Te ʼu Tonu
◼ Te tohi ʼaē ʼe tufa ʼi Sanualio: Ko he tohi ʼe pasina 192 neʼe tā ʼi muʼa ʼo te taʼu 1985 ʼe kei toe ʼi te kokelekasio. Ko te ʼu kokelekasio ʼaē ʼe mole ʼi ai hanatou ʼu tohi feiā, ʼe feala ke nātou tufa te tohi Te ʼAtamai Mālama ʼAē ʼe Ina Taki Ki Te Maʼuli Heʼegata ki te 150. Fepualio: Ko te apone ki Te Tule Leʼo ki te 1 000 (ʼi te taʼu katoa) peʼe 500 (ia māhina e ono) ʼo feiā mo te Réveillez-vous! Malesio: Te tohi Te ʼAtamai Mālama ʼAē ʼe Ina Taki Ki Te Maʼuli Heʼegata ki te 150. Koutou faiga tāfito ke koutou kamata ʼaki he ʼu ako Tohi-Tapu. ʼApelili: Ko te apone ki Te Tule Leʼo ki te 1 000 (ʼi te taʼu katoa) peʼe 500 (ia māhina e ono) ʼo feiā mo te Réveillez-vous!
◼ ʼI te Fono Gāue ʼo te ʼaho 5 ʼo Sanualio, ʼe foaki anai ki te ʼu kaugā fai faka mafola fuli ʼaē kua papitema te pepa Attestation prévisionnelle pea mo te kate dʼidentité ki tanatou ʼu fānau.
◼ ʼO kamata ʼi Fepualio ʼo aʼu ki te ʼaho 1 ʼo Malesio, ʼe fai anai e te ʼu tagata taupau faka silikosikilipisio te akonaki foʼou ki te kaugamālie ko tona kupu tāfito: “ ʼE Koutou Maʼu Koa Te Manatu ʼa Te ʼAtua ʼo ʼUhiga Mo Te Maʼuli?”
◼ ʼE tonu ke fai e te ʼu kokelekasio he ʼu fakatuʼutuʼu ʼaoga ʼo ʼuhiga mo te ʼAho Fakamanatu ʼo te ʼAliki ʼaē ka fai ʼi te taʼu ʼaenī ʼi te Moeaki, ʼaho 11 ʼo ʼApelili ʼi te ʼosi tō ʼo te laʼā. Tatau aipe peʼe kamata vave anai te akonaki, kae ko te feʼāveʼaki ʼo te pane mo te vino ʼi te ʼAho Fakamanatu ʼe tonu anai ke fai ʼi te ʼosi tō ʼo te laʼā. Vakaʼi fakalelei pe ko te temi fea ʼaē ʼe tō ai te laʼā ʼi te koga meʼa ʼaē ʼe koutou nofo ai. Logope la ko he meʼa lelei ki te kokelekasio takitahi hanatou tahi teuteuʼi tanatou ʼAho Fakamanatu, ʼe mole lagi feala anai ke hoko tuʼumaʼu te potu ʼaia. ʼI te ʼu koga meʼa ʼaē ʼe lahi ai te ʼu kokelekasio ʼe nātou fevaevaeʼaki te fakaʼaogaʼi ʼo te Fale ʼo te Puleʼaga, ʼe lagi ko he kokelekasio e tahi peʼe laka age ʼaē ʼe feala ke nātou fakaʼaogaʼi he tahi age fale ʼi te afiafi ʼaia. Ko te ʼAho Fakamanatu ʼe mole tonu ke tuai fau tona kamata, naʼa mole faʼa leleiʼia e nātou ʼaē ʼe foʼofoʼou mai. Pea tahi ʼaē meʼa, ʼe tonu ke maʼu he temi feʼauga ʼi muʼa ʼo te kamata pea mo te fakaʼosi ʼo te fono ʼaia, ke feala ai hatatou fai palalau mo nātou ʼaē neʼe hoki ʼōmai, mo fakatuʼutuʼu ke fai he tokoni fakalaumālie kia nātou, pea mo fai he ʼu fefakaloto mālohiʼaki. ʼI te ʼosi fakatokagaʼi fakalelei ʼo te ʼu meʼa fuli ʼaia, ʼe tonu anai ke vakaʼi e te ʼu tagata ʼāfea pe koteā te ʼu fakatuʼutuʼu ʼaē ka tokoni lelei anai kia nātou ʼaē ʼe kau ki te ʼAho Fakamanatu, ke fua lelei kia nātou te lakaga ʼaia.
◼ Ko te akonaki makehe ki te kaugamālie ʼe fai anai ʼi te temi ʼo te ʼAho Fakamanatu ʼo te taʼu 1998, ʼi te ʼAhotapu ʼaho 29 ʼo Malesio. ʼE foaki anai te plan ʼo te akonaki ʼaia. Ko te ʼu kokelekasio ʼaē ʼe ʼaʼahi e te tagata taupau faka silikosikilipisio ʼi te vāhaʼa ʼaia, ʼe nātou fakalogo anai ki te akonaki ʼaia ʼi te vāhaʼa ʼaē ka hoa kiai. ʼE mole tonu anai ke fai fakatomuʼa e he kokelekasio te akonaki makehe ʼaia ʼi muʼa ʼo te ʼaho 29 ʼo Malesio 1998.
◼ Ko te kolesi ʼo te ʼu tagata ʼāfea ʼe tonu ke nātou ʼiloʼi te ʼu fetogi ʼaē ʼe tonu ke fai mokā ʼe kau te kokelekasio ki he fakatahi: Kapau ʼe fai he fakatahi makehe ʼe ʼaho tahi, pea ʼe tonu anai ke fai tanatou ʼu fono māhani ʼo te vāhaʼa, gata pe ki te Akonaki ki te Kaugamālie pea mo te Ako ʼo Te Tule Leʼo. Kapau ʼe ko he fakatahi faka silikosikilipisio, pea ʼe mole fai anai e te kokelekasio te Ako ʼo Te Minisitelio Faka Teokalatike pea mo te Fono Gāue; gata pe ki te Ako Tohi ʼe fai anai ʼi te lolotoga ʼo te vāhaʼa ʼaia.