Tohi ʼo Te ʼu Fakamanatu ʼo Te Ako ʼo Te Minisitelio Faka Teokalatike
Ko te fakamanatu ʼo te ʼu puani neʼe vakaʼi ʼi te lolotoga ʼo te Ako ʼo te minisitelio faka teokalatike ʼo te vāhaʼa ʼo te ʼaho 5 ʼo Sanualio ki te vāhaʼa ʼo te ʼaho 20 ʼo ʼApelili 1998. Koutou tali ʼo tohi ki he laupepa te ʼatu ʼu tali ʼo te ʼu fehuʼi ʼe koutou fealagia tona tali ʼi te kiʼi temi neʼe tuku mai.
[Nota: ʼI te lolotoga ʼo te fakamanatu, koutou fakaʼaogaʼi pe te Tohi-Tapu. Ko te ʼu kumiʼaga ʼaē ʼe foaki ʼi te ʼu fakaʼosi fehuʼi ʼe faka faigafua ki ʼakotou ʼu kumi takitokotahi. Ko te ʼu numelo ʼo te ʼu pasina pea mo te ʼu palakalafe ʼe mole fakahā tuʼumaʼu pe ki te ʼu kumiʼaga ʼo Te Tule Leʼo.]
Koutou tohi “moʼoni” peʼe “hala” moʼo tali ki te ʼu palalau ʼaē ʼe hoa mai:
1. Ko te kupusiga palalau ʼaē ʼe tuʼu ia Gāue 15:29, “Koutou maʼuli haohaoa” neʼe ko he fakapapau kia tatou, ko tona faka ʼuhiga ‘kapau ʼe mole tou fakaʼaogaʼi te toto, pea mo fai folonikasio, ʼe tou maʼuli haohaoa anai.’ [Lau ʼo te Tohi-Tapu; vakaʼi te w91 15/6 p. 9 § 7 te kiʼi nota ʼi te lalo pasina.]
2. Neʼe tonu ia Eva ʼi tana ʼui ʼaē neʼe ina fakatupu tana tama (ia Kaino) “ ʼaki te tokoni ʼa Sehova.” (Sen. 4:1) [ad p. 505 § 7.]
3. ʼUhi ko te ʼu fakataga mālohi ʼaē neʼe hoko ʼi te Eulopa, neʼe fakahaʼuhaʼu ʼo tokosiʼi te kau fai faka mafola ʼi te ʼu fenua ʼaia lolotoga te Lua Tau Faka Malamanei. [jv p. 454 § 2.]
4. Ko te kupu “simonia,” ʼe haʼu mai te fakamatala ʼaē ʼe tuʼu ia Gāue 8:9-24, pea ʼe faka ʼuhiga ki te ʼu gaohi meʼa fakatemonio. [Lau ʼo te Tohi-Tapu; vakaʼi te w90 1/6 p. 17 § 8.]
5. Ia Loma 8:6, 7, ʼe faka ʼuhiga te kupu “kakano” ki totatou ʼuhiga heʼe haohaoa pea mo tatatou ʼu holi ki te agahala ʼaē neʼe tou maʼu ai totatou ʼuhiga agahala. [Lau ʼo te Tohi-Tapu; vakaʼi te w91 1/3 p. 21 § 4.]
6. ʼO mulimuli kia Efesi 5:33, ʼe mole faka ʼuhiga leva te fakaʼapaʼapa loloto ʼa te fafine ki tona ʼohoana, ke mole ina fakahā tana ʼu manatu, tafito la mokā ʼe ʼi ai he meʼa ʼe hoha kiai. [kl p. 144 §§ 12-13.]
7. ʼE kau ia Kapeliele ki te ʼu ʼaselo agatonu pe e lua ʼaē neʼe fakahā tonā higoa ʼi te Tohi-Tapu. [ad p. 563 § 11.]
8. Neʼe mālo ia Seteone ʼi tana tauʼi te kau Matianite he neʼe mālohi tana kautau. [ad p. 578 §§ 3-4.]
9. Ia Gāue 20:20, ko te kupu “ ʼi te ʼu ʼapi” ʼe faka ʼuhiga pe ia ki te ʼu ʼaʼahi faka tauhi ōvi ʼaē ʼe fai ki te ʼu ʼapi ʼo te ʼu tēhina mo tuagaʼane, heʼe hā mai ʼi te koga tohi ʼaia neʼe palalau ia Paulo ki te ʼu tagata ʼāfea ʼo te kokelekasio. [Lau ʼo te Tohi-Tapu; vakaʼi te w91 15/1 p. 11 § 5.]
10. Kapau ʼe tou akoʼi totatou loto ke ina leleiʼia te ʼu meʼa fakalaumālie, mo tou faikole ke tokoni mai te laumālie ʼo te ʼAtua ki te faʼahi ʼaia, pea ʼe tou fakamamaʼo anai mai te “holi ʼo te kakano.” (Loma 8:6, 7) [Lau ʼo te Tohi-Tapu; vakaʼi te w91 1/3 p. 21 § 5.]
