Tohi ʼo Te ʼu Fakamanatu ʼo Te Ako ʼo Te Minisitelio Faka Teokalatike
Ko te fakamanatu ʼo te ʼu puani neʼe vakaʼi ʼi te lolotoga ʼo te Ako ʼo te minisitelio faka teokalatike ʼo te vāhaʼa 1 ʼo Sanualio ki te vāhaʼa 22 ʼo ʼApelili 1996. Koutou tali ʼo tohi ki he laupepa te ʼatu ʼu tali ʼo te ʼu fehuʼi ʼe koutou fealagia tona tali ʼi te kiʼi temi neʼe tuku mai.
[Nota: ʼI te lolotoga ʼo te fakamanatu, koutou fakaʼaogaʼi pe te Tohi-Tapu. Ko te ʼu kumiʼaga ʼaē ʼe foaki ʼi te ʼu fakaʼosi fehuʼi ʼe faka faigafua ki ʼakotou ʼu kumi takitokotahi. Ko te ʼu numelo ʼo te ʼu pasina pea mo te ʼu palakalafe ʼe mole fakahā tuʼumaʼu pe ki te ʼu kumiʼaga ʼo Te Tule Leʼo.]
Koutou tohi “moʼoni” peʼe “hala” ʼi te ʼosi ʼo te ʼu kupuʼi palalau ʼaenī:
1. Neʼe lotomamahi ʼaupito te tēhina ko Russell ʼi tana mole hake ʼaē ki selo ʼi te taʼu 1914. [jv p. 62 § 3]
2. Ko te ʼu palalau ʼaē neʼe fai e Tavite ia 1 Fakamatala 16:31 ʼe hā ʼaki ai, logope la ko Sehova ʼe pule talu mai te kamataʼaga, kae ʼi ʼihi temi neʼe ina fakahā tona ʼuhiga pule ʼi he ʼu ʼaluʼaga makehe, pea ko te tupuʼaga la ʼaia ʼo tana ʼui ʼaē ‘kua liliu ko te hau.’ [Lau ʼo te Tohi-Tapu; vakaʼi te w85 15/12 p. 11.]
3. Ko te “fafine ʼaē neʼe ʼohoana mo te ʼu foha ʼo Tani” neʼe toe ʼohoana foki mo te tagata ʼo te telepi ʼo Tani. (2 Fkma. 2:14) [Lau ʼo te Tohi-Tapu; vakaʼi te w75 1/08 p. 31.]
4. ʼI te Lua tohi ʼo te Fakamatala 16:14 ʼe ʼui ai neʼe tutu te hau ko Asa. [Lau ʼo te Tohi-Tapu; vakaʼi te w76 p. 608.] ʼE hala. Ko “te meʼa ʼaē neʼe tutu ʼi tona ʼavaifo” neʼe ko te ʼu meʼa magoni, kae mole ko tona sino.
5. Ia Luka 11:51, ʼe mahino ia neʼe talanoa ia Sesu ki te taumakaʼi ʼo Sakalia, te foha ʼo Seoiata. (2 Fkma. 24:20, 21) [Lau ʼo te Tohi-Tapu; vakaʼi w80 1/6 p. 31.]
6. Ko te fehuʼi ʼo ʼuhiga mo te pule faʼitaliha, ʼe mahino ia ʼe ko he fehuʼi neʼe lagaʼi ke ʼiloʼi ai pe ko ai ʼaē ʼe mālohi age ia Sehova pea mo Satana. [jv pp. 11-12]
7. Ko te kokelekasio faka Kilisitiano ʼo te ʼuluaki sēkulō, neʼe ko he ʼu kokelekasio neʼe mole nātou felogoi tahi pea neʼe nātou tahi fai pe te meʼa ʼaē neʼe nātou loto kiai. [jv p. 29 §§ 1-3]
8. Ko te ʼu kupu ʼaē ko te “tagata taupau” pea mo “tagata ʼāfea,” ʼe faka ʼuhiga ki te tuʼulaga pe e tahi. [jv p. 35 vakaʼi te kiʼi nota ʼo te lalo pasina]
9. Ko te tokolahi ʼi te kau ʼuluaki Kilisitiano neʼe nātou fagonogono, tatau aipe pe neʼe tonu ke nātou mamate ai, koia ko te kupu faka Keleka “fakamoʼoni” ʼe faka ʼuhiga ki te hahaʼi ʼaē neʼe nātou tali ke nātou mamate ʼuhi ko tanatou tui. [jv p. 13]
