Palalau Fakaʼosi

Kei ke manatuʼi koa te ʼu temi fakafiafia ʼae neʼe ke fakatahi ai mo te hahaʼi ʼa te ʼAtua? Neʼe lagi ko he fono fakalotomalohi, he fakatahi lahi fakafiafia, he aluʼaga neʼe ke leleiʼia ʼi te minisitelio, peʼe ko hau faipalalau mo he tahi ʼi ʼou tehina mo tuagaʼane. Neʼe mole galo kia koe ia Sehova. ʼO toe feia pe mo ia, neʼe mole ina galoʼi ia koe pea mo tau gaue agatonu. Pea ʼe fia tokoni atu ke ke toe liliu mai kia te ia.

ʼE ui fenei e Sehova: “E au tokaga totonu anai ki aku ovi, pea e au lau anai natou. E au tokaga anai o tanaki taku faga ovi o hage ko te fai a he tagata tauhi manu moka sio ia ia kua mavete katoa tana faga manu. E au alu anai o kumi mai aku ovi, i te u kogamea fuli ae nee natou mavetevete ki ai.”—Esekiele 34:11, 12.