼe ke lava haʼi tona ʼalelo ʼaki he maea?

 2 ʼE feala koa ke ke tuiʼi he maea* ʼi ʼona poga ihu,

Peʼe pūhi ʼona kaugao ʼaki he mātaʼu?*

 3 ʼE tuʼa lahi anai koa hana lauga atu,

Peʼe palalau agalelei atu anai?

 4 ʼE ina fai anai koa he fuakava mo koe,

Ke liliu ai ko hau kaugana ʼi tona maʼuli katoa?

 5 ʼE ke gaoʼi anai koa mo ia ohage ko hau gaoʼi mo he manulele?

ʼE ke haʼi anai koa ʼaki he maea moʼo fakagaoʼi ʼaki ʼau kiʼi taʼahine?

 7 ʼE ke fana anai koa tona kili ʼaki ni kauʼi nahau?+

ʼE ke huki anai koa tona ʼulu ʼaki ni tao?

 8 Hili tou nima ki ai,

ʼE ke manatuʼi anai tau fetau mo ia pea ʼe mole ke toe fai anai!

12 ʼE mole au nofo fakalogologo anai ʼo ʼuhiga mo ʼona koga sino,

Mo tona malohi, pea mo te taulekaleka ʼo tona faʼu.

15 ʼI tona tuʼa ʼe fakaʼatu ai ʼona ʼuno,*

ʼE pipiki maʼu fakatahi.

16 ʼE fehokohokoleleiʼaki ʼae ki ʼae

Ke mole feala ai he ulu ʼo te ʼaele.

17 ʼE fepipikitahiʼaki,

ʼE mole feala ia ke mavete.

18 Ka mafatua, ʼe hage ʼe tapa te malama,

Pea ʼe hage ʼona mata ko te ʼu kave ʼo te laʼa ʼi te mafoata.

19 ʼE mavae mai tona gutu ni hila,

Pea ʼe mafisifisi.

20 ʼE puhiʼi mai te kohu mai ʼona poga ihu,

Ohage ko he gutuʼumu ʼe hokohokoʼi ʼaki ni kaho.

21 Ka manava ʼe ulo te ʼu mamala,

Pea ʼe haʼu he afi mai tona gutu.

22 ʼE malohi ʼaupito tona kia,

Pea ʼe matataku ia natou fuli ʼae ʼe felaveʼi mo ia.

23 ʼE fefeka tona kili,

Ohage ko he lauʼi ukamea ʼe mole feala ke gaugaue.

24 ʼE fefeka tona mafu ohage ko he foʼi maka,

ʼEi, ʼe fefeka ohage ko he maka momosi fulumeto.

25 Ka tuʼu ake, maʼia mo te kau malolohi ʼe matataku,

Ka tapalutu ʼi te vai, ʼe tupu ai tanatou lotovaivai.

26 ʼE mole feala ke malo he tahi ia ia mo tana heleta,

Peʼe ko he tao, peʼe ko he kauʼi nahau.+

27 ʼE hage kia ia te ukamea ko he luna,

Pea ʼe hage te kapa ko he ʼakau popo.

28 ʼE mole hola ia moka fanahi ʼaki he kauʼi nahau,

Ka tukiʼi, ʼe hage kia ia te ʼu maka ʼo te makamaka ko he luna moamoa.

29 ʼE hage kia ia te koga ʼakau ko he luna moamoa,

Pea ʼe ina vaʼi te logoaʼa ʼo te tao.

30 ʼE hage ʼe teuteuʼi tona fatu ʼaki ni kogaʼi ipu masila,

ʼE takoto ia ʼi te pela ohage ko te saliote ʼae ʼe molomoloki ʼaki te fulumeto.+

31 ʼE ina fakapohu te tai ohage ko te fakapula ʼo he kulo,

ʼE hou te tai moka ulu ki ai ohage ko te natu ʼo he kulo fai lolo magoni.

33 ʼE mole ʼi ai hona fakatatau ʼi te kele,

Ko he manu ia neʼe fakatupu ke mole mataku ki he meʼa.

 2 “ ʼI te temi nei, kua au iloʼi ʼe ke fealagia ia meʼa fuli,

ʼE mole faigataʼa kia koe te fai ʼo meʼa fuli ʼe ke loto ki ai.+

Neʼe au palalau, kae neʼe mole au mahino

He ʼe ko ni meʼa fakaofoofo kia au, ni meʼa ʼe mole au iloʼi.+

 5 Neʼe logo ʼoku taliga ki te palalau ʼo ʼuhiga mo koe,

Kae ʼi te temi nei, kua au sio tonu kia te koe.

 6 Koia kua au iloʼi taku hala,+

ʼE au fakahemala ai, ʼo nofo ki te efu mo te lefulefu.”+