Koutou tali ki te ʼu fehuʼi ʼaenī:
10. Koutou fakahā he ʼu higoa e tolu ʼo ni kau Fakamoʼoni ʼa Sehova neʼe nātou maʼuʼuli ʼi muʼa ʼo te hoko ʼo te Tulivio. [jv pp. 13-14]
11. ʼO mulimuli kia Isaia 43:10 pea mo Isaia 61:1, 2, koteā te ʼu tupuʼaga e lua ʼaē neʼe tonu ai kia Sesu ke liliu ko he Fakamoʼoni ʼa Sehova? [jv p. 19 § 4]
12. Kapau ko te kau Sutea ʼaē neʼe liliu ko te kau Kilisitiano ki muli mai neʼe kua nātou ʼiloʼi te huafa ʼo te ʼAtua, koteā tona faka ʼuhiga ʼi te ʼui ʼaē neʼe fakahā e Sesu te huafa ʼo te ʼAtua kia nātou? [jv p. 21 § 1]
13. Koteā te ʼu fetogi maʼuhiga e lua ʼaē neʼe hoko ʼi te kokelekasio ʼi te vaha ʼo te ʼu taʼu e 150, peʼe ʼi te hili ʼo te mate ʼo te kau ʼapositolo? [jv p. 35 § 2, p. 36 § 2]
14. Koteā te akonaki hala ʼaē neʼe fakafisi kiai ia Charles Taze Russell ʼi tana kei tūpulaga? [jv p. 43 § 2]
15. Logope la ko te Réforme neʼe ina fakahoko he ʼu meʼa ʼe lelei, koutou fakahā te ʼu hala tāfito e lua ʼaē neʼe taupau e te ʼu ʼēkelesia Polotesita mai te ʼēkelesia Katolika. [jv p. 39 §§ 2, 3]
16. Koteā ʼaē neʼe kehekehe ai te ʼu akonaki faka Tohi-Tapu ʼa te tēhina ko Russell pea mo te kau tagata faitohi ʼo tona temi? [jv p. 54 § 1]
17. ʼAki he lototoʼa, koteā te meʼa neʼe fakatuʼutuʼu e te tēhina ko Russell pea mo tana ʼu kaugā gāue ke nātou fai ʼi te taʼu 1912? [jv p. 60 § 1, vakaʼi te kiʼi nota ʼo te lalo pasina]
18. Koteā te meʼa neʼe hā ʼaki te ʼu ʼahiʼahi ʼaē neʼe hoko ki te kau Ako ʼo te Tohi-Tapu ʼi te taʼu 1914 ʼo aʼu ki te taʼu 1918? [jv p. 61 § 1] Neʼe hā ai peʼe nātou ʼoʼofa moʼoni ki te ʼAtua ʼi tonatou loto; peʼe nātou taupau mālohi anai te moʼoni peʼe kailoa. (ʼE feʼauga pe ʼi te manatu tāfito)
19. He koʼe neʼe fai te tohi ʼo Fakamatala? [si p. 72 § 2]
20. ʼO mulimuli kia 2 Hau 19:32, 33, neʼe feafeaʼi te tāʼofi ʼo te hau ʼo Asilia ke ʼaua naʼa hū ki Selusalemi? [Lau ʼo te Tohi-Tapu; vakaʼi te w88 15/2 p. 28.]
21. Koteā ʼaē ʼe feala ke tou tāʼofi ʼi te meʼa ʼaē neʼe hoko kia Tavite mo Hanuni ia 1 Fakamatala 19:2-4? [Lau ʼo te Tohi-Tapu; vakaʼi te w73 p. 702.]
22. ʼE tokoni feafeaʼi mai kia tatou te vaevae ʼo te ʼu pelepitelo ko kalasi e 24, ke tou ʼiloʼi ai pe ko ai “te ʼu tagata ʼāfea” ʼaē ʼe talanoa kiai ia Fakahā 4:4? (1 Fkma. 24:4) [Lau ʼo te Tohi-Tapu; vakaʼi te w73 p. 287.]
23. ʼE faka ʼuhiga feafeaʼi te vaega ʼo 1 Fakamatala 29:5 ki te hahaʼi ʼa Sehova ia ʼaho nei? [Lau ʼo te Tohi-Tapu; vakaʼi te w90 1/7 p. 31.]