Koutou tali ki te ʼu fehuʼi ʼaenī:
11. Ko te fakamatala fea ʼo te koga tohi ʼo Gāue, ʼaē ʼe hā mai ai ʼe mole feala ke tou maʼu te ʼatamai mālama totonu ʼaē ʼe ina taki ki te maʼuli, ʼaki pe tatatou ʼui ʼaē ʼe tou maʼu te Folafola ʼa te ʼAtua pea mo tou lau? [Lau ʼo te Tohi-Tapu; vakaʼi te w91 1/9 p. 19 § 16.]
12. Koteā te faka ʼuhiga ʼo te ʼu palalau ʼaenī ʼa Paulo: “Ko te ʼu puleʼaga ʼaē ʼe tutuʼu ʼe nātou tahi tuʼu ʼi tona tuʼulaga ʼuhi pe ko te ʼAtua”? (Loma 13:1) [kl p. 131 § 7.]
13. Ia Gāue 11:26, he koʼe ʼe fakaʼaogaʼi e te Traduction du monde nouveau te kupu ʼaenī, “neʼe finegaloʼi e te ʼAtua ke fakahigoaʼi ko te kau Kilisitiano,” kae mole fakaʼaogaʼi ia e te tahi ʼu fakaliliu Tohi-Tapu te kupu ʼaē “neʼe finegaloʼi e te ʼAtua”? [Lau ʼo te Tohi-Tapu; vakaʼi te w90 1/6 p. 19 § 19.]
14. Koteā te ʼata ʼaē neʼe fai e te Sosiete ʼi te taʼu 1954 moʼo fakahā te maʼuhiga ʼo te kautahi ʼa Sehova ʼi te malamanei katoa? [jv p. 480 § 3.]
15. Ia Gāue 17:11 ko te faʼahiga ako feafeaʼi ʼaē ʼe fakaloto mālohiʼi tatou ke tou fai? [si p. 193 § 38.]
16. ʼI tana tohi ki te kau Kilisitiano ʼo Loma, koteā ʼaē neʼe fakahā lelei e Paulo ʼo ʼuhiga mo te kau Sutea pea mo nātou ʼaē ʼe mole Sutea? [si p. 194 § 2.]
17. ʼO mulimuli kia Loma 12:2, ʼe maʼuhiga feafeaʼi te fetogi ʼo te ʼulugaaga ʼo te kau Kilisitiano e te mālohi ʼo te Folafola ʼa te ʼAtua? [Lau ʼo te Tohi-Tapu; vakaʼi te w90 1/4 p. 16 § 3.]
18. Koteā te “meʼa fakalilo” ʼaē ʼe talanoa kiai ia Paulo ia Loma 11:25? [Lau ʼo te Tohi-Tapu; vakaʼi te w83 15/11 p. 16 § 16.]
19. He koʼe ʼe mole fakamaʼua ki te kau Kilisitiano ke nātou mulimuli ki he ʼaho faka sapato? (Loma 10:4) [Lau ʼo te Tohi-Tapu; rs p. 343.]
20. ʼE tou lava tauʼi feafeaʼi anai te kovi mo kapau ʼe tou tānaki he ʼu mamala kakaha ʼi te ʼulu ʼo hotatou fili? (Loma 12:20, 21) [Lau ʼo te Tohi-Tapu; vakaʼi te g86 22/1 p. 6 § 4.]
Koutou tohi te ʼu kupu ʼaē ʼe ʼaoga moʼo fakakatoa ʼo te ʼu kupuʼi palalau ʼaenī:
21. Neʼe fakamahino e Filipo ki te enuke Etiopea pe neʼe hoko feafeaʼi te lea faka polofeta ʼo ․․․․․․․․ pea ʼi tana mahino kiai, neʼe ina kole age ʼaki he agavaivai ke ․․․․․․․․ (Gāue 8:28-35) [si p. 192 § 33.]
22. ʼI tanatou ʼosi palalau ʼo ʼuhiga mo te ․․․․․․․․ neʼe fakamālohiʼi e ․․․․․․․․ te tonu ʼaē neʼe ina fai, ʼo ina ʼui fēnei: “ ʼE fakamoʼoni kiai te ʼu palalau ʼa te kau polofeta, ʼo mulimuli ki te meʼa ʼaē kua tohi.” (Gāue 15:15-18) [Lau ʼo te Tohi-Tapu; vakaʼi te si p. 192 § 33.]
23. ʼE hā lelei mai ʼi te faʼifaʼitaki faka Kilisitiano ʼo te fafine Sutea, ko ․․․․․․․․ pea mo tana tama ko ․․․․․․․․ ʼe feala kia nātou ʼaē ʼe maʼuʼuli ʼi he loto fale ․․․․․․․․ ke ʼi ai he ʼu fua ʼo te akoʼi ʼo tanatou fānau ke nātou manavasiʼi kia Sehova. [ad p. 502 § 2.]
