Te ʼu Tonu
◼ Ko te tufa ʼo ʼAukusito: ʼE feala ke fakaʼaogaʼi he kaupepa ʼe pasina 32 ʼi te ʼu kaupepa ʼaenī ki te 50: ʼE tokaga moʼoni koa te ʼAtua kia tatou?, Koteā ʼAē ʼe Fakamaʼua Mai e Te ʼAtua Kia Tatou? pea Mokā mate he tahi ʼaē ʼe tou ʼofa mamahi ai. ʼE feala foki ke fakahā mo te kaupepa Te ʼu laumālie ʼo te kau mate—ʼE feala koa hanatou tokoniʼi koutou peʼe nātou fakahalaʼi koutou? ʼE nātou maʼuʼuli moʼoni koa? Sepetepeli: Te ʼAtamai Mālama ʼAē ʼe Ina Taki Ki Te Maʼuli Heʼegata ki te 150. ʼOketopeli: Ko te ʼu nusipepa Te Tule Leʼo pea mo te Réveillez-vous! ki te 50 takitahi. Kapau ʼe fia fai kiai te hahaʼi, pea ʼe feala ke fai hanatou apone, ki te foʼi 1 000 ki te taʼu katoa peʼe 500 kia māhina e ono. Novepeli: Te ʼAtamai Mālama ʼAē ʼe Ina Taki Ki Te Maʼuli Heʼegata ki te 150.
◼ ʼE momoli anai ki te ʼu kokelekasio te ʼu pepa ʼaē ʼe ʼaoga ki te taʼu gāue 1999. Koutou fakaʼaogaʼi fakaʼeteʼete te ʼu pepa ʼaia. ʼE tonu pe ke fakaʼaogaʼi ki te meʼa ʼaē neʼe fakatuʼutuʼu kiai.
◼ ʼE maʼu anai e te ʼu kokelekasio fuli te ʼu Pepa Inventaire (S-18) e tolu. ʼI te kamata ʼo ʼAukusito, ʼe tonu ke felāveʼi te sikalaipe ʼo te kokelekasio pea mo te tēhina ʼaē ʼe gāue ki te ʼu tohi ke nā fakatuʼutuʼu he ʼaho ke nā lau ai te ʼu tohi fuli ʼo te kokelekasio ʼi te fakaʼosi ʼo te māhina. ʼE tonu ke ʼiloʼi te ʼaluʼaga moʼoni ʼo te ʼu tohi ʼaē ʼe kei toe, pea ʼe tonu ke tohi ki te pepa ʼaē ʼe fakatuʼutuʼu kiai. ʼE feala ke fehuʼi ki te tēhina ʼaē ʼe tokaga ki te ʼu nusipepa, pe ko nusipepa ʼe fia ʼaē ʼe kei toe. ʼE kole atu kia koutou ke koutou momoli mai te pepa ki te Sosiete ʼi muʼa ʼo te ʼaho 6 ʼo Sepetepeli. Koutou taupau te lua pepa ʼo ʼai ki takotou ʼu tosie. Ko te tolu pepa ʼe feala anai ke fakaʼaogaʼi ko he pepa gāue. Ko te lau ʼaia ʼo te ʼu tohi ʼe tonu ke takitaki e te sikalaipe, pea ko te pepa ʼe tonu anai ke vakaʼi e te tagata taupau pelesita. Ko te sikalaipe pea mo te tagata taupau pelesita ʼe nā sinie anai te pepa ʼaia.
◼ ʼE tonu anai ke kamata fakaʼui e te ʼu kokelekasio hanatou ʼu Kaletalio ʼa te kau Fakamoʼoni ʼa Sehova ʼo te taʼu 1999 ʼi tanatou pepa fakaʼui ʼo Sepetepeli.
◼ ʼE tonu anai ke foimo vakaʼi e te komite Gāue ʼo te kokelekasio te ʼu pepa ʼo nātou ʼaē ʼe fia kau ki te selevisi pionie katoa. ʼE mole tonu ke taupau e te Komite Gāue he pepa ke nātou vakaʼi muʼa peʼe feala kia ia ʼaē ʼe fia pionie ke ina fakahoko tona ʼu hola. Ko te ʼaho ʼaē ka hinoʼi moʼoni anai te pionie ʼaia, ʼe lagi fetogi anai mo kapau ʼe momoli tona pepa ʼi te hili ʼo te ʼaho ʼaē ʼe ina fia kamata ai tana selevisi pionie. Kapau ʼe ʼi ai he ʼu takuʼaki ki te faʼahi ʼaia, pea ʼe tonu ke faitohi ki te sosiete mokā ina momoli age te pepa.—Vakaʼi Te Minisitelio ʼo Te Puleʼaga Fakafalani ʼo Sepetepeli 1986 ʼi te palakalafe 24 ki te 26.
◼ ʼI te ʼu ako tohi ʼo te kokelekasio, ʼe kamata vakaʼi anai he ʼu kaupepa ʼi te ʼosi ako ʼo te tohi Te ʼAtamai Mālama. Neʼe ʼui e te kiʼi logo ʼi Te Minisitelio ʼo Te Puleʼaga ʼo Maio 1998, ʼe kamata anai ʼaki te kaupepa Fakamaʼua ʼi te vāhaʼa ʼo te ʼaho 21 ʼo Sepetepeli. ʼE hoa anai kiai te kaupepa Te Kau Fakamoʼoni ʼa Sehova—Logo Tahi Moʼo Fai ʼo Te Finegalo ʼo Te ʼAtua ʼi Te Malamanei.