Koutou māpunuʼi te ʼu kiʼi lapalasi hina ʼaē ʼe tukunoa ʼi te ʼu kupuʼi palalau ʼaenī:
24. Ko nātou ʼaē neʼe fai kiai e Sesu tana ʼu palalau ia Gāue 1:8 neʼe ko te kau fakamoʼoni ʼa ․․․․․․․․ , pea kua nātou maʼu ʼi te temi ʼaia te tahi pilivilesio ʼaē ko te liliu ko he kau fakamoʼoni ʼa ․․․․․․․․ . [jv p. 26 §§ 1, 2]
25. Neʼe ʼiloʼi papau e te tēhina ko Russell ko te toe liliu mai ʼa Kilisito ʼe ․․․․․․․․ anai, pea ʼe feala ke tou tokagaʼi ʼi muʼa atu ʼo Russell, neʼe tohi fēnei e Isaac Newton ko te toe liliu mai ʼa Kilisito pea mo tana ʼafio ʼe ․․․․․․․․ . [jv p. 46 vakaʼi te kiʼi nota ʼo te lalo pasina]
26. Ko te Lotu Faka Kilisitiano neʼe ʼiloa ohage ko ․․․․․․․․ koteʼuhi neʼe ko he ala, peʼe ko he faʼahiga maʼuli neʼe fakatafito ki te tui ʼaē kia Sesu pea mo te mulimuli lelei ki tona ʼu tafuga vaʼe. [jv p. 29 § 5]
27. Neʼe fakaʼaogaʼi e Mateo pea mo Luka te ʼu hōloga ʼaē ʼe tuʼu ʼi te tohi ʼo te ․․․․․․․․ moʼo fakahā fakalelei ko Sesu ʼaē ko te Mesia. [si p. 75 § 23]
Koutou fakaʼiloga te ʼu tali ʼaē ʼe tonu ʼi te ʼu fakamatala ʼaenī:
28. Ko nātou ʼaē neʼe ʼōmai “kia Tavite ʼo tokoni kia ia” neʼe (ʼōmai ʼuhi pe ko tanatou manatu ʼaē kia nātou; neʼe nātou fili ʼi tonatou loto katoa ke nātou lagolago ki te tuʼulaga hau ʼo Tavite; neʼe ko te ʼu hahaʼi fakafeagai). (1 Fkma. 12:22) [Lau ʼo te Tohi-Tapu; vakaʼi te w83 1/6 p. 18.]
29. Ko “te lafeti” ʼaē ʼe talanoa kiai, ʼe ko te Lafeti ʼo te ʼu (Fale lau; ʼo te ʼu Vāhaʼa; ʼo te Pane mole hona meʼa Fakatupu). (2 Fkma. 7:8) [Lau ʼo te Tohi-Tapu; vakaʼi te pm p. 50.]
30. Neʼe fakaʼosi e Esitalasi tana tohi ʼo te Fakamatala ʼi te fakaōvi ki te taʼu (515; 460; 537) ʼi muʼa ʼo totatou temi [si p. 75 § 1)]
Fakatahiʼi te ʼu kupuʼi palalau ʼaenī pea mo te ʼu vaega ʼaē ʼe hoa mai:
1 Fkma. 9:26, 27; 2 Fkma. 9:9; 2 Fkma. 19:7; 2 Fkma. 28:16, 20, 21; 2 Hau 25:19-22
31. Ko te kau Levite ʼaē neʼe nātou leʼoleʼo te ʼu matapā neʼe nātou maʼu te gāue neʼe mole foaki ki he tahi kehe age. [Lau ʼo te Tohi-Tapu; vakaʼi te w88 1/12 p. 21.]
32. ʼE lagolago te Alekeolosia ki te ʼui ʼaē, ko te hau Sutea ʼaē neʼe ʼaunofo ʼi Papiloni neʼe fakamavae mai te pilisoni pea neʼe foaki age ki ai he meʼa kai. [Lau ʼo te Tohi-Tapu; vakaʼi te gm p. 48.]
33. Ko te pipiki ki te ʼu meʼa ʼo te mālama ʼaē ʼe mole ʼaoga, ʼe feala ke fakatupu tuʼutāmaki. [Lau ʼo te Tohi-Tapu; vakaʼi te w85 1/9 p. 30.]
34. ʼE fakahā e Sehova te aga ʼaē ʼe tonu ke kita fai ʼo ʼuhiga mo he falā ʼe foaki fakafūfū mai moʼo fai ʼo he aga ʼe mole lelei. [Lau ʼo te Tohi-Tapu; vakaʼi te w86 1/10 p. 30.]
35. Neʼe ina foaki te meʼa ʼofa maʼuhiga ʼe fakalaka ʼi te 5 454 000 000. [Lau ʼo te Tohi-Tapu; vakaʼi te g87 22/11 p. 4.]