24. ʼO mulimuli ki te lea fakatātā ʼa Paulo ʼo ʼuhiga mo te fuʼu oliveto ʼaē ʼe tuʼu ia Loma kapite 11, ko te ʼu telepi e 12 ʼo Iselaele neʼe tutupu mai ia Apalahamo, mai tona foha ko Isaake, ʼo toe feiā aipe ko te ʼu telepi fakatātā e 12 ʼo te ․․․․․․․․ neʼe tutupu mai ia Sehova, ʼo haʼu mai ia ․․․․․․․․ . [Lau ʼo te Tohi-Tapu; vakaʼi te w83 15/11 p. 16 § 15.]
25. ʼI tana mānumānu, ko ․․․․․․․․ te tagata kaugana ʼa Eliseo, neʼe ina faigaʼi ke ina maʼu hona ʼu lelei fakakoloa ʼi te fakamālōlō e tona pule te tagata kilia ko ․․․․․․․․ . [ad p. 623 § 5.]
Koutou fakaʼiloga te ʼu tali ʼaē ʼe totonu:
26. ʼI tana akonaki ʼaē ʼe tuʼu ia Gāue kapite 17, neʼe poto lelei ia Paulo ʼi te fakahā te (pule faʼitaliha; te faitotonu; te ʼofa) ʼo te ʼAtua maʼuli. [Lau ʼo te Tohi-Tapu; vakaʼi te si p. 193 § 37.]
27. (Ko Paulo; ko Petelo; ko Luka) neʼe ina vikiʼi ʼaki he loto māfana te hahaʼi ʼo (Pelea; ʼo Masetonia; ʼo Selusalemi), ʼo ina ʼui neʼe ‘nātou tali lelei age te Folafola.’ (Gāue 17:11) [Lau ʼo te Tohi-Tapu; vakaʼi te w95 1/5 p. 14 § 3.]
28. Ko te loi ʼaē ʼe talanoa kiai ia Loma 1:25 ʼe faka ʼuhiga ki te (tauhi tamapua; ki te ʼu felāveʼi fakasino heʼemaʼa; ki te māhani ʼi te loi). [Lau ʼo te Tohi-Tapu; vakaʼi te ad p. 998 § 1.]
29. Ko (Sesapele; ko Sala; ko Akale) neʼe ina fakahoko te meʼa fakatātā, neʼe ina fakafofoga ia te puleʼaga ʼo Iselaele ʼi te kakano, ʼaē neʼe mole kei ina maʼu te ʼofa ʼo te ʼAtua. [ad p. 39 § 1.]
30. ʼI te ʼaoga ʼaē ke ʼi ai he kau misionea, neʼe fakatuʼu te Faleako (ʼo te Minisitelio Faka Teokalatike; te Minisitelio ʼo te Puleʼaga; ʼo Kalaate) ʼi te taʼu (1939; 1943; 1946). [jv p. 458 § 2.]
Fakatahiʼi te ʼu vaega faka Tohi-Tapu ʼaē ʼe ʼalutahi mo te ʼu kupuʼi palalau ʼaenī:
Pes. 73:28; Taag. 24:3; Isaia 65:13; Gāue 10:34, 35; 2 Ko. 12:7-9
31. ʼI totatou ʼuhiga kaugana ʼa Sehova, ʼe tonu ke tou maʼu te manatu ʼa Sehova ʼo ʼuhiga mo te ʼu hahaʼi ʼo te ʼu lanu kehekehe. [Lau ʼo te Tohi-Tapu; vakaʼi te w88 15/5 p. 16 § 6.]
32. ʼE foaki mai e te Tohi-Tapu te ʼu pelesepeto ʼe hage ko he ʼu meʼa gāue ʼe ʼaoga moʼo faʼufaʼu ʼo he famili fiafia. [kl p. 140 § 3.]
33. Ko nātou ʼaē ʼe nātou fakaōvi kia Sehova ʼe nātou maʼu te fīmālie moʼoni pea mo te tokalelei ʼo te ʼatamai. [kl p. 151 § 3.]
34. ʼI te lolotoga ʼo te hisitolia, neʼe foaki e Sehova te meʼa kai fakalaumālie ki tana hahaʼi ʼi tonatou ʼuhiga kūtuga. [kl p. 162 § 6.]
35. ʼE feala ke fakagafua e Sehova ke hoko he ʼaluʼaga faigataʼa kia tatou ʼi he kiʼi temi siʼipe, kae ʼe ina tali ki te ʼu faikole ʼaē ʼe fai age kia te ia pea ʼe ina ʼiloʼi te temi tonu ʼaē ʼe tonu ke ina tali kiai. [kl p. 156 § 15.]